Wednesday, March 21, 2007

電視迷大挑戰 (影音娛樂)

紅豆沙 vs 白飯魚



“紅豆沙與白飯魚”這套劇﹐收收有點印像。但記得當年這
套劇係一個綜合喜劇節目內的一個環節﹐而非獨立的製作。
不知收收有否記錯﹐還請各位電視迷指點。~~


再講少年十五二十時



越看越覺有趣﹐賈思樂老爸真的教收收憶起早已逝世的契爺
(乾爸)﹐那位做母親的反有點像收媽的脾性。我﹐當然沒有
劇中賈思樂的多愁善感啦﹐反而更像他那頑皮的弟弟﹐哈﹗


桂神


(片段﹕頂級﹐神奇﹐超卓! 我愛黃興桂!)

不知怎的﹐近來有點懷念黃興桂的旁述。他獨特的風格﹐初
時十分乞人憎﹐後來漸漸適應﹐倒也覺得幾惹笑。遲些真的
要寫寫桂神, 以抒收收思念之情....


延伸引讀:
通寶師兄的天蠶變
LDD的幻海奇情(鬼故)

18 comments:

梁巔巔 said...

我好鍾意呢種 feel!

我最近有個怪癖, 就係喺黃金時間, 用機播番七, 八十年代的電視劇, 正!

收買佬 said...

你仲有當年的帶?

睇怕經典台啱晒你和TUNGPO. :)

aulina said...

搭唔到嘴,記憶好模糊.. :(

梁巔巔 said...

買番嚟的~ 好似射雕英雄傳, 陸小鳳呢啲~

tungpo said...

我鍾意桂神講NBA喎。當年ESPN係佢同張丕德一齊講,好過癮。

Anonymous said...

乜“紅豆沙與白飯魚”唔係歡樂今宵裡面嘅環節咩?

做賈思樂老爸嘅係李志中,幕後人,就係當年同劉家傑爭狄娜搞到自殺嗰個。做阿媽嘅係殷巧兒,唔係全職藝員,但係有料到嘅人。

“少年十五二十時”係有誠意之作。睇番今日嗰啲咩高朋滿座嘅所謂sit com 呀、咩四葉草式嘅年青人劇呀,簡直嘔血呀!以前的確好多正嘢係而家冇嘅,因為社會唔同咗,都冇嗰啲情懷。我哋都要接受現實。

Anonymous said...

少年十五二十時。。。睇唔睇到是誰寫的劇本呢?

收買佬 said...

匿名者: 又唔可以話衣家所有電視劇都唔得, 近兩年都有
些不俗的. (例如酒店風雲) 點都好, 電視劇始終係重播的
好看.

又, 我好肯定紅豆沙與白飯魚係一個半小時的綜合攪笑劇
中的一個section, 後來先獨立發展, 但那套劇叫乜, 我就
唔記得啦.

Space 兄: 呢度應該有:

http://www.youtube.com/watch?v=KBM00v8zTOs

Anonymous said...

收收兄:

唔該晒!!!

但只catch 到 編導是甘生 甘國亮!!!可能當年唔興 :(

Just said...

收兄又來「老人院」,正合小弟那杯茶,我都記得"紅豆沙與白飯魚”係一個綜合節目其中一節,個內容好雜架,有盧David同薰妮,"林亞珍"好似都係其中一節,仲有個片頭扮晒荷李活美高梅(?)隻獅子(但用咗人頭)咆哮添!

Just said...

醒起啦,個人頭應該係肥貓鄭則士,個節目名始終諗唔到,係咪"論盡天堂"?

程霜 said...

紅豆沙與白飯魚應是"Sit Com""鬥氣冤家"的其中一環節

程霜 said...

論盡天堂係薰妮+陳玉蓮+鄭則仕

收買佬 said...

Just 兄 & 程師兄: 多謝指教. 你地講起我先知原來又有套
劇叫論盡天堂....而唔睇無線收費台, 都唔知有套劇叫唔駛
問阿貴. :)

又, just 兄及各位, 小弟以後會間唔中"老人院" 一番, 各
位老人家敬請stay tune. :)

Anonymous said...

tuning !!!

程霜 said...

聞說當年TVB乃木人巷,編導人工小小責任多多,一般節目的編導乃"編"與"導"混合體,只有助理做阿四,監製管budget,不難相信甘先生自編自導。

老人院?長者集體回憶話當年好唔好?都係一句啫.....

Anonymous said...

又得啫.

Unknown said...

How I miss “少年十五二十時”!

護士:馮秀蓮(often acted as 小姐 in 民間傳奇);
病人: ? 余家倫
Louie 的女性朋友: 苗嘉麗
Little lovely brother and sister: 鄭大衞,鄭麗麗 (actual biological brother & sister; migrated to USA, according to Sunny 哥哥)

Excellent choices of all pieces of background music and all sounded familiar.
The content was sad.
感覺就像閱讀一篇滲透著淡淡哀愁的散文o