Saturday, December 23, 2006

聖誕短打 (社會文化)

不知所謂


香港昔日足球短片

今日星島日報專訪歷史博物館長丁新豹. 阿丁生同好多文化佬一樣, 都係講一些
集體回憶呀, 昔日的公廁都比IFC 優美之類的(廢)話. 本來都沒甚麼值得收收開
火的地方. 但當他說道他很不明白為何在世界盃期間攪的<<足球>> 展覽會拍
烏蠅, 還說"可能喜歡足球的人, 未必喜歡去博物館.“ 收收就真係完全不明白為
甚麼館長會有此疑問. 因為那個足球展, 根本就乏善足陣. 難聽點說, 非常之垃圾.

足球的歷史和題材繁多. 你可以講古代足球典故, 講現代足球故事, 講經典賽事,
講不朽巨星, 講本地足運, 又或海外球壇. 最主要的是每個主題要清析和深入,
而非胡亂放一些球星簽名球衣, 放映一些雜亂無章的短片便算. (播三十秒六十
年代皇馬對安德列治的歐聯決賽, 突然跳到99年曼聯反勝拜仁那一場賽事, 再
突然間播映66 年英格蘭贏得世界盃, 這是甚麼的表達方式? )

那項世紀代表性的球星, 差不多全是英格蘭球員. 但柏天尼, 路明尼加, 巴治奧,
費高, 羅馬利奧, 告魯夫.....無記錯很多落選了. 館長仝人集體回憶的標準, 令人
吃驚又欽敬.

場館盡展英國三流球隊的"珍品“, 像史篤城的錦旗, Notts County 三十年代的
球衣之類. 但巴塞, 米蘭雙雄, 祖記, 小保加, 聖保羅等等的展品, 對不起, 收收
當日不覺有. 博物館仝人對足球的認知, 不用多講了.

至於本地足球的一欄, 也只係放些球迷世界看了幾百次的舊照, 放一些錦旗, 舊
雜誌(只能看到封面), 舊剪報, 草草了事.

足球和歷史乃我至愛之一. 展覽給這個笨蛋攪到這麼難看, 人流稀疏收收也覺
得心傷. 祁望館中上下再攪足球展的話, 請先做足功課,亦要擴闊視野, 這世界
不是只有英國才有足運的.

相關推介: 昔日球壇


米蘭雙雄

國際米蘭經歷了半季的戰鬥﹐在國內竟然還是不敗之師﹐令全世界大跌眼鏡﹗
文仙尼領導下的這班"沒腦袋的土匪" (踢球者雜誌語)﹐在米蘭打0比力戰獲勝
後﹐便越踢越順。過去十多年的霉運﹐一剎那煙消雲散。目下球隊踢得春風
送爽﹐媒體少了負面報導﹐球隊的壓力和內部不和舒緩了不少﹐皇者霸氣十
多年來第一次顯現。現只怕費高不能負荷兩邊戰線, 是時候買入一員中場派
牌員. Hmmm....想衰就買碧咸啦. :)

反之AC米蘭就越踢越沉﹐球隊攻不銳守不穩﹐卡勒一貫的低能﹐卡富﹐馬甸
尼和恩沙基老態龍鐘﹐派路厭戰﹐加度素傷愈狀態未操起﹐施多夫不堪獨挑
大樑﹐基拿甸奴未夠班﹐而千多萬歐羅買入的奧利華拉﹐只宜作快速反擊或
兩邊側擊的戰將﹐根本不合米蘭中路組織進攻的踢法。(找他去倫敦當亨利的
接班人就或者OK 0既。) 單靠一個卡卡單天保至尊, 好得人驚。買人啦, 唔該.
你們人手係真的不足呀.

11 comments:

Stannum said...

聖誕快樂呀﹗

Stannum said...
This comment has been removed by a blog administrator.
Hyacinthus said...

BigBrothre, Wish you the brightest joys of this holiday season and the happiest of new years to come!

梁巔巔 said...

收收兄,

祝聖誕快樂!

P.S. Nice to meet you. :)

梁巔巔 said...

以前嗰 oD先係 ball! 唔係誇張, 有國際水準!

但奇在點解以前 oD攝影角度咁有大場 feel. 而家嘅反而咁渣?!

收買佬 said...

本土足球其實算谷底反彈了, 係亞運同亞州都踢得還可以.
只係給球品差劣的伊朗阿差騙了個十二碼才僅負, 唉.

大場feel ? 可能係賽事係大球場踢唔係旺角場的關係吧.

tungpo said...

以前舊大球場係好唔錯場地,無論睇波或電視拍攝都係。今日新嗰個好似太高啦。

梁巔巔 said...

Yo!!!!! 終於入到嚟 la!!!!!!!

"大場feel ? 可能係賽事係大球場踢唔係旺角場的關係吧."

但就算係而家嘅大球場, 都冇以前嗰種 feel. 唉~

我最唔明係個大球場點解唔整到個蓋可以關~

梁巔巔 said...

"是時候買入一員中場派
牌員. Hmmm....想衰就買碧咸啦. :)"

.....

唉, 收收兄,

今日睇報紙, 國米決定買了... 慘! 國米咁難得先翻番身, 睇嚟又將再衰過.... :(

收買佬 said...

梁兄: 國米買人一向亂0黎, 幾年前買一籮前鋒, 但中場和
後防就人手不足. 碧咸論創造力論技術論乜都衰過費高,
完全代替唔到佢.

又, 唔好以為費高老餅無用, 歇冬前反勝亞特蘭大, 贏的,
就係費高. 那幾記致命到肉的傳送, 碧咸就無乜可能做到啦.

又, 申報利益, 意甲我擁AC 米蘭.

梁巔巔 said...

.....

我係國米 fans....

;)