Tuesday, May 20, 2008

繼續呼喚 (個人日記), (體育世界)

中共也進步了


(短片﹕China mourning)


經過了差不多三十年的開放改革﹐共產黨破天荒地為傷亡蒙難的平民默哀。愛雞蛋裏挑骨頭的反共憤青自然視之為做大戲。但即使是一齣大戲﹐也是有正面意義的劇目。至起碼﹐領導人的姿態就讓人感受到人民主義的精神﹐而牽扯出來的民間善心和義舉﹐更是連那些反華傳媒也多少為之動容。中共畢竟與時並進﹐一直有從大小錯誤整中學習﹐慢慢走出自己的復興之路 -- 雖然離目的地還有很遠很遠﹐但至少也踏出了第一步呀。整體而言﹐收買佬今回好欣賞中央領導人們的表現﹐相信除了個別讀壞書的自以為士與及堅定反共派之外﹐想不會有人覺得他們不合格或持否定的態度。

一個可能並不太貼切的比喻﹕四川大地震﹐實在多少有點八年抗戰﹐又或十幾年前的北京民主運動般的意義。不同的是﹐前者正屬國難當前﹐真的亡國在即的舉國怒吼﹔後者則影響面有限﹐除了各間大學的校園和一些大城市﹐運動並未真正影響到鄉郊或基層的百姓。這一次的全國性動員﹐真的很教人激動。

PS: 我個妹留言﹐說若往匯豐捐款﹐在5月30日前有個"1-to-1 match campaign"! 你捐一元獅子銀行亦會跟捐一元﹐留意。


四大聯賽總結﹕法甲篇

1) 巴黎(PSG) 再度大步攬過﹐最後一輪艱苦地打敗了索察﹐取得三分護級成功﹐並把另一支老牌球隊朗斯(RC Lens) 踢落乙組。繼早前法國聯賽盃後﹐PSG 再一次令朗斯仝人心碎。

2) 季初朗斯力排眾議﹐懶理法定退休年齡﹐堅持聘請高齡主帥Guy Roux﹐搞到滿城風雨﹐又要打官司又要上訴至歐盟法庭等等﹐就連法國總統及總理也介入事件。最後老帥獲進出山上任﹐然而老態龍鐘的他可能和時代脫了節﹐朗斯季初踢到不知所謂﹐失分過多令球會高層不得不和老帥解約。Guy Roux 前後只是任教了三個月多。此正是﹕爭得到﹐也未必好也。

3) 本季朗斯雖然未能踢歐聯﹐但這支法甲豪門仍決心大搞﹐花了不少錢買入球員﹐但最後竟然要降級收場。與之同時里昂在連年賣人的情況下﹐有驚無險贏了個法甲七連冠﹐還殺了入法國盃決賽。憑此可見里昂和其他法甲球隊實力上的分野了。

4) PSG 打得差﹐就連老對手馬賽季前成績也欠佳﹐球評家曾譏諷法國的國家打比乃護級大戰﹐不可謂不頂癮。馬賽也要到比利時人Gerets 上任後才有所進步﹐並創造了一項紀錄﹕成為第一支在晏菲路擊敗利物浦的法國球隊。


(短片﹕波爾多新星Gabriel Obertan)

5) 波爾多在名宿白蘭斯(Laurent Blanc) 帶領下﹐創造了一個小奇蹟﹕這支以老帶新的球隊﹐竟然能夠力壓人強馬狀的列強﹐還差一點點把里昂拉下馬。雖然最後只能屈居亞軍﹐但這支球隊表現令球迷和賭徒們欣喜。當中﹐阿根庭人卡維蘭治和法國新人Obertan﹐表現最搶鏡 (後者有新亨利的稱謂﹐值得留意)。

6) 同樣地係靠年輕人打江山﹐PSG 的表現則是強差人意。拿古恩領隊大膽用新人﹐令人敬佩﹔就只怕球會高層短視﹐受不了戰績不佳和領隊的專業傲慢﹐季後又來換血清洗﹐把一切推倒從來﹐那便慘了。

7) 歐洲賽場再度証明是人腳和金錢有限的中小型班的墳墓。除了朗斯﹐圖魯茲亦係差點給歐聯和歐協拖累的一隊﹐和PSG 一樣﹐球隊要到最後一輪才成功護級﹐認真驚險。隊中殺手﹐巴西裔的突尼西亞球員山度士外戰內行﹐腳傷剛復原的他﹐聯賽沒進幾球﹐卻能在足協盃對莫斯科斯巴達一役梅開二度﹐厲害﹗

8) Last but not least﹐PSG 的隊長﹐有巴黎王子之稱的葡國前鋒保連達宣佈季後退役。與此同時﹐這位巴黎之寶早前還獲邀在巴黎傳遞奧運聖火。事後國內的足球週刊的特約記者訪問了保連達﹐葡國球星於此發表了一些“示威者應該冷靜”和“奧運不應和政治掛勾”之類的聲明。


(圖﹕當日被藍衣人嚴密保護的保連達)

9 comments:

Hyacinthus said...

萬賴俱寂有時,五月天的午後,陽光麗艷如昔,鳴笛聲響徹雲霄,惜是日這種俱寂尢其傷感 ...

你的粉絲 said...

收爺
你 link 去你地個反曼網貼果條女篇文.
其實呢亭論調好熟口熟面 – 就係你地稱之為自以為士.條女長篇大論去論證自己套觀念幾咁正確, 簡直就係真理.
講真, 以一個中二學生妹而言, 佢表達能力算唔錯,
又或逆向思維, 原來甚麼陳巧文,民主鬥士, 其他自以為士亦只係中二學生妹思想水平而已.
其實佢呢種心態並唔罕有, 只係講出口同擺響心之別而已.
你以為布殊, 甚麼新保主義, 班歐洲白鬼之類唔係類似心態咩 ?
佢地對有色落後民族看法學條靚妹話齋 “死多d咪好囉, 醫院唔洗咁迫
唔洗無位, 唔洗怕無得安置佢地 , 唔怕唔夠物資唔洗怕人口過多, 少左d人排放所有垃圾,
少左個人失業, 唔洗放d錢係佢身上, 唔洗怕佢地病 至緊要 少左件廢物!!!!! “
所以呢, 佢第日讀書不成最好去跑私鐘, 唔好跎累個社會去養佢就好喇.

收買佬 said...

飛哥, 容我用反曼聯球迷會會長的話來答你:

"好多香港人用類似咁既思維睇中國,我係到提左好多次

好多後生仔女(香港/澳門人)因為自己上一兩代走左落香港
因此自己id係香港/澳門,就當左自己條命高人一等

"你條命就係唔值錢,我"經"貴好多"

亦經常將中國發生既事,都同"貪污,做假食品,來港拿綜援既新移民" 呢o的事情拉埋一齊來講

結果就好輕易得出結論:大陸人條命唔值錢ga,低我地香港人一級ga

"你睇下佢,佢講普通話ga,lo生!"

我聽得多....................."

"好簡單舉一個例, 月頭單碎屍案
如果發生地點唔係香港, 而係大陸
一定好多網民又係到9up
e.g.: "你睇下強國o的人,都痴撚線ga! 咁x變態既事都做得出"

佢地既思維,好容易將單獨一件事,就同成個國家既人扯埋來講

呢o的情況好常見, 只要報紙新聞登一篇大陸什麼什麼什麼(稍為離奇), 就會比網民打成"強國新聞系列",從而引伸到, "大陸人就係咁架啦,有乜做唔出" 好似全中國十三億人都係咁

呢o的類似言論肯定會出現,只要件事發生在中國

我又唔見佢地用返同一個theory出來話:

"香港人都痴撚線ga! !!! 香港人都無人性ga!" (即係不會把事件扯埋全部香港人來講,因為即係扯埋自己落水)

可能都會有,不過最尾"抽"一野,

"兇手一定係新移民, 咁冷血, 肯定係大陸來, 佢唔係大陸來, 佢阿媽一定係大陸來"

唉........."

the inner space said...

your hypothesis has become a law !

你的粉絲 said...

收爺, 我認為與其話地域歧視, 不如話貧富歧視. 日本佬唔見得個個高質過中港台三地人, 但人地平均收入高, 於是將佢地當神咁拜. 印度夠文化淵遠流長, 又唔見港糞去崇拜印度文化 ? 講乜膠民主, 唔通攞菲律賓, 印度黎標榜民主咩 ? 港糞青有幾可話中東佬甚麼獨裁, 貪腐 ? 因為人地係油國 ! 美國廉潔度排名低過香港, 糞青一樣當洋大人神咁拜.
糞青之所以糞, 因為佢地只敢跟大陸農民, 民工比較去找回自己既自尊. 唔通去同嬈明, 劉翔, 張藝謀之類比, 可以話自己高質咩 ?

收買佬 said...

SPACE 兄: 無言 :-)

飛哥: "印度夠文化淵遠流長, 又唔見港糞去崇拜印度文化 ?" 大把啦, 連非洲/東南亞文化都有人崇拜, 印度文化真係好大路. (仲未計信彿0個d )

Anonymous said...

收 : 你想寫係 " 矜貴 "

收買佬 said...

無名氏﹕我轉述者﹐無改動人家一個字。

C.M. said...

一個可能並不太貼切的比喻...

收兄,以比喻黎講,可能真係唔太貼切。但以感覺黎講,真係好相近,亦教人激動。

比起早前一大堆反藏獨運動,更能真正團結人心。

多謝你。