Wednesday, October 17, 2007

週中收短打(社會文化)

民主﹖文革﹖



凸首先生看來有點得意忘形﹐早前竟然公開地說了些不應該說的﹐and/or
政治不正確的說話。講錯說話﹐乃為政者最“硬膠”的錯失。此一有心快語﹐
立即惹來敵對陣營的箭炮狂轟。老實講﹐抵佢死﹗

不過﹐話說回頭﹐凸首這番話雖然“硬膠”﹐但並非完全無point。學師兄
話齋﹐家陣上至尊貴官紳﹐下至市井小民﹐無有不跟當權者喊打喊殺者﹔更
加得人驚的﹐係那些滿口社會學理論﹐標榜自己有獨立思考能力的小將﹐其
實同幾十年前的紅衛兵無大分別。兩者雷同之處在於﹕在他們各自所處的時
代﹐相對平庸的高官都沒有甚麼方法去有效地阻止“精英”(或曰野心家)去
騎劫民意。

換句話說﹐兩者對立﹐緣出於兩派自視過高兼毫無胸懷的柒頭﹐不停的去打
壓異己所造成。政府嘛﹐看官問心老實說﹐自己是否由始至今都對特區政府
看不順眼﹖反對派嘛﹐學大力灰狗兄所說﹐談吐思維和行動可跟他們要打倒
的完全一樣﹖可悲的是﹐兩大陣營都不乏懵佬懵婆﹐甘願給人老點﹐或被人
老點猶不自知....人家叫你投票給“鄉里”﹐想也不想就照做的不少﹔人家
宣傳言論自由收窄﹐號召你上街﹐信以為真的去上街的﹐也真不少﹗看官你
說﹐在如斯土壤發展民主﹐也難怪凸首他會覺得全不適合了。當然﹐以凸首
的行事作風﹐就算對手係謙謙君子﹐佢都一樣不會fair play啦﹔所以點講
點搞都係晒氣。:)


轉載﹕扮港姐志雲惹禍  詹瑞文遭封殺轟無線霸道



無線下月台慶,詹瑞文趁勢推出舞台劇《萬千師奶賀台慶》贈興,為宣傳又扮
港姐 又扮無線總經理陳志雲,沒想到竟辣手遭封殺,原定為無線主持的兒童
節目突然被 抽起,官方解釋原因是他亮相亞視接受訪問,但與無並無合約的
詹瑞文認為此解釋 極度荒謬,炮轟無線太過霸道。


詹瑞文越講越慶:「我劇團係政府資助,當年我扮董建華時候佢都未落台,
唔通人睇到之後就 cut 我 budget?我扮陳志雲係因為佢呢期hit,唔係
嘩眾取寵.... 我唔 恨上TVB....如果我要TVB宣傳,一早已經上。」

「作為藝術工作者,言論自由係好重要,作為電視台應該更配合藝術工作者,
因為大家都係從事文化事業 ,我最嬲係叫同事籌備,佢話唔做就唔做,我
會發信無要求一個合理解釋,否則話好可笑,冇大將之風。既然TVB唔做,
我要傾番個版權畀番我。」


* 收收曰﹕阿藝術家要同人家合作﹐但同時又認為合作夥伴近期hit﹐抽抽
水玩諷刺﹔人家反擊封殺你﹐都好合理呀。又﹐阿藝術家反正要大家反思香
港的電視文化﹐ 就應該堅持到底。封殺就封殺好了﹐幹嗎那麼火滾﹖

又﹐若然阿藝術家有料夠寸玩得起﹐無線又豈敢封殺他呢﹖

(喂﹐好霸道渦﹐好唔尊重artist 禍。) Hey.... 遊戲就是這樣的﹐他日
阿藝術家坐了阿志雲個位﹐好大可能會同他一樣。 點都好﹐多謝阿藝術家
活生生的真人騷﹐被大家看到全球大部份華人由細看到大的無記電視﹐係幾
0甘權傾一時 ﹗

另又﹐題外話﹐不知由幾時開始﹐某些藝人變身成為了文化人時評人﹔有些
母庸言係絕對配得上此角色﹐例如收媽偶像蕭芳芳﹔但有些人....例如阿君
如﹐阿達明﹐還有很多阿乜水阿邊個﹐材料有限講0野無point 更加唔好笑﹐
真係唔識俾佢地悶死﹐識就俾佢地笑死。

Disclaimer: 我自己就好很討厭阿志雲﹐我覺得他重樣衰過紅魔老廢,簡直
係望見都眼冤那隻。

9 comments:

tungpo said...

無線梗係霸道,仲係好多年已如此。但啲師奶包括我老婆堅持睇佢地,冇法!

又,阿韋家晴權力愈大,個樣愈風騷,個人就愈難頂!

收買佬 said...

我都一樣唔明點解從小到大﹐我身邊識得
的人﹐差不多無人看亞視(新聞賽馬足球
等節目例外)。

TVB, 係本埠人的精神鴉片﹗

至於阿志雲﹐本身個樣已經夠衰﹐家陣得
意忘形﹐更加核突到八彩。

gaubinfor said...

如果你相信 hk 人可以像呂大樂般分做四代. 以我所認識屬呂生所謂的第三,四代 hk 人, 大部分已不看電視.

當一,二代 hk 人老去和無線上網更趨普及, 下載各地電視節目越來越便捷時, tvb 各種壟斷藝人的政策也不再如往昔般奏效.

就算韋家晴當局者迷, 負責分配媒體廣告預算的同業不可能不知, tvb 的最大對手從來不是 atv.

收買佬 said...

根據呂生的分法﹐師兄係第二代中堅﹐我就係二代尾三代頭.....

ATV 當然唔係TVB 對家﹐我只係搞唔明點解atv 會衰到無乜人收看. :)

Anonymous said...

universal suffrage won't feed my children.

收買佬 said...

>universal suffrage won't feed my children.

同本文有乜關係?

梁巔巔 said...

嗰個咩志雲, X~ 真係好似 Deep仔老妖~

嘩, 嗰日睇到佢同鄧 _ 暈嗰個節目, 真係眼寃~

Anonymous said...

我想講我d學生f1-f7都開始唔睇電視,佢地寧願上下網,打下online game好過~
依家睇電視可能真係萬千司奶為主~~

又其實亞視真係間唔中有d高質節目 / 劇集,不過係好間中,真係未必會留意~

收買佬 said...

LDD: Deep仔老妖 & 鄧 _ 暈係乜水?

匿名者: 我都算小睇電視 - 新聞和體育節目先常看. :)