Wednesday, June 11, 2008

又一個星期三(政治評論/怪論), (體育世界)

令人作嘔的政治rap


(短片﹕看了十多秒就想嘔的"好在仲有公民 RAP")

收買佬三十出頭﹐也不敢再在大庭廣眾亂跳亂舞。醒醒吧﹐尊貴的讀書人們﹐閣下的青春早就一去不回啦。這些垃圾表演﹐無論老中青都知會覺得你們好"硬膠"﹐求求你們不要再虐待我們的眼球和耳朵﹐要自己破壞自己的形象﹐有很多方法啦其實。

下次要扮後生﹐有很多方法的。真的愛上rap 和hip hop 舞步的話﹐亦請不要再穿西服套裝﹐拜托。真的想知道這些音樂為何物﹐可以試聽一下小弟(當年)的最愛﹕Cypress Hill. [可按這兒看MV]


歐國盃短打

頗令人意外的戰果在昨夜產生了。三大熱門之一的意大利竟然三球不敵荷蘭。此前收買佬還預計橙衣軍團會是此組的榜尾分子﹐真的大跌眼鏡。此前收買佬估計羅馬利亞和意大利會輕鬆出線﹐看來這個預期會落空了。(當然﹐慢熱的意大利仍然係有機會的﹐希望他們下一仗會打出水準啦。)

A 組方面﹐葡萄牙出線成數幾高﹐餘下一位收買佬較看好主辦國瑞士。上一仗其實係雖敗不辱﹐和太老的捷克及太嫩的土耳其相比﹐絕對值得看好。B 組方面﹐德國面對魚腩波蘭﹐失機頻頻只能贏2-0﹐令人失望。另一支出線熱門克羅地亞領先一球後不思進取﹐死拖難拖至完場﹐表現保守得令人想起80年代的西德。總之﹐很為對手不值。奧地利﹐早就被標籤成陪跑分子﹐但表現一點不失禮。兩支主隊﹐都係雖敗不辱。

最後的D 組﹐希丁克折損兩員大將﹐排怪陣最後慘敗﹐但若然中柱的那球入了﹐追成1-1﹐戰局可能不一樣。俄國人輸壞了第二球給西班牙人啦。而瑞典方面﹐神經刀伊巴謙莫域和老黃忠拿臣的一個精彩配合﹐不單解決了自己的入球荒問題﹐還讓收買佬覺得他們有能力當上本屆的黑馬。(另一路黑馬﹐收買佬會選羅馬利亞。) 所謂黑馬﹐係指那些實在無奪冠能力但又表現可人的﹐因此西班牙和荷蘭這類本就球星如雲的隊伍﹐並不在此列。(他們打得好是應該﹐打得不好是悲哀啦。)

上回說了老將拿臣﹐今回又談談一位新貴.....


(圖﹕值得留意的一個羅馬利亞球員 -- 歷高列達 (Banel Nicolita))

在今屆歐聯看過的布加勒斯特星隊的賽事中﹐一開首已經為他那樣衰到爆的面孔留下深刻的印像。後來好似係足球週刊處讀到﹐此人原來係羅馬利亞的吉卜賽人﹐祖先來自印度北部/阿富汗一帶的遊牧民族。係人都知他這種人無論係東歐定西歐都飽受歧視﹐而呢條友能夠殺出血路踢國內豪門﹐仲入埋國家隊﹐實在唔簡單。(有說羅國國內好多人呼輿不要選他﹐但足總上下和其他隊員力撐﹐把反對聲音壓住了。)

個人印像﹐覺得他是爆得又有腳法之人﹐亦好勤力的一個右路球員。小弟幾有信心他會係本屆歐國盃上位 (上位 == 轉會國外﹐加盟五大聯賽的二三線球會吧。)

5 comments:

p仔 said...

聽hip hop,鬧香港...
呢首仲應棍啦

http://tw.youtube.com/watch?v=8XOwBAvY5qc


euro08: 暫時西班牙最有冠軍相
睇好葡萄牙+瑞典..講完~

Patrick said...

意大利個場,真係睇到我差D爆粗..

後防企位絕對需要改善

簡拿華路傷出的影響比想象中大得多

半桶水 said...

那段音樂像數白欖不像rap......

何苦找NBA球員踢歐洲國家盃?= ="

你的粉絲 said...

唉,人地垃圾表演俾垃圾選民去睇架嘛, 人地平時坐賓士住豪宅, 冇乜機會去接觸班草根選民, 咪放下身段去迎合年青一代口味囉. 呢 d 係政黨年青化策略卦. 幾時都話氹個弱智仔一票容易過氹李嘉誠一票.
話時話, 我從來唔認為 hip hop 係音樂, 更從來唔會聽一首 hip hop 超過五秒鐘.
黑人音樂以前都話有 jazz, blues 之類可登大雅之堂. 家陣就一蟹不如一蟹.

收買佬 said...

p仔 & patrick: 意大利一向慢熱﹐西班牙和荷蘭就慣了早熟早殘﹐最後係點好難講。我自己﹐就撐住瑞典先。又﹐唔認為德國有機奪標。

水兄及飛sir﹕有道是獻醜不如藏拙﹐若然真係想埋年輕人堆﹐實在唔需要搞到0甘0者。太造作﹐無論老中青都覺得班友騎呢。

又﹐飛sir﹐嚴格來講rap 真係唔算係音樂﹐因為呢家野係以詞取勝。至於hip-hop﹐唔係我地年代的野啦﹐雖然當年我幾喜歡聽。:)