(圖: 據多個歐美及中港網站舉行巴塞迷的公投顯示, 此君乃眾望所歸的新領隊.)
巴塞隆拿在這兩季聯賽一直被死敵皇家馬德里騎在頭上. 現在重奪聯賽錦標基本無望, 西班牙盃昨夜出局, 歐聯又甚有可能四強止步, 球隊幾肯定會四大皆空收場. 列卡特亦好肯定會帥位不保.
列卡特由06年的高峰開始滑落, 而對他的信心危機始自上季國王盃為基達菲淘汰之役. 今季更是延續低迷, 復加上傷患困擾, 聯賽幾乎一起步就為皇馬甩開. 列卡特只好把目標放在盃賽上, 但人手不足的弱點也暴露了. 昨夜不敵華倫西亞, 國王盃出局. 原本這隻小盃應該早早出局便算, 但他就無無謂用同一班主力踢足三線, 結果傷+病+停賽的一隊球員, 有成十二人多, 而隻盃仔最後亦爭不到, 唉. (又, 巴塞的醫療隊伍也可真夠"黃綠"的, 有甚麼可能一支球隊20多人, 會經常性的有10多人有傷病? 這是豪門會聘用的庸醫嗎?)
當然, 因成績欠佳把責任盡往他身上推也是不公平. 蓋世界盃後眾將倦怠, 表現一天比一天沒勁. 發展下來, 以往低落的士氣連"土炮"們也感染了. 兩週前沙維接受訪問, 說球隊上下都失去了爭勝的意念. 那時收買佬已暗叫大鑊: 眾所就知, 巴塞向來海內外球星雲集, 但擔當激勵士氣, 做精神領袖的, 十多廿年來都是地道的加泰羅尼亞人. 現在連陀地也沉淪, 那怎生是好? 因此, 海內外的巴塞迷都把目光放了在The Special One 身上....
(圖: 亨利近日無厘頭用"Beatles"來形容他們神奇四俠, 結果隔天就被傳媒譏諷.....)
據歐洲傳媒的報導, 在摩連奴離開車路士後, 拿璞達主席便一直與摩連奴保持了密切的接觸. 不少球迷希望摩連奴加盟執教的話, 會"點醒"眾後衛並改善防守部署. 摩連奴在指導球員方面亦有一手﹐迪高, 朗拿甸奴與及亨利等人的狀態低沉問題亦有望解決。總之, 這班球迷把不得摩連奴明天就簽約君臨巴塞啦!
摩連奴他已經閒賦在家差不多一年了, 一天未決定下季的去向, 歐洲所有球會的領隊都可能會茶飯不思, 害怕這位教頭取代自己的位置. 以摩連奴的功力, 相信他最後落腳點不出歐洲三大頂級聯賽. 以現在的形勢, 去巴塞的成數越來越高. 若然他最終回歸魯營球場, 他絕對要多謝列卡特的幫忙: 沒有他的自毀長城, 巴塞今季那會垮得那麼徹底 !?
又, 俗語有云: “你揀人, 人揀你". 摩連奴想去西甲也不一定挑巴塞, 死敵皇馬的主帥蘇斯達, 亦係隨時下台. 不排除皇馬會截糊....
6 comments:
哈，前幾期足球週刊有兩頁講摩連奴係巴塞未來既大計，如果未睇（又有興趣睇）既話可以scan俾你
話時話，我估佢去其他死敵既機會不大，始於佢去波圖之前係巴塞出生，對巴塞始於有感情，只要巴塞要摩連奴，其他球會想要佢既機會都係微乎其微
Patrick 哥哥: 多謝先. 0個期我有, 不用scan 俾我0甘大工程了, 哈.
佢對巴塞仲有無感情就唔知, 但未上任就攪到個位等佢坐咁,好咩0者....又, 有d 人(包括我) 其實prefer 搵阿副隊長(米高勞特立), 佢今年教基達菲, 都唔差0者.
不過摩生份cv好似靚過米高勞特立喎, 哈哈
對巴塞又熟d
加上隊波近況咁差
真係越講越似層層
歐聯如果連schalke都過唔到
列卡特就真係乜機會都無喇
其實到家下
f4有無一齊正選上陣過一場正式比賽呢?
聽聞巴卡內鬥不弱, 就算 The One 來到都未必咁容易
阿姐: F4 成年以來, 各有各傷, 唔需要輪換制啦. 試過有排得四個得一個出得. :) 倒列卡特的, 好多真係望04 淘汰巴塞.
Donkey 兄: 無複雜的人事關係, 點配做大會? :)
Please don't call me arrogant, but I'm European champion and I think I'm a special one
Post a Comment