Tuesday, June 09, 2009

簡簡單單說幾句 (體育世界), (金融經濟), (政治評論/怪論)

6500萬歐元的轉會


(圖﹕兩年前幾乎一個人帶領 AC 米蘭殺入歐聯決賽的卡卡)

金融海嘯下﹐很多豪門球會都喊窮﹐例如債台高築的利物浦﹐年年缺水的AC米蘭﹐甚或好些意甲英超球會。就在這時﹐行會員制﹐母須理會賺蝕的皇馬入市﹐大手筆地用6500萬歐元買入卡卡﹐價位返回當年施丹(Zidane)來投﹐歐陸足球泡沫未爆破時。

很多人都認為這宗天價轉會﹐費用高到不值 -- 縱然卡卡是世界足球先生﹐也不用花那麼多錢吧。收買佬覺得足球員轉會﹐就跟炒樓賣樓一樣:舉個例﹐某業主想放售九龍塘一個複式單位(連車位)﹐正當準備簽約時﹔該業主見到"銀狐天瘋"也賣成八千多元一呎。業主再計計數﹐覺得烏溪沙樓都呎價八千多﹐那九龍塘豈非值萬多元一呎﹖因此他例牌地反價﹐交易亦告吹。

同理﹐當那些英倫三島垃圾都要賣千多二千萬鎊﹐卡卡又怎不能賣6500萬呢﹖﹖當然﹐值不值得﹐我就不懂咯。又﹐改天定必要寫寫發生於數年前的(歐陸)球壇熊市﹐看看德甲和意甲如何急速衰落﹐亦看看英超如何乘勢而起。(看官不善忘的話﹐當記得在2004年前﹐四大聯賽的排位其實是﹕西甲﹑意甲﹑德甲﹐再之後才是英超。)


水浸魚缸

近幾個月來的股樓升市﹐逼真程度猶如牛市重臨。問過一些地產經紀﹐無不說業主反價進取(有些甚至封盤)﹐無形中將買家們趕到大地主的新盤那邊。傳媒們高唱"高通漲重臨"的消息﹐製造了物業只有買貴﹐沒有買錯的現像。然而天下無不散之筵席﹐近兩週(二手)樓市交投明顯回落﹐大伙兒也樂得回一回氣。

事實是﹐今回之炒上﹐人為味道濃厚之餘﹐亦多是係因為(英美)的金融機構想盡快抓錢還給政府﹐兼為執靚自家的帳目。到賺得差不多的時候﹐便會換馬走人﹔由於升勢係建基於廉宜又充足的銀彈﹐此前的升幅﹐很可能一夜盡滅。

又﹐美元有見底回升的跡像/訊號。難道美國政府害怕通漲/滯漲﹖抑或亞洲國家不甘旗下的美元資產債券變垃圾﹐出招造馬﹖點都好﹐炒完復甦炒通漲﹐炒完通漲炒美元強﹐極有可能是今年的主題。


旺角天眼通

[轉自明報] "通渠水墜旺角鬧市傷廿多人﹕旺角奶路臣街晚上有懷疑通渠水高處跌下,初步消息有22人被腐蝕液體灼傷送院。事發在晚上接近八時,旺角西洋菜南街與奶路臣街交界,有懷疑是通渠水從高空跌下,至少22人遭灼傷,分別送往廣華和伊利沙伯醫院。"

不到半年﹐狂徒便三度得手﹐警方高調再高調地去撤查﹐但至今還是毫無頭緒。難為有官員聲言"天眼"未裝好前﹐會用人眼看實﹐事後証明用甚麼眼都沒用。因為全部天眼人眼聚焦於西洋菜街時﹐狂徒已轉了去別處作案了。(又﹐這段路收買佬每週都會路經﹐想起來也抹一額汗。)

又﹐不用犯罪學家分析﹐這名狂徒應是要靠搞破壞去証明自己高人一等﹐自卑到極又"搵唔到食"的獨行廢柴。有報刊說有可能係古惑仔去挑戰警力﹐這些屁話也寫得出的記者﹐看來未曾在油尖旺活動過﹔正是"唔識就被嚇死﹐識的就被搞到笑死"。

6 comments:

YIN PANG said...

看官不善忘的話﹐當記得在2004年前﹐四大聯賽的排位其實是﹕西甲﹑意甲﹑德甲﹐再之後才是英超。

係02年之前. 我好記得01-02年德甲係最後一季有4個歐聯席位, 而前一季僅僅排第4既利華古遜, 就一下子殺入決賽:)

49000未拎三冠之前, 英超其實同法、荷聯賽同級而已..

YIN PANG said...

又, 點睇歐洲議會右派大勝? 同美國人唱反調? 定係d 人怕上個世紀初既歷史有機會重演?

tungpo said...

我細個時德國﹝西德﹞聯賽真係好勁,奇雲基瑾能夠出國去效力漢堡,係大事呢!

收買佬 said...

P: 即便是49000拿了三冠後﹐英超其實仍係五大聯賽之末。你看看03年前﹐49000﹑利記﹑阿仙奴等等﹐係連利華古遜及加拉搭沙雷都不敵的。德甲意甲死得0甘快﹐03年起的熊市和電話門事件實在影響至深。

但即使係0甘﹐英超四大仍未能技壓歐洲。近十年﹐只有利記才奪過兩大盃冠軍﹐車仔贏過一次Cup Winners Cup (98年)﹐而49000 贏過一次歐聯(唔計99年那次)﹐力見英超強大這說法有很多水份。數據說明﹐西甲和意甲球隊仍然係近十年的大贏家。


師兄﹕當年既英國球員﹐仲有料過今天呢堆。

奇雲基瑾係個猛人﹐當年的漢堡亦係強隊。值得一提係﹐他當年的隊友馬嘉夫﹐今時今日逐漸變成準豪門領隊﹔反之基瑾就越教越縮﹐哎。

垃圾仔 said...

今日英超只係水頭充足而已, 過去十年已經證明足球場上有錢唔係大哂. 皇馬舊人回朝, 又黎一年N星, 技窮兼不知長進也. 前銀河艦隊之慘淡佢地好似忘得一乾二淨.
收兄既巴塞如果生生性性, 應該仲會稱霸一段時間.

收買佬 said...

垃圾大佬﹕英超(特別係Big 4)既水頭充足﹐係同10年前既意甲差不多﹐要不就是厚重既debt financing﹔要不就是像米蘭雙雄般﹐有債由老闆(才背)晒﹐但個市唔就﹐好多球會已經唔多頂得順﹐因此我成日都話英超爆煲只係時間問題。相比之下﹐你最愛的德甲就財務健康得多(save and except 多蒙特啦。)