Thursday, December 20, 2007

改革與換血 (影音娛樂), (體育世界)

改革:亞視還嫌收視未夠低?

【明報專訊】亞視又出怪招,黃金時間重播20多年前的電視劇
《霍元甲》;雖然要為鄭伊健 的新版《霍元甲》鋪路,但1981
年版的《霍元甲》有何吸引力?是否有人嫌收視未夠低,或要考
驗亞視的基本觀眾是否真的「鐵票」,無論播映什麼節目也誓死
支持!

原以為只有半夜三更才會播舊片﹐(這幾晚深夜起床餵奶/掃風或
給“收仔”喊聲弄醒時﹐就斷斷續續看了一些舊劇) 但想不到亞
視會如此喪狂﹐在黃金時段播放一套1981年的舊片﹗

其實倒不如播我小學時的那套岳飛啦。聽說當年有觀眾話見到皇
宮入面有罐可樂﹐又有一兩個大臣叩見皇上時露出手臂的金錶.....
(那兩隻金錶好有可能就係金國行賄宋朝大臣的鐵証﹗)

又﹐週日晚在醫院時看了一回亞視﹐搞唔明點解個節目找了一大
班過氣無記藝員係度講無線/歡樂今宵的往事。我自己覺得好怪﹐
亦好難頂。


換血: 華倫西亞大清洗



積弱多時的華倫西亞終於下定決心要清洗﹐三位重量級球員簡尼
沙里斯﹐安古路和艾比度為首輪清洗對像,下一輪還會清洗一批
球員﹐據報今夏才買進的施積和費南迪斯也榜上有名﹐而拍板做
出清洗球員決定的,乃為球會主席索萊爾。起因係球隊連連大敗﹐
不單球迷﹐就連球會高層也忍無可忍。因此主席他本人批准了新
任肥領隊的改革方案,御賜上方寶劍予肥領隊對老幹部大開殺戒。

目前的華倫西亞就算不常看西甲的﹐也覺他死氣沉沉,不換血不
成。可趕走了這班缺乏鬥志的老隊員,又能否換來佳績呢﹖肯定
的是這輪大清洗將令球會大出血,賠償金肯定令球會債務急升。

收買佬陪老婆生產這幾天﹐在醫院呆坐了數十小時﹐此期間用手
提電腦看了十多場錄起的舊球賽解悶﹐當中不乏華倫西亞的賽事。
在一口氣看完他們如何大敗給畢爾包和巴塞後﹐收收倒有一些意
見﹕華倫西亞之衰落﹐並非球員不濟﹐而係心態 & 心理的問題。
兩場賽事雖云慘敗﹐但踢來並不失禮﹐中前場的小組推進做得不
錯﹐兩翼出擊這記絕招仍然做得很好。衰的只係球員的心態,尤
其中路防守力度不夠﹐很明顯係缺乏鬥志和精神不集中。當然最
要命的﹐就係兩位國腳級門將都不斷的犯錯﹐正是“多多都唔夠
輸”也。

其實肥領隊不應該清洗長人施積﹐他們愛踢的兩路4-4-2﹐實在
很需要一個高佬去做接應。反之要“賜死”的應該是祖亞昆. 這
位右翼球員只得高速狂奔一招﹐盤扭技術只是勉強合格﹐跟我國
國腳老孫差不多。這類型球員就像他的舊拍檔奧利華拉一樣﹐只
適合踢貝迪斯這類的小球會﹐而非華倫西亞或AC米蘭這類大球會。
(大球會的對手那會給空位讓他們去發揮﹖他們只有在打穩守突擊
的小球會才能發揮所長。)

10 comments:

tungpo said...

黃元申呢套霍元甲好睇,故事唔錯。結局抄足李小龍套精武門,由梁小龍演的陳真大敗日本高手,幾過癮!

gaubinfor said...

亞視唔係天生已冇得救, 起碼視訊接收比無線差呢個先天弱勢已被打破. 坊間多個用不同機頂盒既測試均指, 亞視既高清, 比無記既更清 !

救亞視好簡單 - 搵黃麗梅做 CEO ! 佢有本事谷到周日晚 8-8:30pm 維持 10 點收視, 比同時段余健志的節目只差一點.

忽發奇想 : 如果亞視今日既 CEO 係至暈大師, 佢既平均收視會唔會比而家更低?

tungpo said...

黃麗梅個節目我地每個星期都睇!

lougwo said...

華倫要換血,OK,但由朗奴高文做旗手,只怕所託非人。

The Inner Space said...

我由『中國八大名菜』開始就睇
『梅姐』架喇!

收買佬 said...

諸位﹕有否發覺亞視易主後衰過之前﹖我就覺得係。

路過兄﹕以前講過肥領隊早就技窮﹐華倫今回就算
大出血都唔會有咩0野成績。唔明點解當初他們要
揀他。肥領隊﹐連荷甲都搞唔掂....

收買佬 said...

西甲部落 -- 華倫西亞 . 放逐:

http://hk.myblog.yahoo.com/icablesports/article?mid=2361&suc=1

Patrick said...

我呀爸都有睇(追)黃麗梅架!!

Hyacinthus said...

BigBrother: Wish you a Merry X'mas & Happy New Year ~

See you then.

收買佬 said...

Merry Christmas to you all !