Sunday, September 05, 2004

粉人系列之「水怪」(社會文化)

前言: 商業社會,光怪陸離,粉人處處。有見萬力、寶叔及BGF
兄他們經常性的談辦工室賤人,小弟都湊湊熱鬧,開一個「粉人
系列」,跟大家談談這些人渣敗類。今回先談的,係吹水不用抹
嘴的"吹水怪"。

先此聲明,所有文章,如有影射,實屬不幸!

---
「水怪」

小學校友 W君,30 出頭,畢業多年,仍然不肯腳踏實地,老老
實實的去幹活。他愛"吹水",亦擅長"吹水",任何類型的話題都
可以吹個天花龍鳳。可惜他跟社會上很多的"水怪"一樣,只會吹
不會做。嘴巴雖然說得頭頭是道,滿腦子又充滿新奇的念頭,人
面又夠廣闊。可讓他實在執行計劃的話,必定全盤失敗。此所謂
"講就天下無敵,做就無能為力。" 他就像《射彫英雄傳》中的
傻姑,一味耍黃葯師教的三招,蒙騙了多少新相識!可馬腳一露,
他也只有被撤職的份兒;亦因為這樣,他轉工轉得十分之瀕繁。

"水怪"這種動物,並非近年才有。一些人曾經係事業上叱0乇風
雲,面對近年的下滑,除了怨天尤人,就最愛跟人吹噓,炫耀一
些可笑的所謂"街頭智慧",或將其人的經歷,加鹽加醋大吹一番;
總之要對人說明,他今日落泊得像"秦瓊賣馬"般,實係大氣候的
關係,而非他個人的問題。他今天其實只係"懷才不遇"罷了。目
下他和三國時的諸葛先生一樣,在等待著他的劉皇叔來"三顧"呢!

才子有篇文說得好:這個世界沒有懷才不遇這回事。一個人整天
抱怨時運不濟,做事可卻不上心更不坐言起行,成功才怪呢。泰
半他只是個"水怪",只說不做罷了。酸秀才們,說自己是臥虎藏
龍之前,請先算凊楚自己真正的斤兩呀!

---

後記:萬力舊作爛蓆人,寫得非常精警到肉,值得一看再看。:-)

8 comments:

矮肥鈍 said...

有d人重賤格過'水怪', 成日同人講想做生意但又唔腳踏實地做野儲錢, 厚住面皮叫人打本俾佢搞, 衰Q左就擺出一副關人隱事既賤樣拍拍籮柚有借無還. 呢D人應該見鑊打鑊.

又, 非常認同無懷才不遇呢回事! =)

Anonymous said...

所以你老哥話搞檔0野就搞,講得出做得到,我係好欣賞0架!

--- 收買佬

tim said...

最弊水怪呢類人只要成功騙到一次,著數好過我同你做十年。

Anonymous said...

Tim: 睇怕都要覺悟昨非,學0下點吹水先得咯。

--- 收買佬

Anonymous said...

呢排最多 "水怪" 聚集的地方 - 各選舉論壇

為符合選舉規則 :

除 "水怪" 外 , "粉人" 既功能組別重包括 "A 字膊" 名單 ; "爛蓆人" 名單 ; "是非精" 名單 ; "A 字膊" 名單同埋 "擦鞋仔" 名單

Stannum said...

認識一個「水怪」,近年已經多次「創業」,他吹水的對象並非別人﹐而是其父。每次「創業」都是由其父「打本」,不出兩年就有諸多理由另行「創業」﹐例如「與合伙人不和」﹐生意「已上軌道﹐不再有滿足感」之類——但退股賣盤的金錢又不知所終。旁人替其父不值﹐但其父竟說﹕錢死後也是給他的……

唉﹐旁人都係留番啖氣暖肚好過。

矮肥鈍 said...

[所以你老哥話搞檔0野就搞,講得出做得到]

舊夢不須記, 收哥唔好勾起我D悲慘往事啦!

Anonymous said...

Stan兄:對水怪的sponsor 真係勸唔到0甘多。無佢地的鼎力支持,
邊樹有0甘多水吹?

萬力:有幾何一擊即中0丫?你起碼夠膽行第一步,比好多人優勝咯。

--- 收買佬