Thursday, November 22, 2007

模仿大陸中央台評述員的大呼小叫 (體育世界)



卡蘭積卡!高域!過他!進去了!達施華,進球!進球!進球!
柏杜域立功了,柏杜域立功了!不給英格蘭隊任何的機會。偉
大的克羅地亞的左中場!他繼承了克羅地亞的光榮傳統。蘇加、
波班、普辛尼基在這一刻靈魂附體,柏杜域一個人代表了克羅
地亞足球悠久的歷史和傳統,在這一刻他不是一個人在戰鬥,
他不是一個人!

這個進球是一個絕對理論上的決殺。絕對的死角,勝利屬於克
羅地亞,屬於蘇加,屬於波班,屬於波錫,屬於比歷,屬於斯
蒙歷,屬於普辛尼基,屬於所有熱愛克羅地亞及東歐足球的人!

英格蘭隊也許會後悔的,麥膠倫,他在上半場第1分鐘0-0的情
況下打得太保守、太沉穩了,他失去了自己的勇氣,面對克羅
地亞悠久的歷史,他沒有再拿出他在對愛沙尼亞時那種猛撲猛
打的作風,他終於自食其果。他們該回家了,他們不用到遙遠
的奧地利,他們該回家了,他們大多數人都在英超混飯吃,再見!

附注﹕

FT England [2 - 3] Croatia

9' [0 - 1] N. Kranjcar (Portsmouth)

14' [0 - 2] I. Olic (SV Hamburger)

56' [1 - 2] F. Lampard (pen.) (Chelsea)

64' [2 - 2] P. Crouch (Liverpool)

77' [2 - 3] M. Petric (Borussia Dortmund)

14 comments:

Just said...

收兄突然間咁感性!
其實早料到英軍最多求和,咁多年來d心理質素都冇d進步!克軍擺明高半班波,放鬆嚟踢更冇顧忌,仲要冇咗最有火嘅朗尼,碧咸又要下半場先出.....
雖然我唔捧英格蘭,但Euro08冇咗佢哋又真係好似差咁d嘢.....
麥膠倫....比膠更膠嘅領隊...算把啦.....伯明翰有位快d報名啦...睇怕唔搵個名宿英軍都唔使旨意翻身....而家坊間吹緊嘅風有摩佬、舒利亞...仲有冇呢?

另恭喜收兄快為人父!預祝BB健康成長!

tungpo said...

嘻,我上個禮拜係巴士站話假如俄羅斯周末輸波,莊家先殺頭注,然後英格蘭星期三又輸,莊家肥豬仔矣!又俾我估中。

Anonymous said...

黃健翔的原文是﹐當時意大利在0比0的苦戰下,於完場前得到十二碼:

「點球!點球!點球!格羅索立功啦!不要給澳大利亞人任何的機會!偉大的意大利的左後衛,他繼承了意大利的光榮的傳統!法切蒂、卡布里尼、馬爾蒂尼在這一刻靈魂附體!格羅索一個人,他代表了意大利悠久的光榮傳統!在這一刻,他不是一個人在戰鬥!他不是一個人!……托蒂!托蒂面對這個點球。他面對的是全世界的意大利球迷的目光和期待!……球進啦!比賽結束啦!意大利隊獲得了勝利!淘汰了澳大利亞隊!他們沒有再一次倒在希丁克的球隊面前!偉大的意大利!偉大的意大利的左後衛!馬爾蒂尼今天生日快樂!意大利萬歲!」

「偉大的意大利,意大利人的期望,這個點球是一個絕對理論上的決殺。絕對的死角,意大利隊進入了八強!這個勝利屬於意大利,屬於卡納瓦羅,屬於布馮,屬於馬爾蒂尼,屬於所有熱愛意大利足球的人!」

「澳大利亞隊也許會後悔的,希丁克在下半時他們多一人的情況下打得太保守、太沉穩了,他失去了自己在小組賽的那種勇氣,面對意大利悠久的歷史,他失去了他在小組賽中那種猛撲猛打的作風,他終於自食其果。澳大利亞隊該回家了,也許他們不用回遙遠的澳大利亞,他們不用回家,因為他們大多數人都在歐洲生活,再見!」

收買佬 said...

小弟估錯了﹐英格蘭最終含乜出局﹐
之但係﹐我仲開心過估中﹐哈哈哈
哈哈哈.....

just 兄說得好﹐麥膠倫﹐真係膠
到無朋友。但係若然乜都怪晒他﹐
又有點“君非亡國君﹐臣皆亡國臣”la.
公道點﹐英格蘭足總雖然係商業上
成功﹐但其他地方仍然係缺乏競爭
力。

又﹐俄羅斯查實都好險﹐1-0贏安
道爾﹐算他好彩。若然贏唔到﹐至
膠領隊便會係希丁克啦。

Timo仔 said...

麥膠倫已經被炒左,對於反英球迷黎講係一件不幸既消息 XD

Anonymous said...

尋日睇見 d 波經版, 話英國佬贏硬, 克佬橫掂出梗線唔會死纏爛打.講到有錢任你執咁款. 好彩我嫌賭波冇乜肉食, 又假到好似寶藥黨咁, 所以不嬲都好少去奉獻. 不過, 好似收爺咁 " 哈哈哈哈哈哈..... " 連續六個哈就...但諗起班大英遺民擁躉....哈哈, 罪過, 罪過.

Anonymous said...

揣測
明日香港一眾報紙英曼咸喉舌一定有以下內容:

1. 請馬嶽之類既 "專家" (明明係政治學者, 只睇英超卻又懶係球評家) 分析英格蘭既死因
2. 請曾淵滄之類既 "經濟學者", 分析英格蘭出局 "可能對香港消費市道構成影響"
3. 訪問李克勤, 張文光之類既英曼咸名人, 俾佢地哭波喪
4. 訪問來來去去都係果幾個既波衫舖東主, 結論一定係 "英格蘭入唔到圍, 我地可能入少d貨, 始終英格蘭波衫最好賣"
5. quote 幾段網上 forum 所謂 fans "反應" (其實係千中挑一), 或者街頭捉一兩個英格蘭 fans (搵著英格蘭波衫既, 不過今日仲有有冇人著出街呢....? ) 講到全體香港人都好似好惋惜英格蘭出局咁
6. 訪問幾間酒吧東主, 結論一定係 "英格蘭入唔到圍, 一定會少左好多英格蘭 fans, 會少左好多生意"
7. 訪問 now tv 管理層, 問佢地英格蘭未能入圍, 佢地會唔會考慮決賽週期間減價拉客彌補 "損失"
8. 訪問香港足總主席, 主席話可能邀請英格蘭在 6 月檔期訪港 "始終英格蘭隊在香港最有叫座力"
9. 波經版哭波喪, 鬧英格蘭點累佢地輸錢

蘋果 會唔會 A1 頭條 "別了, 英格蘭", 起筆用 "港人至愛的英格蘭隊昨晨敗北未能出線....." 啊?

Anonymous said...

睇黎英倫三島真係要攪個五國賽聊以自娛啦。

Anonymous said...

麥卡倫廖化充先峰! 有乜貢獻?

本來我公司班捧英躉, 明年冇直口遲到闔眼訓.

但地班捧英躉可以改捧第二隊.

但麥卡倫切底令到碧咸和幾個英軍下次參加大賽的機會下降.

收買佬 said...

飛哥﹐Space 兄及各位﹕

本來人家國家隊出線定出局﹐與小弟
係無關0既。之但係香港好奇怪﹐係除Singapore 外其他地方所無的﹐就係
對英格蘭的忠誠和盲目。他們愛以殖
民地情意結來合理化這些盲目﹐就算
英國佬只係一班水皮到嘔的廢柴﹐都
日日當他們係神0甘拜﹐不知所謂﹐跟
泛民& 左仔的支持者一樣0甘盲炳和自
以為是﹐令人討厭。今回出局﹐好老實
大快人心。

梁巔巔 said...

呀哈哈哈哈哈哈哈哈哈~~~~~~ 英格蘭, 抵 X 死!!!!!!

Anonymous said...

哈哈哈!

我都好開心英格蘭出局,
英格蘭話有黃金中場,
上次世界杯,
今次歐洲國家杯
都系無影無縱,
證明左喇......


巔癲兄難得咁忙拍拖仲來吹吹水, 點都和你一和.

另 收收兄 baby 改名未?

梁巔巔 said...

^~

收買佬 said...

KEYMAN of TVB: 英 格 蘭 本 土 球 員 要 爭 取 球 隊 正 選 位 置 , 依 靠 的 應 該 是 表現 , 不 是 優 惠 , 此 時 此 刻 , 英 國 球 員 給 人 的 印 象 是 少 爺 兵 , 食 得 好 、 住 得 好 , 上 到球 場 卻 表 現 唔 到 。 缺 席 一 個 夏 季 的 大 賽 , 若 能 換 來 一 次 全 面 的 檢 討 , 而 不 是 更 長 的陽 光 與 海 灘 , 照 理 長 遠 來 說 是 好 事 。