"我讀LAW 0架!"
(短片: 君行學長 vs 天使小姐)
睇完以上的賽事精華, 相信大家都明白何為"好佬怕爛佬, 爛佬怕潑婦"了.
平日聲大夾惡, 開口企硬埋口抗命的激進新左, 面對一個更加聲大夾惡的
癲婆, 只能夠乖乖地像政府官員般"不卑不亢" (難聽點說, 就係做鵪春啦.)
唉, 君行學長, 你都有今日囉. ~~~
又, 很不明白為何有些人像梁小姐或王岸然般, 常常提醒大家佢係"讀Law
的". 首先, 大把人讀law, 你有個三級榮譽法學位, 又或一張文憑, 不代表
甚麼啦. 再說, 真要標榜自己係法律專業的話, 就請先去考取專業資格吧.
(唔知梁小姐的情況, 但係岸仔就係人都知佢成績唔得, 唔夠料去讀PCLL.)
一味的識少少扮代表, 人前人後不停講:"我讀Law 0架, 我讀Law 0架", 真
係睇見都眼冤.
如我所料
馬後炮都係0甘話, 小弟都係一早猜中英格蘭無事, 但蘇格蘭就要出局. 昨
夜一戰後, 果然局勢如此, 請參看我早前的文章:
http://johnny1186.blogspot.com/2007/10/blog-post_19.html
果真是, 天未亡英倫, 更未亡碧咸, 哈! 又, 經此一役, 不知俄國會否發生排
猶事件呢?
Sunday, November 18, 2007
Subscribe to:
Post Comments (Atom)
18 comments:
渣個爛鬼DIP 都夠膽行出黎咁大聲吠... 好心佢啦...
講野d格同d天水圍大陸人冇分別
一樣咁悲情 大大聲聲 唔知以為去左街市睇人鬧交
咁既人出黎選 傻既先會投佢票
意大利呢場勝利令我聯想起德國人在去年夏天四強戰到最後出局的慘痛
同樣係初段就先聲奪人,殺你一個措手不及(分別係今場上半場一開波,果場就加時上半場)
同樣係派路最後一刻做既一腳判對方死刑
係命運安排?還是真係可以機關算盡到咁?
除了佩服..都唔知可以講咩..
英格蘭真係如你所講大難不死,睇個勢at last好可能贏埋首名
講真睇左你個blog咁耐,文筆雖精簡
但係睇得出閣下經驗老到,睇野極之透切
特別足球方面好多都預測得好準,如果從買波角度去睇,真係好過睇丁偉傑專欄多多聲:)
ps. 意大利場波有線潘生丘生講野真係令人作嘔,全場都偏幫蘇格蘭,根本由東尼入第一球開始幾乎大部份人都心中有數,意國至少八、九成出梗線,
兩條友一直係度幻想蘇格蘭點反勝,扳平既一球佢地都知有offside之嫌,都要死撐話係合法
唔通有線冇英格蘭播,兩條傻仔都要借鄰聯邦國家隊黎褻瀆以表大不列顛民族之效忠?
chaco said...
想請教p兄，若果我向貴公司投訴為何貴公司縱容冇光顧mccafe的人霸佔該處座位，你經理會如何回應，或指示你們如何回應？
在劣質華人社會，麥記還是只賣劣質平價垃圾食品較恰當，起碼我因此不會再光顧mccafe。別誤會，我不是在詰難你，我也曾是麥記員工。
>剛剛睇返我上一次留言的post先睇到呢個留言
希望收兄不介意我佔用這裡空間回一回post:
就我地普通員工立場來說,都好對果d冇買mccafe產品而入黎mccafe區度坐既人好反感..
第一遺留好多正鋪產品既垃圾,增加mccafe lobby員工的工作量
第二當繁忙正鋪顧客霸佔mccafe區座位,令mccafe顧客冇辦法之下去左mccafe區以外既座位等野食,對於我地mccafe出order又添麻煩
但係好老實同你講,我地為免得失呢d客(南蠻),大多數非必要時都要隻眼開隻眼閉,因為如果真係遇著爛佬潑婦,就算經理出面都冇辦法
因為如果因為同客有爭執,有咩後果係連d經理都承擔唔起
做服務行業就是這樣無奈,只有呼籲顧客去守我地既規距
遇著d唔守規距既南蠻顧客,所有規距變得形同虛設,作為經理同顧客之間既夾心角色,遇到幾多無理取鬧只有忍氣吞聲
題外話: 所以呢份工愈做得耐,會愈發覺自己冇左做人原則,久而久之會對前景冇左方向
建議未做過野既後生細仔,想做m記都係短短地做幾個月抱拎下經驗既心態就算
唔好話太過認真搏殺,到你同班人相處落有一定既fd,到有經理開始重視你果陣,
會好似我咁就去留問題掙扎咁耐,
同埋以為走下撻下吹下水就搵到下錢,個人會愈黎愈冇哂動力冇哂轉數
第日投身想其他行業又做唔黎就恨錯難返
>講真睇左你個blog咁耐,文筆雖精簡
>但係睇得出閣下經驗老到,睇野極之透切
駛乜講? 我讀law 0架嘛! :-)
>渣個爛鬼DIP 都夠膽行出黎咁大聲吠... 好心佢啦...
咪係囉, 一個佢一個王岸然, 扮Q 晒嘢好鬼難頂 !
個位姐姐仔真好唔掂,當佢大大聲講佢係讀LAW既時候,就知選著佢唯有自求多福 ~
曾幾佢係風子選區度參選,佢就化晒妝穿石戴銀,搵埋個過氣名星男友搞小型演唱會助興,政綱人人都咁行,但佢既政綱既然是搞xx區合唱團,話音樂怡情又要build我地既文化水評云云哦,係對手嚴重無實力下最終當選! 當選後六日休息,而閒日則落廉聲稱外出見客,退休既風爸評為之懶鬼,返工時間少之又少,什麼合唱團都無乜人有佢咁得閒,印象中她既建樹係某個星期六搭車吃海鮮團咁大把!
不過，一別多年她學多左一樣野,佢會以LAW行凶哦,以佢的見識大家都係行遠少少 XD
阿妹﹕你小心梁小姐告你誹謗呀﹗
人唔笑狗都吠，如果選著呢類議員，真係要自求多福！
未到最後都唔知結果，既然麥卡倫將所有希望都寄托係以色列身上，希丁克亦都可以將所有希望寄托係羅賓遜身上，而少好多莊家都係咁諗！:P
嗚，我青少年時是天使小姐的聽迷呀！那時她不過十九歲！女人，真係不耐老。年紀一大，乜都變壞！
祖哥: 近排開心番d 無呀?
師兄: 可能當年的, 只係裝扮. 今天
的她, 才是她的真我. :)
駛乜講? 我讀law 0架嘛! :-)
>讀law 既人好多唔見得有logic
有關係架咩?
哥, 所以我咪話囉,以佢的見識,大家最好都係行遠少少,避免有所什麼閃失,因為佢讀LAW 0架!我好驚講錯野俾人告誹謗呀 ～
另，你有冇睇埋part2&3呀？我而家好驚佢呀! ＝＿＿＿＝”
傻P: 見唔見到個 ":-)" sign ?
阿妹: 全部睇晒, 一part 不漏.
收：俄羅斯贏英軍後，領隊球員極盡囂張之能事，驕兵必敗，抵死。希丁克始終係荷蘭人，經常敗給自己，換著係德國人點會咁笨？
德、西球員跟住要搏聯賽，唔會得閒作無謂表演，周三整條北愛射威爾斯搏大霧。
p：謝回應。公司唔執正來做，冇計。英意法西齊出線，有線自然冇得心涼。
寶：怪不得硬是覺得阿安琪個名好熟，原來係佢。
民主派仍然停留在靠國殤港難起家的階段，多年來的轉營不多。
加上近年被喧染成反對派，反中央反政府形象相對於強勢政府下的經濟成果，令人担心同市民飯碗過唔去。
Colin: 根本俄國佬綜合實力比
英格蘭還不如﹐仲要作客以色列﹐
唔能夠看好。只係估唔到希丁克
個齋缽就0甘打爛晒﹐哎。
ksli: 民心時常思變﹐呢個係搖
風擺柳既時代。﹕)
收爺
已覆你短信. 遲 d 有時間再拜讀其餘文章.
口痕加一句 re 你 last comment :
民心如流水, 這是常態.
Post a Comment