Thursday, January 29, 2009

新年快樂(金融經濟)

下下籤

其實﹐以家陣民心的虛怯﹐外圍不見得好﹐傳媒動不動 X政府老母的環境下﹐初二當日就算劉老先生求到上上籤﹐都會被人說作弊啦。風水命理﹐切忌迷信﹐不然一定走火入魔。點都好﹐此事讓我想起這段歷史﹕

----
韓山童(?-1351)元末農民起義軍(紅巾軍)領袖。原為欒城(今河北欒城)人,其祖父為白蓮教主,被謫徙廣 平永年(今河北永年東南)。韓山童繼續宣傳白蓮教,倡言 三期末劫,天下大亂,明王出世,白陽應運普傳,彌勒佛下生,執掌天盤,是時河南及江淮間愚民信以為真。

劉福通與其黨杜尊道、羅文素、盛文郁、王顯忠、韓咬兒等,復鼓妖言,詭稱韓山童係宋徽宗八世孫,當為中華正統君主。

1351年,元朝為開闢南北水路,強征15萬民工挑河築堤。韓山童、劉福通任為時機已到,編了“石人一隻眼,挑動黃河天下反”的民謠,四處傳播。並在河道裏埋設獨眼石人一具,石人背刻“莫道石人一隻眼,此物一出天下反”。待石人挖出,消息不脛而走,人心浮動。此時,韓、劉乘機在河北永年縣白鹿莊聚眾三千設誓,殺白馬黑牛誓告天地,起兵謀反。教徒均以紅巾為號,世稱白蓮教徒為「紅巾賊」,或稱「明教」等。

收按﹕無論古今中外﹐民多有惰性。民心要不是超低落﹐環境要不是勁敗壞﹐係好難煽動人民"造反"的。但目下本市情況實非太壞﹐要是不停的自亂陣腳並搞到形勢崩壞﹐那真是自我實現不祥預言了。

又﹐本地好些傳媒動不動都怪力亂神﹐鼓動迷信﹐素質之低實在令人感嘆。


《貨幣戰爭》



禮失求諸野﹐市況欠佳之初﹐末日博士們的書籍自然會大賣特賣。蓋在衰退的前期﹐乃民心最不安之時 -- 而當衰退持續﹐人們已經習慣後﹐末日博士們自會淡出﹐重投股神畢菲特或東尼等價值投資者的懷抱﹔而此時﹐實離否極泰來之日不遠。

近期在兩岸三地熱賣的《貨幣戰爭》﹐成了末日派信徒的聖經﹐亦紅了作者宋鴻兵。收買佬曾向舊同學借過此書草草一閱﹐書中的內容很多都好像看過或聽過的(例如那些猶太家族的秘聞和JFK 被暗殺等等)﹐那些理論(如重回金本位﹑美元變垃圾之類)﹐更係"講就天下無敵﹐做就無能為力"的書生之言。至於他在兩房工作時的見聞﹐真要是投行中人﹐對銀行及按揭業又有點認識的話﹐相信宋生寫的東西不會令人覺得驚訝﹐頂多覺得幾有趣罷了。其他自認聰明有見地之言﹐網上財金網看得太多了﹐也實在看厭了。(例如搞邊科大姐常常去的那個。)

總言之﹕這本書不值一買﹐但去圖書館借來看看無妨。收藏價值欠奉﹐預計其書價會貶值得快過美元。


新年快樂

再一次﹐祝大家新春大吉﹐牛年行好運﹗

12 comments:

Anonymous said...

收爺:
因新年時家裡有點麻煩事,現在才向你拜年,謹祝你和家人身壯力健心想事成。

寒竹

Derek Greyhound said...

收收兄,

順祝新年進步,身體健康!

大力

the inner space said...

哈哈哈!
【貨幣戰爭】香港繁體字版真喺唔捨得買,
我搵到本簡體字版,人民幣¥38,換算港幣後,連折扣都不用五十呅,醜醜地都算放咗本上書架。

謹祝:初七人日人人生日!收家闔府安泰!

收買佬 said...

也祝各位看官“生日快樂”啦!

又﹐space 兄﹐你都算係呢行既人﹐【貨幣戰爭】d 0甘既書就唔好晒錢買啦。

你的粉絲 said...

宋鴻兵本書講到自己點樣嚴謹去搜集資料云云. 早有大陸佬踢爆佢其實係大量翻譯英文材料. 用古狗打上 Jewish Conspiracy 或者 Jewish Banker, 有大量呢種資料 (英文).而呢類陰謀論書一向都有市場, 例如有【糧食戰爭】【石油戰爭】【一個經濟殺手的自白】一大堆.都係老外著作.其實咩係"陰謀"? 睇你點去定義. 有人話講政治唔用陰謀論, 有如造愛唔除衫褲一樣.
而猶太佬千百年來都係聲名狼藉, 見錢眼開, 食人唔吐骨形象深入民心. 唔係, 莎士比亞本威尼斯商人都唔係寫得佢咁冷血; 希特拉冇強大民意支持同合作, 一條友一個納粹黨又點有能力屠殺幾百萬人丫.
華爾街呢舖金融寶藥黨令歐美數以百萬人計半生積蓄化為烏有, 有 d 更走頭無路,Jewish Banker 乃邪惡代名詞真係水洗都唔清. 以色列佬仲鬼迷心竅去加沙大開殺戒,學校又炸, 聯合國辦事處又炸,形象直追當年過蓋世太保.
睇怕各地靜悄悄地漫延如當年個種反猶情緒, 一 d 都唔令人驚訝.而本來, 歐洲好多人私底下就極度唔順眼猶太人.

Anonymous said...

照你甘講,本書不值得收藏,不如介紹幾本值得收藏的書,給我地見識下.

michael

ksli said...

金管局 總裁任志剛 指,很難衡量第二波金融海嘯何時出現,但指第二波金融海嘯有三種渠道出現。

第一個渠道是第一波金融海嘯,即由次按引發的問題,餘波未了。

第二個渠道是第一波金融海嘯引發的信貸緊縮和經濟下滑造成惡性循環。

第三個渠道是貿易保護主義抬頭。若保護主義擴至金融業,問題將會很大。(即時新聞)



貿易保護主義抬頭.........

收買佬 said...

飛sir﹕啊﹖乜宋先生係抄人地d 料0架﹖唔怪得d 內容有點熟口面啦。

michael 兄﹕我只是覺得本書唔合胃口罷了。可以打書釘或借來看的話﹐係ok 的。
又﹐唔敢講咩推介﹐但真係愛讀些經濟方面的書﹐不如看看張五常d 超舊作﹐又或克魯明本新書啦﹐幾0岩家陣的形勢0甘咯。

ksli 兄: 奧膠馬若然以為change == 保護主義﹐0甘就仆街啦。伯南克快快話他知﹐29年0甘大X鑊全因貿易保護啦。

the inner space said...

有話題嘛! 收收兄:
擺本書在書架上,入到我 office 嘅 visitors,若對【貨幣戰爭】有意見的話,無論認同與否,都有話題講,而我基本上是 neutral的。讀過本書,正反兩邊,起碼我知點去回應。

至于讀過本書後,令我對對美元由Bretton Woods Agreement,Gold Confiscation Act,由Gold Standard 金本位轉到 Fiat Money/ Currency 法定紙幣/貨幣制度,這段歷史發生興趣,在網上搜尋有關資料,比以前讀書時只略知一二,多了認識。

又好似我一向無追無線電視劇習慣,但起碼我會知【溏心風暴】、【家好月圓】、【珠光寶氣】有乜誰做乜誰,同大致噏咩,在蛇竇可以同啲劇迷,o爹返兩句!

the inner space said...

另 美國實行保護主義昭然若揭!
據聞拯救經濟方案包括受助機構需用本土原料,云云!貿易保護主義令加拿大嘩嘩嘈!
至于幾時 touch 到金融銀行業,想亦不遠矣!

收買佬 said...

space: obama 正廢物! 'Nuff said !

你的粉絲 said...

奧黑真要玩貿易保護的話就係找死. 全球撩起貿易戰, 美國本土產業除農業軍火強項外其他空洞化, 大眾化日常用品自己供唔上, 叫班美國人過北韓式生活 ? 美國有三億人兩億枝槍, 果兩億枝槍肯唔肯 ? 呢樣未最攞佢命, 貿易戰下 全球貿易額大降,美元為主要交易貨幣, 立即造成美元需求劇降, 於是美國本土以外全球範圍美元過剩, 其他國家大條道理捨棄美元, 去到呢個地步, 美國亡無日矣.
印一噸美鈔, 油墨紙張成本要得幾多 ? 電子貨幣更幾乎唔使本, 換嚟嘅係無數衣衫鞋襪各樣生活必需品, 奧黑點會唔明呢個道理. 講咩保護本土產品係講俾選民聽, 家陣俾全世界砲轟, 就可以向選民交代係迫於外國壓力, 唔想引發貿易戰乜乜七七. 其實賣貨俾你收你綠色公仔紙果個心情都唔好受,唔通買你美國通用汽車 ? 睇住堆公仔紙諗起津巴布韋, 真係該燴....