Saturday, December 18, 2004

爺爺又回魂!(政治評論/怪論)

昨晚,爺爺突然回到陽間我家,又給他嚇了一跳!問佢返來做乜,佢話
陰間收到好多"領匯"的招股書,好奇回陽間看一看堝。一場回魂,當然
要問問爺爺佢老人家點睇呢件事啦。

爺爺:"恆隆個肥老闆講得對,近來的事真係太政治化咯。"

我:"爺爺你有無搞錯,領匯上市嚴重損害公屋居民權益;拆紅灣又不
環保。這些係社會的問題,唔係政治事件!"

爺爺:"傻仔!那些阿公阿婆識屁打官司!環保分子們,學你網友飛毛
腿話齋,從來冇乜人啋佢,突然俾人抬上轎人氣急升,升到上神檯啦。"

我:"爺爺,你講來講去,咪又係講番無恥政客和無聊社工係樹搞事,沒
一點新意啦!"

爺爺:"乖孫,你30歲人啦,拜託你看事物看透徹一點好嗎?激進政客和
社工們泰半都係四肢發達,頭腦簡單的壞鬼書生。這件事可是部署得宜,
一氣呵成!那些蛋散那有這個知識智謀?"

我:"你係話阿大班同志係幕後搞事?"

爺爺:"不全對,我聽陰間的人講,件事係佢背後的"李老闆"在下命令的。"

我(拿了今期的壹週刊給爺爺看):"吪,你是說他要為老闆們爭取超市
不加租金?"

爺爺:"原因之一啦,你想想,紅灣變成了豪宅,誰人會損失最大?地球?
當然係啦;可李某的損失亦不菲呀。李某經營紅(石勘)一帶經年,家陣
仲有意思想北角/炮台山-紅(石勘)/土瓜灣連成一線去發展。無情情多
了個"老新"的無敵海景項目來爭客,不除不快呀!現在可好,變了間平平
無奇的公屋,唔怕阻佢地發達啦!"

我:"那領匯呢?又何是說?"

爺爺:"當一個有錢人可以連10蚊盒叉燒飯都爭住來做,為了節省一年數
千萬的租金去搞風搞雨,亦唔係無可能;當然,亦唔排除有動機係向政府
顯示實力啦。"

我:"那,商人不是以和為貴嗎?搞那麼多事不怕惹仇家?"

爺爺:"有POWER仲使講以和為貴?目下的情況係,大班同志做了李老闆
的政治代理人,配合其他表面激進的政客(例如新界西的那個大隻西),
動員一大班搏出位的中堅社工,驅動一班無腦的"知青"、"紅衛兵"去作
反。總之"打劫得手"後,大家再僈僈分帳啦。:) "

我:"啊?那些基層人仕及其代表們豈非做了萬惡有錢佬的先鋒?"

爺爺:"係呀,醒目仔要出位無辦法啦。當然,唔排除真的有些傻仔係有
理念有理想的,可惜,給人利用了也不知咯。"

我:"喂,講番,點解"老新"0甘好人,明知俾人玩都肯退後一步呢?"

爺爺:"陰間有傳聞,"中央"唔希望事件搞到太大鑊,故此喝住"老新"
不得亂來。李老闆的部署和其執行實在太出色,對手全無招架之力;所
以無論政府和對手,由頭到尾都係捱打。成件事,"大李老闆"都沒出過
面,"小李老闆"只係說過一些"無影響投資信心"的說話。完全置身事外!
就算壹仔都無料可踢爆!但無論觀乎代表金融界的"潮洲怒漢"、又或係
兩間"老新"的頭頭,樣子都係敢怒不敢言,又或者係"有怨無路訴",你
就估到幕後的人馬唔係0甘簡單啦。你估佢地會唔會驚兩個盲丙和那班
無聊社工?"

爺爺續道:""小李老闆"係個凡事食到盡之人;報章說大班同志話兩條
盲丙"唔上訴我就仆街"!有人看來真係不贏盡不心死呀!"

我:"喂,爺爺,你所講的有無証據呀?"

爺爺:"無呀,不過陰間睇事物可以睇真D,正所謂天知地知嘛!不中聽,
大可落陰間告我誹謗咯!"

說完,爺爺拿了我那本壹週刊,轉身化了一縷青煙,回陰間去了。

19 comments:

Anonymous said...

其實綜合各人言論, 呢單野真係無人幫得落. 領匯當然抵打, 咁大班顧問真係坐係度食飯, 咁都俾個阿婆一鑊玩起. 另外, 阿婆當然係俾人擺上神檯舞, 難道佢真係當全港市民係白痴, 所有野都係佢一個人上身??

Anonymous said...

would you mind asking your grandfather if anyone can apply the same court action tactic to deter tycoon Li's conquest of West Kowloon ?

收買佬 said...

conquest of west kowloon ? 李老闆?願聞其詳。

--- 收收

tungpo said...

不如發動全民去展覽場地投票給活力星的對手囉!

Anonymous said...

仲沒吃擔擔面就講哂畀我知了,嘻嘻。我請[你爺爺]食左擔擔面喇。
你阿爺啊...講野真夠爽。^ ^
---布偶貓

Anonymous said...

收收,Tungpo :

我既意思是請教收收爺爺可不可用番領匯的訴訟手段去阻止政府在西九單一招標的決定。

收收,經過一連串用法律手段去解決政治問題的事件後,我十分欣賞你選擇進修法律的決擇。

收買佬 said...

港燦:我無乜興趣同心機研究呢家0野咯,恕我幫唔到你。

師兄:你話點,我就點,聽你話照做咯。

--- 收買佬

收買佬 said...

為免誤會,兼夾要practice what i preach,從今日起
我會先login才留言;費事話人玩匿名/分身,自己又唔login,
真係不合情理吪!~~~


--- 收買佬

DoA said...

好文章,收兄。敬你一杯,在下服你服到五體投地。日後請多找你爺爺來拍點迷津。

收買佬 said...

公爵兄:客氣客氣,我代我阿爺多謝你。~~

--- 收收

收買佬 said...

係醉貓網度睇到,幾好笑,特別轉載等大家週日笑一笑啦:

(作者:練肉)

香港既婚姻註冊制度係註冊後會公開張貼註冊雙方資料2星期讓公眾人仕閱覽,期內無人反對註冊方為有效,,,,,,

若果 忽然有個食飽飯等屎痾既老癲婆晌死線一刻 話個男仔係佢老公作出反對!咁 婚姻法庭都會受理安排審理而推遲該段婚嫁註冊合法生效日期 !!!!

好好一段正常姻緣亦因此蒙污!!!

究竟註冊男女今次係唔係註冊得 好大意呢? 還是係對註冊條文 冇危機感呢?? 抑或係厘種婚姻註冊 制度失敗到冇加入醫治咬綜援亞婆突然發癲厘種藥性 而引致呢,,,,,,,?

雖然,由於亞婆係癲既所以最後都會一定冇事,亦唔會影晌到佢果份每月3千幾既綜援,照樣日日歎完特價下午茶擔住支牙簽繼續發癲扮打虎巨人,,,,,

但係,,,,

你話個老癲婆如果今次敗訴係唔係好可憐呢,,,,,,,,

Anonymous said...

問題一:如果盧婆婆沒有人幫手,她可以用法律程序告房委會?

答案是-------冇可能。

問題二:房署出售資產對佢有重大損失?

答案是-------幾乎完全冇。

要爭論以上兩點的人是(才羅)o黎坳。

何況領會資產留在房署身邊,對社會無好處,大班支持一個冇意義的行為會侮辱市民,他大可能會成為這件事件的大輸家。

曾健成當日錯判形勢,打梁錦松及葉劉,結果選立會議員連5%選票都冇,沒收保證金。以往他參選就算不當選亦不致如此田地。

收買佬 said...

上面呢位,我想回你之際,發覺邦哥的comment仲正仲貼切。:)

http://bonbon2468.blogspot.com/2004/12/e-d.html

--- 收買佬

Anonymous said...
This comment has been removed by a blog administrator.
收買佬 said...

搞事者的留言而刪。

--- 收收

Anonymous said...

政府有疏忽、政客唔認錯、瘋婦誤金融。

香港人全輸,無前途,第日仲有好多類似事件,填海、拆紅灣等事件,就有「所謂環保人士」反對;政府如果再分拆資產上市黎救財赤,也會惹起不同階層、不同團體、圈子反對,將來施政更困難。

而選民居然選出一些禍港的區議員、立法會議員、「所謂」社工,(社工為了自己的飯碗而煽動市民和政府對抗,今次唔係第一次,如入境署縱火案累死個入境主任,只是其一。)

呢批禍港人士,凡事必對抗,以假民主、爭自由,爭權益做餌,好易招攬一班無知的支持者。

長遠而言,應付呢班牛鬼蛇神才是首要事務。

Anonymous said...

收買佬君:說"搞事"在下還真擔當不起,在下只不過見各人一面倒去踩一個老婆婆,用語重又不見完全有理,看不過出句聲。既然原文已刪又屬搞事之言,再重提也沒意思。先前不清楚有些甚麼言論是挑戰不得的,謹在這裏道個歉,以後也不會上來為這裏帶來甚麼"麻煩"就是了。

P.S. 這裏沒有留private msg功能,這個留言又要勞煩閣下自行刪除了。

收買佬 said...

無名氏君:無private msg ? 你見不到左邊我的email address ?
Guestbook (會log IP) 亦可以俾你發言。所以唔好係又話壓止唔
係又話壓止,唔該。

挑戰我?我都無講過0野,你亦好似唔係回緊我。正確點講,無人知你
講緊乜,亦無人知你係邊個,同對邊個講緊說話。

連名都唔留,搞到個個匿名者"一時左一時右",自言自語,你當我呢樹
係乜 ?

話人之前,檢討0下自己先啦!無一點自省,同老董一X樣!

--- 收收

Anonymous said...

Three passions,warcraft leveling simple but wow lvl overwhelmingly strong,wow power level have governed wow power level my life: the longing wrath of the lich king power leveling for love, the search for knowledge,World of warcraft Power Leveling and unbearable pity WOTLK Power Leveling for the suffering wlk power leveling of mankind. These passions,wlk power leveling like great winds,age of conan gold have blown me hither and thither,cheap aoc gold in a wayward course,aoc power leveling over a great ocean ffxi gil of anguish, reaching final fantasy xi gil to the very verge of despair. I have sought love, first, because it brings ecstasy - ecstasy so great that I would often have sacrificed FFXI Gil all the rest of life for final fantasy gil a few hours of this joy. I have sought it, next, because it relieves loneliness--that terrible loneliness in which one shivering consciousness dog clothes looks over the rim of the world into the cold unfathomable lifeless abyss.