Wednesday, June 04, 2008

六四下雨天 (社會文化), (體育世界), (金融經濟)

<最後一槍>


(短片﹕今日六四﹐就聽聽老崔這首經典金曲吧。)


因果報應 (Karma)

過氣艷星莎朗史東言詞輕挑地拋了句半桶水的佛偈﹐搞出個不大又不少的風波。正面被插的中國政府和愛國憤青反應不算巨大﹐起碼至今還未有影視店被砸﹐她主演的舊電影仍未遭禁售禁播。至於她擔任代言人的產品和籌辦中的電影需要易角﹐則可謂一個"現眼報"。有等反共上腦的竟然說大企業易角乃屈服於中共淫威﹐實在令人啼笑皆非﹔怎地一些普通的商業決定﹐也要扯老共落水﹖查莎朗姨姨早就很年老色衰﹐“本能2”收買仔亦從無意慾觀賞﹐蓋我從來對中女不感興趣也。因此她現在轉型學珍芳達搞人文革命﹐實在是正確之路。錢當然賺少了好多﹐但為了自由/理想/人權這些理念﹐我想她不會在乎幾個臭錢。:)

又﹐講開因果報應﹐不知各位看官還記不記得荷杜(Glenn Hoddle)此人﹖這位英格蘭少有的名將﹐退役後曾幾年執教熱刺和英格蘭國家隊。大約在此時﹐他不知信奉了甚麼“東方宗教”﹐有回竟然公開地說﹕“殘疾人士今世殘廢﹐係前世做的孽所致”。(記憶中大意如此﹐有錯請指正)。最後被全英傳媒大插特插﹐弄得丟官收場。這﹐又不知英格蘭足總或熱刺班主是否逼於“大國威權及暴民”﹐才把荷杜搞個如斯悲慘的下場呢﹖(按﹕此人好像仍然未有班落﹐還望各方英超迷提點。)


巴西山度士的日本球員



半夜俾個仔嘈醒﹐久久不能入眠﹐上網看了重播的山度士對聖保羅(巴甲賽事)﹐雙方踢成0-0和局終場。總的來說算不上精彩﹐但我就被山度士的中場指揮官Rodrigo Tabata吸引了﹐蓋他係場上少有的幾個腳法好而又令人留下深刻印像的。近年少有留意巴西聯賽﹐只知山度士在近幾年復興了﹐出了迪阿高(雲達)和羅賓奴(皇馬)等猛將。呢位日裔巴西小子﹐踢法好似迪阿高﹐連身形都很像﹐樣子有些似TVB暗星李天翔﹐亦有點像夏雨。非常搞鬼。海外的網上討論區說西維爾和好些葡超大會對他有意﹐以此看﹐他登陸歐洲之期不會太遠。


(短片: 好搞野的compliation)


轉勢﹖

兩年前就說了花旗國換局長會搞出個大頭佛。美元這兩年經歷了一浪低於一浪的跌勢﹐有人終於忍不住要出聲﹐話打算令美元"雄起"。然而美國經濟實在難以看好﹐無論那一角度看過去都不樂觀。坊間天天在說了﹐不多說了。只想說昨天跟一位美國親友談起美國政經﹐他竟然說希望共和黨繼續執政﹐起碼那位候選人有足夠能耐把問題掃在一旁﹐讓時間把問題沉殿。而另一邊無論克太亦或黑人﹐都會搞大堆改革以求顯示新朝和前朝的分野云云。

美國經濟其實有點像英超聯﹐都係靠海外的"大水喉"去灌溉保命。英超不用說了﹐美國嘛﹐多年來吸納的中東錢﹐猶如把自家資產按揭抵押換取石油能源﹐委實是很戇居又無奈的事。

9 comments:

HHH said...

荷杜, 呢條友當球員時我都幾同情佢, 比波比笠臣一句 “踢法不配合” 就長做国家隊後備.

佢果d 報應論, 唉…..

lougwo said...

當年小弟正在老樸量地刨薯仔,正好可以匯報下當時情況。

其實當日只係英足總順水推舟,有個口實炒荷杜。點解FA炒人都要搵藉口?因為98世界盃,英格蘭人視為12碼光榮出局,罪人係beckham同阿根廷嘅施蒙尼,「荷杜帶隊帶得幾好丫!」d人係咁諗。

到歐國盃外圍賽,英格蘭開局差,第一場就輸俾剋星瑞典(小弟在bar睇直播,想笑又唔敢笑:p ),第二場就俾唔記得邊隊東歐二打六迫和,FA以至傳媒都分為兩派,有人炒佢有人撐佢。難得荷杜自己傻仔講錯o野,咪俾主張炒佢嘅一派借勢囉。

收買佬 said...

路過大佬﹕

“第一場就輸俾剋星瑞典(小弟在bar睇直播,想笑又唔敢笑:p )”

你老人家真係怯於“大(英)國威權及暴民”﹐唔敢係pub 盡情狂笑耶﹖

收買佬 said...

hhh:亦係karma﹗荷杜上任後雪藏/打壓碧咸。但荷杜唔好彩﹐學唔到Bobby老爺的“善終”。

你的粉絲 said...

你講個荷杜單case前因後果唔知, 但計正條友唔係弱智的話冇理由無啦啦去踩殘障人士.可能仲有上文下理又或者係酒吧飲大兩杯亂吹水,俾有心人斷章取義大造文章.

其實美國佬多年來只係開著部機器印鈔票去換取石油能源, 油佬收到美鈔後就入返美國買國債,買股票,花錢請美國公司去沙漠大搞基建, 而美國佬家當,有形或無形, 從未離開國土.
家陣美元滾水淥豬腸咁, 攬住巨額美元者就陰乾陰乾, 美國債務自動縮水.美國佬就用弱美元去賴債.
跌到如今, 美國工人比起歐洲工人竟然係廉價勞工. 歐日汽車廠要去美國擴充廠房添, 連美國鋼鐵業都因美元貶值增加競爭力, 鹹魚翻生.
玩財技, 全世界人點夠美國班猶太佬玩 ? 就算唔夠玩, 美國佬仲有最後殺著 - 發爛渣 !
之不過, 盛衰規律始終唔能夠由人的意志去改變, 一個三億人口國家要做全球六十億人大佬, 要維持泰山壓頂軍力去鎮懾, 又要有龐大財力去支撐, 你估家下係剛剛打完世界大戰果時咩 ?

收買佬 said...

Re: 飛哥的盛衰規律

美國肯定過了極盛﹐但係咪開始衰就難講。好老實﹐當今世上他仍然係唯一超級大
國。其他的﹐就算係中俄印和歐盟﹐都只係概念股。可能到我死之日﹐美國仍然未
倒下來既。 :)

lougwo said...

收兄:

小弟係100%純種中國憤青人版阿Q,梗係.....好漢不吃眼前虧!

你的粉絲 said...

收爺
有空閒時間去睇睇呢篇川青親身經歷, 奮不顧身深入災區尋母, 尤其要爬過唐家山崩塌山體, 山體呈70度角陡峭, 光睇幅相向下望到個堰塞湖都覺得頭暈. 其實換著係香港, 呢篇紀實文圖文並茂, 作者自己親身記錄, 攞去甚麼東週壹週投稿, 稿費應該幾和味.

http://sallyhs.blog.sohu.com/88553993.html

收買佬 said...

多謝兩位回覆﹐更多謝飛sir 的精彩連結。