Saturday, June 16, 2007

週六胡言亂語 (體育世界), (個人日記)

未登天子位﹐先置殺人刀


(圖: 鹿死誰手?)

西甲踢至最後直路﹐榜首榜末依然緊湊。係親英曼傳媒 (包括有線球彩台幾
位MK妹女主播)全力發功下﹐美斯的一記手球被無限放大為他一個畢生污點﹐
而巴塞慘被打成一支毫無體育精神的球隊。可同樣是手球﹐雲佬(范尼)對拉
科拍入的那個進球就不見有廣泛報導﹐更不要說曼聯多年來的不義了﹐雙重
標準呀。

收買佬並不討厭皇馬﹐反之對他們其實頗為欣賞。然而卡特朗和他的球員們
也實在太過傲氣啦。上週一完場時, 全體上下便跑出球場慶祝﹐你道最後一
輪你真能拿下馬略卡嗎﹖真的是“未登天子位﹐先置殺人刀”。

又﹐皇馬要是勇奪冠軍﹐幾可肯定碧咸這廝定會被全球媒體寫成獨力拯救皇
馬的教世主﹐哎!


燒銀紙得天下


(圖: 拜仁的新球衣很難頂.....)

當今之世﹐莫道是歐洲五大聯賽﹐就算是中超港甲﹐也是有力並懂得燒銀紙
者得天下。史特加和羅馬之類用地庄而名列前茅的﹐絕對係不常見。查實從
來無一支只賣不買的球隊係能夠成功的﹐西維爾和雲達不萊梅之類絕非只賣
不買之輩﹐他們只是懂得不斷的低買高賣﹐更懂得購入優質的替代用品罷了。
(基爾禾及韋根這些才算只賣不買的。) 今時今日攪小本經營﹐幾肯定會被邊
緣化﹐更甚者會變成溫布頓之流﹐消失於無形之中。

今期足球週刊有篇拜仁的專題文章﹐大意是說拜仁諸公向現實低頭﹐不再固
執於每年燒銀紙的預算至今花了五千多萬歐元買球員。連鎖效應下多路德甲
球隊都係0甘搶人﹐特別係拜爾藥廠(利華古遜)與及大眾汽車(禾夫斯堡)﹐直
覺明年的德甲會好看多啦。:)


遊戲時工作﹐工作時遊戲

讀書時代認識一位同學﹐行事作風非常有趣。他最愛在讀書時遊戲﹐在遊戲
時讀書 -- 在自修室不是溫習而是看漫畫小說或跟別人聊天﹐坐了一天書也
沒有翻了兩頁﹔可當大伙兒幹活完畢﹐去吃飯﹐踢球或打保齡球時﹐這怪人
便會把書本拿出來﹐一邊玩一邊讀。當然﹐在心存雜念的情況下溫習﹐只會
事倍而功半。所以他的成績一向不太好。

像他這種“遊戲時工作﹐工作時遊戲”的人實在不少。看官別以為只有打工仔
才這樣﹐實情是不少老闆/僱主也是這種德性。收買佬認識一位老闆﹐平日
辦事愛理不理﹐但就最愛在渡假前叫手下預備好文件﹐好讓他在酒店內審
閱云云。收買佬懷疑他也只是把文件帶去渡假罷了﹐試問有多少人在旅遊
玩樂途中能真正辦公啦 ﹖

16 comments:

收買佬 said...

至於MK 係乜, 請看以下網站:

http://hk.geocities.com/mklookcom/

Anonymous said...

死,我覺得美斯那記手球很精采...

tungpo said...

關於手球,我覺得烏鴉咀比利當年評馬勒當拿上帝之手最正。佢圥安慰英格蘭球員,然後話呢啲事係足球比賽成日發生,包括英國本土的聯賽!

又,我覺得今年最污點比賽係曼聯作客愛華頓。

Anonymous said...

作為死硬派阿根廷fans,我會說美斯的手球充分體現佢嘅足球智慧、反應同運動神經。:p

咪以為好易,俾著所謂天才神童朗尼,一世都唔會入得到。

香港體育傳媒,親英曼之餘,仲熱衷於將阿根廷妖魔化。

又,小弟唔知點解總係外遊時,最多電話同緊急電郵!真係遊戲時工作 --- 被迫地。

收買佬 said...

半桶水兄: 我都覺得好精彩. :)

師兄 & 路過兄: 從小好很頂唔浦那些親英曼傳媒. 無限
量把垃圾英格蘭和曼聯吹大, 仲要猛咁唱衰幾隊死敵, 眼
冤. 仲成日吹水英格蘭贏世界杯, 我挑 ! :)

可惜, 收收聽番俾d德國佬及阿根庭佬講, 佢地都無當過
英格蘭係一回事. 非常好笑. :)

收買佬 said...

師兄你講開曼聯作客愛華頓一役, 令我諗起班親英曼人
的好笑.

一方面, 佢地義正辭嚴, 對西甲聯賽末段的暗花行為,
與及意甲季末強隊'hea' 踢大加鞭韃, 話係無體育精
神云云.

另一方面, 對英超聯賽末的陰陽怪氣, 又從來沒有作
出一樣咁正義的comment, 我挑 !

若然講呢番話的係wendy 之類人, 都算啦. 但寫的講
的通常係球圈中人, 真係弱智傳媒害港 ! :)

Anonymous said...

話利華古遜專賣人
其實佢來季又收納番唔少好球員

helmes
sinkewicz
gekas
m friedrich

下季有睇頭





備歐戰拜爾又有大手筆,國腳M弗裏德裏希即將加盟

賽季剛剛結束,近來轉會市場收穫頗豐的勒沃庫森隊又有大手筆了。日前,俱樂部經理霍爾茨伊澤對媒體表示美因茨隊的德國國腳中後衛M弗裏德裏希即將加盟球隊。目前,雙方將正在商討合同事宜,一切順利的話,這名國腳將在下周與這支萊茵球隊簽約。

M弗裏德裏希現年28歲,司職中後衛。自從1995年加盟美因茨隊以來,他已在這支球隊效力12年之久,期間曾短暫轉戰雲達不來梅。2004年,美因茨隊升入甲級後,M弗裏德裏希重新歸隊並帶領球隊掀起了一陣不小的紅色浪潮,隨後在2006年入選克林斯曼執教的德國國家隊並逐漸坐穩了主力替補的位置。本賽季,隨著美因茨隊不幸降級,爲了能參加2008年歐洲杯,這名國腳不得不考慮離開效力多年的球隊。勒沃庫森隊和多特蒙德隊先後相中了他,最終前者成功得手。

M弗裏德裏希將是勒沃庫森今夏的第六筆引進球員。之前,球隊花重金引進了德甲最佳射手耶卡斯、德國國腳欣基維茨、智利天才少年比達爾等人。看來,勒沃庫森不僅僅把眼光放在下賽季的聯賽上,聯盟杯也是其主要衝擊目標之一。

除了幾筆引入,勒沃庫森也放走了一些球員,門將布特,後衛胡安、巴比奇、施騰曼、馬杜尼、邁耶爾,前鋒沃羅寧都被主教練斯基貝排除在下賽季計劃之外,將不得不離開拜耳競技場。

收買佬 said...

>又,小弟唔知點解總係外遊時,最多電話同
>緊急電郵!真係遊戲時工作 --- 被迫地。

大佬, 你呢隻係奪命追魂call, 佢個隻係帶一 0急
文件去布吉巴里. 我唔知你地點, 我自己去玩時就
永遠無mood工作. ~~

收買佬 said...

ksli: 係呀, 出年利華同禾夫應該會帶來大驚喜. :)

Anonymous said...

手球不是污點,出到手球也贏不了波(拿不了冠)才是污點,枉作小人。

皇馬奪冠沒有救世主,一如史特加是對手太唔爭氣而已。你頂唔順佢地大事慶祝的話,今晚唔好睇咯,自稱天下第一會、卻發瘟多年,終於避過一連四年食白果,唔興奮到發癲至奇。

至於阿邊個話港媒「熱衷於將阿根廷妖魔化」,確然,那次6-0贏秘魯定智利奪世盃幾乎全港媒都咬定係假波—贏不夠係你實力唔夠,抵死,贏夠數就一定係假波,即是點都死—這是甚麼邏輯?

收買佬 said...

colin: 傻啦, 贏咪贏, 有乜所謂? 你估我真係0個d 鐵杆球
迷, 一輸波就要開拖0個隻咩? 講到灰, 早幾年咪仲衰? 我
只係頂唔浦0個d 擁英曼躉0者 -- 成日滿口體育精神fair
play, 跟住大鑼大鼓將人地矮化醜化, 仲彈人家出暗花.
但學師兄話齋, 曼聯對愛華頓之類賽事, 又或保頓力砌車
仔那場, 唔知算係乜?

有人話英國佬的足球觀猶如美國佬的世界觀, 果然 ?

又, 馬勒當拿年代我對阿根庭無乜feel -- 算係異類因為
d 人一係愛佢一係恨佢. :) 反而因為巴迪高同列當度, 鍾
意了阿根庭幾年, 但家陣就再度無乜feel, 但會撐阿張家
輝的場.... :)

ps. 今晚都算happy ending, 柒咸一換出, 即刻反敗為
勝. :)

The Inner Space said...

我都o系! 見到 overrated 碧咸
被換出 皇馬先有波入﹐哈哈哈!!!

不過新聞片都是專播碧咸﹐拖著三個小碧咸落場慶祝!

收買佬 said...

Space: 若然俾柒咸建功奪冠, 分分鍾係頭條A1 ! :)

Anonymous said...

馬體會歐協席位也撈不到,真開心。0-6輸俾巴塞輸得咁爽丫拿,又係枉作小人兼蝕埋把米。

以西維爾狀態,盃賽決賽對基達非未許樂觀!

Anonymous said...

今日各大報章,榮耀盡歸碧咸。但明明場波佢零貢獻......

另,今日睇生果波經,唔知好嬲定好笑:

巴 塞 衞 冕 失 敗 的 5 大 罪 人
.....(前略)
奸 有 奸 輸 : 美 斯
季 尾 犯 手 球 「 出 術 」 , 對 士 氣 帶 來 負 面 影 響

咁都得?????

收買佬 said...

路兄: 生果報同白粉報一樣, 睇得多會壞腦. :)

colin: 去年今日我睇好維拉利爾和西維爾, 看淡奧沙辛拿
及輕度睇淡馬體會, 總算勉強無令大家失望. :)