Saturday, October 20, 2007

重陽節短記 (體育世界), (個人日記), (金融經濟)

有數講, 未斷氣


網友畢烈拿兄曰: "印象中英倫三島在各屆大賽, 再差都至少有一個代
表入到圍. 就算英格蘭香左都有蘇格蘭, 愛爾蘭. 94世界杯無英格蘭都
有愛爾蘭, (但)70年代及以前就唔清楚啦.“

望真一點小組排名和賽程, 連我這個反英球迷也認為英格蘭"未斷氣“.

英格蘭餘下一戰係主場面對克羅地亞, 查克羅地亞只係數字上未能確
定能否出線(還差一分, 但有兩場賽事未打). 不排除克羅地亞大功告成
時會放水, 英格蘭在這場剎科戰贏面頗高. 至於俄羅斯, 從上一場賽事
的表現看來, 並不覺得他們有何出色, 客場鬥以色列絕難言勝 -- 查實
收買佬在朗尼入了第一球後便關掉電視睡覺了, 因為我覺得"場波已經
擺了入雪櫃" 也 !

反之, 我覺得蘇格蘭將不能出線. 除非法國作客負於早已出局的烏克蘭,
兼且要意大利負於蘇格蘭但又打敗法羅群島, 法國才會出局。意大利就
非常簡單 -- 只要在餘下兩仗拿四分便可. 主場鬥法羅群島應該會輕鬆
勝出, 而火拼蘇格蘭時則勝可以和亦無問題。然而蘇格蘭呢, 就必定要
在最後一役擊敗意大利, 許勝不許其他, 好難攪.

所以若然最後意大利, 法國和英格蘭幾路人馬能夠出線, 絕不教人意外!


另類慶祝 !




入球show 看得太多, 不如看看球員們的新奇慶祝方式. 也留意阿鵬的攪笑
評述 ! :)


住九龍塘讀過名校, 原來有罪

網絡世界紅衛兵眾多, 不用說, 當中有很多係極度仇視敵對階級啦, 在
他們眼中, 典型的黑五類, 當屬居於九龍塘, 曾就讀名校, 兼事業略有
小成, 家有丁點恆產的. 收買佬自己愚笨, "對號入座", 最後慘遭批鬥,
差點要"放飛機" 和跪玻璃. :-)

其實, 想深一層, 真的不應該埋怨任何人, 蓋自己從來一事無成, 更非
有錢人, 跟紅小將們本是同一階級才是. 怪只好怪自己階級認受性不
足好了. 看來我真的要好好學習, 以後不要再犯這類腦筋性的錯誤才是. :)


三萬點 !

覺得今時今日有些人還在花精神去估大市幾時見頂好去造淡, 非常戇
居. 在這種市況去估幾時見頂造淡, 風險比盲衝衝買入超高P/E 的三線
股還要高. 嫌貴嫌市況畸型, 大可像我甚麼都不買, 但造淡? 你有幾多錢
輸(去補淡倉)?

6 comments:

tungpo said...

吓,講階級講出身呀!依家上面都唔玩呢家啦!香港某啲人真係俾政府同屋企人縱壞,愈來愈唔似樣。

收買佬 said...

該等仁兄和紅衛兵無分別, 排他性極重. 階級敵人
講乜都係錯. 當然, 九龍塘更係黑五類大本營, 住
係度的都唔係人. :)

我幾年前同醉貓某條傻佬講過, 唔係見人發達就咬
實話人地為富不仁. 而你讀雞校住板間房成世人無
出色, 關人癮事?! 偏偏好多人就係要搵架鬧, 真係
抵佢地成世做合約老散.

chaco said...

最鍾意見到淡友被挾到呱呱叫。

收買佬 said...

哈﹐我最鐘意見到d 火中取栗的人辣親隻手﹗﹕)

HHH said...

在現教育制度下,當小孩報小學時侯,那些背景呀、宗教呀,D階級問題就突然走哂出來。很煩,會有不少比較。

收買佬 said...

師兄﹕我同你當年報我地母校時候﹐都
好似要背景申報0者﹗

其實屋企有無水﹐咩背景﹐老竇老母做乜﹐
有無必要0甘計較﹖你入去讀書﹐做好自
己0野就得啦﹔你理得人地老竇係李家誠﹖

成日覺得最care 呢家0野的﹐正是那班
動不動就眼紅人地的憤青。(你唔係自卑
感發作﹐人地住邊﹐屋企有無水都唔關
事啦﹗)