Saturday, May 19, 2007

寫在前頭 [最後更新] (體育世界)

皇馬的咀咒? -- 寫在歐聯決賽前


(短片: 請各位先欣賞一下主題曲!)

幾可肯定﹐下週四凌晨的歐聯決賽﹐會是一場悶戰。

對賽雙方的領隊都被冠為戰術大師﹐球員們亦是沙場老兵。加之大家都是
曝光率甚高的歐聯常客﹐兩年前早已碰過頭﹐有甚麼都給對方摸通摸透了。
利物浦近年實力有所增長﹐米蘭則有所回落﹐雙方實力變得接近。因此預
期這會是一場悶局﹐一場和局。隨時要踢十二碼定生死。

收買佬無意作出賽前分析﹐倒想看官們留意一個近年才有的兆頭吧﹐這預
兆無以名之﹐就暫稱為“皇馬復仇者”吧。

自02-03年的歐聯起﹐皇馬只能小組出線﹐從未能殺入決賽。可非常巧合
地﹐近幾屆把皇馬踢出局的球隊﹐最後都會死在該屆的冠軍手上﹐看官請
參考下列紀錄﹕



到底利物浦能否戰勝命運再來一記大逆轉﹐還是皇馬咒語係牢不可破呢﹖

Blog界明燈梁巔巔看好利物浦﹐但收買佬現實生活認識的一個明燈卻買了
米蘭。事已至此﹐收買佬不敢亦無力多說了﹐只有祝各位賭仔好運。:)


寫在聯賽完結前

"將球大腳踢進球門, 然後我們便可以回家好好慶祝!" 前拜仁隊長艾芬堡
對身旁的P 安達臣說道. 後者把皮球放下, 緩緩的向後退, 一臉的忐忑不
安, 到底他能否把握這個最後的得分機會呢? ....

時為2000-01年的球季, 史浩克04 和拜仁鬥到最後一輪還是難分難解.
拜仁只要1分便能奪冠, 而04 卻是非勝不可. 04做好了本份贏了最後一
場賽事. 拜仁卻在89分鐘時給漢堡射入一球, 落後0-1. 04 的球迷興奮
莫明, 縱然拜仁那邊未完場, 他們已急不及待搶先慶祝. 可正在補時階段,
拜仁乘對手門將用手接隊友的回傳球, 得到一個間接罰球, 拜仁的生死
存亡, 完全落在P 安達臣的肩上.


(短片: 短短四分鍾, 拜仁失而復得, 04 得而復失, 激情足球一場.....)

結果你知我都知, P 安達臣那一腳衝力射球, 不單射破網, 也射破了 04
仝人的奪標夢. 04 延續了未能在戰後的德甲聯賽奪標的霉運. 這次, 已
是他們第三次在最後關頭墬馬了.

本賽季 04與俄羅斯能源 Gazprom 集團簽訂了總價值達1億2500萬歐
元的贊助. 這也是德國歷史上最大的一筆贊助。俄資的激勵使人們以為
04 會變成為德甲的車路士. 然而本季的04 一如既往, 在最後一刻脫腳.
領隊和球員們雖然都係沙場老兵, 但心理質素之差比史特加的小虎差得
遠. 上週六的下午,他們一點也不像冠軍。現在,他們似乎注定要再經
歷一次最後崩盤的賽季。 老對手艾芬保不忘"抽水", 算死 04會歷史重
演:"04具備奪冠條件,但他們的神經太脆弱了,愈需要堅強時反而會
愈軟弱。我認為他們這一次還是會空手而回."

寫在前頭, 我認為04 長達數十年的奪標期待, 恐將繼續成空.

22 comments:

Anonymous said...

該屆拜仁先憑漢堡門將送禮奇蹟奪冠,再在歐聯決賽互射點球射得奇差(當旺之安達臣也射失)卻憑對手射得更差完成雙冠,其運氣不遜兩年前之曼聯三冠。

當年零四真係好慘,今年丟冠卻非常合理,可惜我七周前(拜仁贏零四前)買的冠軍是拜仁而非史特加。

本周馬體會對巴塞,兩隊有共同敵人,前者會否力促死敵連食四季白果?妙。

tungpo said...

當年場波都有睇,諗住拜仁香啦,點知,哈!

Anonymous said...

P. Andersen performed very well this season, but Bayer Munich sold him to Barcelona after the goal.

The defensive line of Bayer has been weakened after Andersen's left.

收買佬 said...

Colin: 馬體會同皇馬只係"連宋" 或"馬黃"之爭, 他們
也不喜歡巴塞. 反之愛斯賓奴就同那些皇家牌0岩key.
所以他們會在89分鍾敗給皇馬, 而(皇家)貝迪斯就踢
埋飲奶之力去迫和巴塞. :)

hhh 兄: 拜仁退步的, 又何止防守. :)

師兄: 請check email. :)

Anonymous said...

my most memorable goal was 2002 CL final Zidane's shot !!! They won that year.

Youtube ==> the Zidane Goal

收買佬 said...

呢球算係近年決賽的最佳入球.

遙想當年利華夠食力入決賽, 今時今日係咁賣人, 莫講
話歐洲賽dup 晒, 連係德國本土都變成二打六.....

Anonymous said...

慘得過列斯!

收買佬 said...

今晚買了比勒費爾德讓球客勝. :)

Anonymous said...

史浩克04難脫二奶命

收買佬 said...

04 呢隊波就好似"pre-油王"年代的車仔, 乜都差少少....

乜都係假, 曼聯衰收尾, YES !!!!

今期反曼之星 -- 杜奧巴!!!

Anonymous said...

我十分喜愛歐聯主題音樂, 但無法找到這手機鈴聲.

收買佬: 同意, 拜仁一直下滑, 心傷.

Anonymous said...

我主觀願望係利物浦贏, 因為...我好憎AC!

話說由潘宗明旁述o既意大利聯賽精華同兩三個月一劑o既沙池球壇盛事, 係我睇波方面o既啟蒙老師, 當時被馬勒當拿o既技術吸引, 加上粉藍色咁sharp o既波衫吸引, 所以我捧拿玻里, 最憎o既當然係主要對手AC & 國米, 亦所以時至今日, 對米蘭雙雄仍然絕無好感。80年代尾90年代初, 祖仔正值低潮期, 所以我對佢反而冇乜喜惡.

收買佬 said...

路過的: 哈, 你的品味和另一位訪客Just 兄一樣, 亦係
喜歡肥馬和拿坡里. :)

但本網主實在太討厭英國足球, 加上ACM 係我的二奶,
所以本網係情感上會全力撐ACM. :)

hhh 兄: 拜仁能否復興, 關鍵在於他明年能否吸入一些
海外好手. 他近幾年只係打“七傷拳“, 不斷刮空其他德
甲球隊的精英, 做成國內係龍, 國外係虫....令到德甲水
平下跌, 亦令自己無得進步.....

Anonymous said...

我覺得拜仁應該要增加多一個中場

Just said...

多謝收兄提起小弟!略作更正:小弟80年代最愛荷杜;90年代就係Divine pony tail老巴。當然我也超級欣賞老馬的個人技術及球感(真係人波合一,小弟同屬矮細左腳進攻型,對其踢法份外投入)....但就從未支持其球隊與國家隊.......
最近少了post文,因屬季尾爭標階段,我又係曼迷,費事抒發情懷引起爭論,而家一切塵埃落定,此刻同收兄企番同陣營,力撐Barca!

收買佬 said...

Just兄如斯資深有見地的球迷﹐竟然係紅魔鬼陣營﹐真係可惜。:( 幸好
小弟無出文講足總盃﹐不然Just兄你可能一氣之下不再來咯。﹕)

又﹐巴塞今年就算能奪冠﹐都只會像PSV般驚險﹐霸氣全無﹐改革實屬
必然。

Just said...

各有所好啫,不過深知「情意結」這回事根本就難解釋,或者好似英國波一樣,自細睇大,硬係鍾意捧佢場。講番西甲,又實在估唔到Barca趺watt趺得咁快,個人認為後防太鬆散是為第一源頭,甚麼域陀華迪斯、奧利古亞實無理由可在班霸立足,而那邊廂皇馬又神奇地斬瓜切菜般趕過來......
照收兄意思,Barca應如何變革呢?

收買佬 said...

嘻﹐同曼聯迷講ball講得0甘正經舒服﹐今回都係第一次。﹕)

巴塞的毛病﹐其實講來講去都係老掉牙 -- 頭重腳輕。今年
多了新問題﹕後備兵實力不足。季初稔住整兩件意甲兵來
撐場﹐但無論他們定係皇馬班友都証明了意大利佬比英國
佬更不適合西甲。好想巴塞能簽入一對閘和高大中堅。可
惜皇馬快一步買了梅仕達﹐車仔又收番阿歷士。好既又買
到的貨﹐一時間想唔起咯。

有人話列卡特的陣法過時。收收不太同意﹐舊年的巴塞甚
或車仔﹐咪打得有姿勢又有實際﹖關鍵係比賽太多﹐兵力
唔夠打幾條戰線﹐最後咪攪成0甘。其實4-3-3 呢套野﹐唔
變好過變。你看列卡特玩了幾次3-4-3﹐輸多過贏﹐死未﹖
小弟說的變革﹐係換湯不換藥之變。﹕)

又﹐你覺唔覺得應該賣了伊杜奧﹖我覺得$ 0岩的話﹐呢條
麻煩友真係要請他走。

Just said...

我地呢d睇咗廿幾年波,唔通仲同Forum班小朋友喺度拗C朗勁d定卡卡勁d咩?
意大利佬又真係冇邊個喺西甲揚名,我淨係諗到韋利好似踢馬體會攞過西甲神射手,不過佢有名球場浪人,同一般意大利佬有d唔同!
原來阿歷士係車仔嘅人,呢位中堅我極有好感,上次歐聯追和阿仙奴嗰球d彈力真係嚇死人,不過車仔啱啱同卡華路續咗約,如果泰利留隊,佢未必有正選踢(雖然我覺得卡華路屎好多-翻版古圖)
有傳聞費Sir都睇中伊杜奧,不過我覺得佢始終未算頂級前鋒(雖然佢會認為自己係!)

收買佬 said...

哈﹐hurt 多你一次都要﹐我覺得卡加勁過c 朗。:)

係 外國網站看過幾次﹐PSV 同 車仔係有千絲萬縷的關係﹐陣中
有好幾個係車仔的人﹐只係俾PSV用住先0甘解。阿歷士法律上
係100% PSV球員﹐但他和PSV的合約寫明06/07年球季後PSV
要以一英鎊賣番俾車仔堝。不過唔知他能否拿到英國勞工証﹐因
為他係巴西算係邊緣國腳。

話時話﹐PSV 一向賴以成功的模式 -- 去南美引入平靚正外援﹐好
有可能隨著那幾個球探投向車仔那邊已中止。之但係﹐車仔可能
都會整番幾件大後備過 PSV 踢下0掛﹖

今朝報紙話夏格維斯天價過曼聯﹐拜仁真係識做買賣。﹕)

Just said...

收兄真識入位!好在我唔係C朗「粉絲」,小弟都覺得卡卡何止勁過C朗,當今最佳進攻中場,捨佢其誰!我覺得佢實際用途仲勁過細哨添。上次紅魔兩回都唔肯釘緊佢誠屬敗筆之處!
拜仁呢幾年喺市場交易明顯過於保守,就算賣夏格有大筆錢,估佢都唔會點肯使錢買人!
至於紅魔中場,多個後腰王,加埋卡域克,史高斯慢慢淡出,前景依然明朗^_^

收買佬 said...

拜仁不是孤寒, 係有錢請d 大牌或準大牌都唔0黎. 之前話
買"疤面剎星", 但家陣馬賽有歐聯打, 佢來拜仁就傻仔啦. 睇
怕佢頂盡都只能掘到東尼呢類球員. :) 展望將來要幾年先
可以復興. :)