Tuesday, April 10, 2007

再來長假點滴 (歷史文學), (體育世界)

右翼分子

有線新聞之花訪問日本右翼分子某某, 內容不外乎他們做了很多嚴正的研究,
絕對肯定沒有南京大屠殺一事. 口吻和嘴臉跟八九年的袁木同志"有得揮". 其
實他們越否認, 就越代表他們心裏有鬼, 亦覺此事野蠻及無人性, 不然攪那麼
多事幹嗎?

有和日本人打交道的朋友, 都知道日本右翼分子在日本國內毫無市場, 社會地
位比那些電車男還不如, 情況有點像左仔土共之於香港人, 係完全為主流社會
鄙棄的.

日本繁盛多年民智已開, 實在不用太擔心日本人會被人洗腦. 真正令人感概的,
是他們不感興趣的態度, 想當年我有幾回和我舊女友和舊同學們談起這些"上
一代的恩怨", 他們只是"給你面子" 去聽一聽. 對他們來說, 這些真的係上一
代的事, 與我何干? 所以就是當他們看見李連杰飾演的陳真去虹口道場踢館,
又或向華強飾演的龍五返回1937年的上海, 深入皇軍營地去拯救賭聖時, 只
會大呼過癮, 而不會覺得受辱. :)

又, 題外話, 不知為何收買佬總覺那些"MK仔"穿上日本國家隊球衣的, 係非常
戇居又樣衰. :)


轉貼自醉貓網: 氣候改變“導致盛唐衰亡”

(收收按: 很久沒在醉貓網看到有趣的東西, 這篇文章實屬近期難得, 值得轉貼
以饕各位看官.)

一項最新研究認為,中國歷史上最為輝煌的一個王朝──唐朝由于古季風的
改變而致其逐漸衰亡。

德國波茲坦地學研究中心的科學家通過鑽孔獲取的岩心樣品, 揭示東亞古代
冬季季風強度。 他們發現,在過去15000年里,有三個時期的冬季季風很
強,而夏季季風很弱。

前兩個時期是在冰河紀,而后一個時期大約在公元700-900年間。

唐朝自公元618年至公元907年延續近三百年, 經濟發達、文化繁榮、國力
強盛,是中國歷史上繼漢代出現的又一鼎盛朝代。盛唐的貞觀、開元之治
向為史學家們津津樂道。 但公元751年唐朝軍隊與阿拉伯大軍激戰于中亞
重鎮怛邏斯,唐軍大敗后退,唐朝開始衰落。

豪格的研究小組認為,最終造成盛唐衰敗的是長期干旱和夏日極其少雨的
氣象原因,因為連年干旱造成谷物歉收,激起農民起義,并最終導致唐朝
在907年滅亡。

豪格的研究小組說,同樣的氣候變化也曾在中美洲出現,影響到瑪雅文明
的發展,著名的瑪雅文明也因此消亡。兩者之間有著驚人的類似。

此前對委內瑞拉卡里亞科盆地沉積物所作的分析表明,公元9世紀左右加勒
比海地區出現了持續100多年的干旱,其中公元810、860及910年更出現
了嚴重的旱災。 而正是在這段時間里,許多瑪雅城市荒蕪了。


(短片: 看到此, 真的要播放收收的最愛經典金曲: 唐朝樂隊的<太陽>. )


聯賽點滴

週六深宵時, PSV, 巴塞, 曼聯和國際米蘭都不約而同地失分. 想落了注的賭徒
們應該屍橫遍野. 收買佬亦覺得心灰, 不是因為輸錢, 而係好好的領前優勢又
再被縮窄, 唉! 同病相憐的還有PSV, 不單歐聯即將出局, 連聯賽的寶座也很有
可能丟了. 現在阿積士和AZ 都只是落後兩分, 真的不知朗奴高文和列卡特他
倆在攪甚麼. 國際米蘭沒能取得勝利, 加冕之日變相要押後, 但和些路迪一樣,
這都只是時間的問題罷了. Last but not least, 曼聯輸波的那場, 從精華所見
真係十分攪笑. :)

23 comments:

chaco said...

氣候、地理與歷史向來息息相關。
少了Alex,psv潰不成軍。至於巴塞,在西班牙盃帶著落後一球之劣勢作客沙拉歌沙竟然搏晒命,結果緊接兩場聯賽失五分,亦令十分唔順之沙隊今場誓要復仇,再失三分。

tungpo said...

農民起事向來是中國改朝換代的動力,並非唐代獨然。無法啦,農業係好睇天的事物。

好想曼聯失多二至三分,咁車、曼之戰才吸引。

Alvin said...

Check this out:

http://dv.ouou.com/play/v_e42b6b14d1ecc.html

收買佬 said...

C & T: 其實係158X年 至 168X年 之間都有全球性的
氣侯反常. 此回攪到英格蘭走向共和, 俄國人成功把蒙
古人完全趕走, 崇禎和查理一世一同拉柴, 所以氣侯問
題, 真係唔係嘢小. :)


又, 我都想寸王三連冠, 好使他去西甲前留下完美句號.



A: 多謝你的足本連結.

tungpo said...

繼羅賓遜式錯誤後,收收可以多個雲達沙式錯誤做口頭禪。

收買佬 said...

長江後浪推前浪, 家陣最核突的係Ben Foster 式錯誤.

http://www.youtube.com/watch?v=pp1WU-wYe3w&mode=related&search=

gaubinfor said...

祖國可不可利用鄉鎮企業, 鼓勵廠商搬廠和內地省市鄉鎮等, 製造就業, 去消弭因急劇工業化和圈地帶來污染和耕地消失令農民起事的機會 ?

收買佬 said...

你有乜高見呀?

chaco said...

雲達沙一向名大於實,當年在祖記有賴佢接中田英壽遠射甩手被蒙迪拿補中,我偶像巴迪高才能拿到唯一聯賽冠軍,感激不盡。

收買佬 said...

你都鍾意巴迪斯圖達?

昨晚賽果比利記追成3-3那場更加唔正氣, 收收無落注
但都覺得好離譜.

the inner space said...

嘩嘩!!!買左曼聯番盤小勝羅馬﹐因為球證會幫拖﹐而且賠率好過賽前大熱羅馬﹐點知曼聯大炒羅馬“七個一皮”總成績 8-3 晉級﹐輸小小錢喇。

而車路士正路作客2-1擊敗華倫西亞總成績 3-2 晉級。

有睇曼聯場波的朋友﹐唔該畀個賽後評﹐同死因報告﹐是否羅馬太保守﹐想守和就算﹐心理上輸晒?

梁巔巔 said...

收收......

曼聯.....

最衰都係你 la! 上次咁講, 攪到而家曼聯晉級 la!!!! 妖!!!!

木頭 said...

只好講句冇經驗
又俾之前既表現沖昏左,都唔係第一次
好似對里昂守住黎踢咪好
做咩要鬥攻,on99

收買佬 said...

LDD: 妖我? 你唔好姓梁, 改姓賴啦. ~~~

拿, 家陣你隊拜仁出線, 就可以報番99年之仇啦. 執生呀
老友.

Space 兄: 無睇賽事, 但見羅馬失球的時間, 全屬重挫士
氣的時間. 太早太快失太多球啦, 班波即刻散晒. 當然木
頭兄所說的, 亦係原因之一.

the inner space said...

同曼聯鬥攻呀! 嘩嘩 .....

不過睇返入球時間﹐二十分鐘輸三蛋﹐又有真係只有怪教練﹐排陣不重防守 或D 防守太輕敵。


最斃係打起左曼聯個勢頭﹐在歐聯同英超﹐同曼聯爭霸球隊多得羅馬唔少。

收買佬 said...

上天要令你滅亡, 必先令你瘋狂. 從來係盃賽炒人大鑊者,
到最後都係出局收場, 放長雙眼睇啦.

the inner space said...

米蘭2-0 勝拜仁 總成績4-2 晉級﹐會對 曼聯﹐而利乜普 1-0 勝PSV燕豪芬 總成績4-0 會對番英超隊伍車仔﹐主客兩場好似 打英超咁﹐頗為無癮。

昨晚無落注﹐冇贏冇輸。

拜仁輸左畀米蘭無得睇對曼聯頗失望!

tungpo said...

AC搞掂拜仁喎!

收買佬 said...

四場睇錯兩場, 我決定自己踢自己出局.

申報利益: 贏了利記但輸了拜仁, 唉.

the inner space said...

收收兄:

Thank you very much!! 在我的邊的留言,分析獨到。

我只看到入球﹐未能有機會﹐看到重播臨場佈陣﹐球員表現﹐教練場邊半場的提點等等。

但身為隊長和隊中的老大哥﹐可以在場中幫到穩定作用﹐ 好顯然個別的未能做得到。

chaco said...

我最鍾意馬勒當拿,李華度,巴迪高!

據報曼聯用必被盯緊之朗尼、c7分處左右路,傑斯、史密夫則在中路突前,令羅馬防守被拉開,果然在中路入首二球,之後羅馬已散。

米蘭首回合卡卡插水入點球,次回合則大恩入球越位,又睇下下回球証幫邊便囉,嘿嘿。

收買佬 said...

球証當然會企係曼聯那邊啦.

AC米蘭又屎, 我估曼聯贏8-1.

the inner space said...

選擇在這邊回應你﹐“整定恩沙基食硬大猩猩 ”

WELL!!! 就看入球來說﹐奧利華 簡恩﹐英雄遲暮﹐經驗係夠﹐但反應卻慢了。

第一球上一場代他擔任正選的後生仔把關﹐
可能救到。第二球有越位之嫌疑。Chaco 都是咁講。

Thanks Chaco for "據報曼聯用必被盯緊之朗尼、C朗 分處左右路,傑斯、史密夫則在中路突前,令羅馬防守被拉開,果然在中路入首二球,之後羅馬已散。" Got that good point.