Tuesday, August 07, 2007

看完電視有感 (影音娛樂), (體育世界)

Keyman 過檔三色台

明珠台轉播巴塞亞洲之旅, 收收赫然聽到有線資深講波佬阿鎖匙人的聲音, 夥
拍"超級大傻仔" 鍾志光旁述賽事. 據說阿鎖匙人七月約滿有線並放棄續約, 過
檔無線做體育節目主持兼講波. 可憐有線少了這個台柱, 精心拍攝的宣傳片要
補拍新的了. :)

有線失掉了英超, 講波佬團人手過剩係意料之內, 其餘的三大聯賽又早有骨幹
旁述員, 鎖匙人亦看來沒有他們對那些聯賽熟悉, 轉型艱難不如出走; 又或許
他轉到三色台是升了職, 慢慢轉為管理級人馬, 多做行政少做旁述, 亦未可料.

查實無線本身應有足夠的足球賽事讓他去講的, 每年十多場的荷甲直播, 賀歲
波, 收費台那邊又有英冠, 遲些又有奧運足球, 有他夠忙了.


皇馬放棄收購德倫菲 (R. Drenthe)

皇馬終於放棄收購德倫菲,呢位荷蘭二十一歲以下國腳係早前的U21歐國盃
表現可人, 成為多間豪門的目標. 飛燕諾索價一千七百萬歐元的轉會費, 老實
講, 離譜地高. 收收一直覺得他十分差勁, 只得一股牛力和高速, 技術粗枝大
葉, 總之就唔多掂, 所以他在夏天一鳴驚人, 收收也覺得好詫異. 然而一剎光
輝不是永恆, 他在飛燕諾四角賽中打回原形, 皇馬亦十分聰明立刻縮沙, 飛燕
諾看來要另找笨買家啦. ~~


巴塞亞洲之旅

哈, 踢得唔錯喎, 精銳都算盡出, 並非單純渡假掘金. 起碼, 有幾球真的幾精
彩, 亦起碼, 比曼聯的比賽好看得多.



最令收收高興的是, 杜斯山度士逐漸打起, 表現不俗, 巴塞青訓, 真係勁 ! :)

10 comments:

The Inner Space said...

頭兩球有越位之嫌!
最尾細哨個球, 個門將睇波!

Just said...

話時話收兄,雖然大家對Cable都係彈多過讚,但我都覺得佢d宣傳片幾有心思!早輪宣傅2010世界盃嗰幅油畫好似都仲有Keyman份!
班講波佬執位就預咗,又真係無諗過Keyman過檔啫,不過有佢喺無記講,點都好過"超級大傻仔",呢條友以為亞瑜同亞叔離開就坐正做大佬,不知所謂!過去戲劇組啦,跟劇本讀,無得佢亂嚟,佢扮醫生幾唔錯架。

tungpo said...

Keyman好似同李德能一樣係馬會有份工,最終應係向呢方面發展啦!

Anonymous said...

愈來愈唔太鐘意聽Keyman講波,近年講得愈來愈hea..尤其睇佢講copa阿根廷聽得出佢冇乜用心去講同做功課..

收買佬 said...

除了何老靜, 鍾仔算係另一個我覺得好屎的講波佬,
攪0甘多年毫無進步, 好唔掂. 話時話, keyman 可
能都可以多線發展拍劇集, 佢個樣幾0岩拍一些古
裝片. :)

Anonymous said...

keyman早幾年已經唔係cable員工,同有線講波都係逐場收錢。

另,講野一舊舊嘅大哥瑜可以講足廿五年波,都算係奇蹟.....

收買佬 said...

阿“巢皮“ 和何老靜講了0甘多年, 咪一樣係異數 !

Just said...

各brother知否ESPN係咪冇英超播?望節目表就唔多覺,好想聽皮蛋黃講波!

Anonymous said...

Keyman借亨利抒發心聲???


Keyman雜談:亨利你要長大了

曾經,亨利看來是不會亦不應離開阿仙奴的,然後,當亨利終於還是加盟巴塞了,他可能發現,早知早走啦,幸好,還未太遲。亨利在阿仙奴是神,球隊勝負都好像只靠他,榮譽是你的,壓力也是你的,這種人上人的包袱,難頂但還不是不能接受;然而亨利留在阿仙奴也是山寨王,勝負都彷彿是一人操縱,偶一為之固然飄飄然,長此下去都是成長絆腳石,當亨利曾經打算待在兵工廠終老時,腦中的只是老去,而不是成長。

包袱輕了盡情發揮

巴塞的亨利,是不一樣的亨利,不再是山寨王,巴塞的攻擊線上,亨利只是4條煙之一,有你更好,沒你也不會太壞,失落同時,亨利應該高興,原來世界之大不是你最大,原來年紀再大還可再長大。當細哨傳送隨時比你更刁鑽,伊度奧爆發隨時比你更高速;美斯的人氣隨時比你更高;杜斯山度士的入球能力也隨時不比你差的時候,看來危機四伏,但要更上一層樓,就要面對挑戰。亨利的選擇其實只是忠於自己性格,他獨當一面,但從來不是神話球員,你當他神咁拜是你的錯;他最好的日子,是球會有伯金、國家隊有施丹等大哥拱照的時候。年紀上亨利比另外數條煙大一截,但心底裏他是需要被照顧的;放心吧亨利,在巴塞,你可以回到少年時,重要性減低了,但同時包袱也少了,盡情享受孩童時的足球情懷吧,「你仲有得進步喎,細路。」文:馬啟仁

收買佬 said...

just 兄: 睇足週話大陸的ESPN 失落英超俾天盛.
照計本港的ESPN 亦都係沒有了英超, 所以你只
好聽菜肉魚講波了. (都係南華舊人0者!:))

路過大佬; haha, 有可能真係抒發心聲. :)