三號風球下記 (體育世界)

週六下午﹐傾盆大雨颳大風。在三號風球下﹐收買佬看了些冷門球賽。好有可能﹐全香港沒有幾個人會看會留意這幾場賽事。但在未開始之前﹐首先講講俄超列強中﹐我暫時最欣賞的莫斯科火車頭。

辛尼特, 戴拿模, 中央陸軍等列強都係主打兩邊斬中去頂去湧&快速反擊的打法. 俄超列強中只有火車頭較多地面推進和小組入滲進攻的.


(短片﹕請留意穿紅衣的火車頭隊站在尾三的那位球員﹐看看長得像不像"裘俊"﹖)

火車頭兩名前鋒, 為非俄混血兒奧丹華治及曾被稱為"俄國奧雲"的Dmitri Sychev. 兩者都唔算高大撞得之人, 都係以腳法和速度取勝. 火車頭的中場大腦為側臉有點像陳冠希的俄國國腳比拿利甸諾夫. 他和滿場飛的防守中場Torbinsky 及羅馬尼亞國腳哥錫, 組成一個攻守兼備的組合. 老實說, 我覺得中場火車頭比辛尼特還要好. 後場係火車頭的弱點, 龍門Ivan Levenets 一向笨拙; 巴西中堅 Rodolfo, 貌似電視劇<同事三分親>的裘俊, 與及兩位邊衛Yanbayev及Spahic 一向輕出. 令球隊後場人手經常不足﹐失球又失分. 但縱如此, 火車頭仍係列強中最悅目的一隊. (純屬個人意見.)


俄超首都打0比: 莫斯科戴拿模對莫斯科斯巴達

兩隊都係以4-4-2 邊路進攻為主. 斯巴達有名的playmaker, 俄國國腳 Titov 今場波無貨交. 反而左路的巴西外援Welliton 及右路的快翼 Bystrov 就好生猛, 特別係後者, 經常出到靚波俾Pavlynchenko, 非常出色. (Note: Pavlynchenko 乃在歐國盃時對英格蘭梅開二度的英雄.)

戴拿模今年一洗衰氣, 家陣係聯賽排第二. 但若表現並非太出色. 回流的基沙哥夫無乜料到. 進攻全靠大腦葡國人 Danny. 新人Kombarov 都幾悅目, 右路出波有威脅. 但若非晨早斯巴達打少一人, 戴拿模未必贏到.

總結: 入球騷, 好睇, 但唔算高水平.


德乙榜首大戰兼萊茵打0比 -- 科隆 v 慕遜嘉柏

兩支老牌球隊, 真的久違了!

這場德乙打0比, 雖然科隆有主場之利, 但一些主場的氣勢都無. 作為德乙老大的嘉柏, 無論攻守都佔盡上風, 明顯比德乙老三的科隆優勝. Rosler, Ndjeng 和 Marin 或兩邊或中路造波推進, 配合老鬼紐維利及加拿大國腳阿Friend, 攻擊組合都做得好好. 新加盟的前荷蘭國腳Paauwe, 係中場殺了清了唔少波. 中路防守亦好穩陣.


(圖﹕Gladbach 要撐住! 因為我跟一個海外親戚side bet買了你們贏德乙冠軍呀﹗)

反之, 科隆地面造唔到波入去對方心臟之餘, 高空波亦無料到. 中場被人迫到甩甩吓咁. 後防亦唔夠人搶, 成日犯規. 很討厭前土耳其國腳Umit Ozat , 樣衰又粗野又多小動作. 嘉柏贏盡形勢, 未能拉開比數埋下禍根....

臨完場前有嘉柏球迷掟煙花入球場, 攪到好似意甲咁一陣混亂. (贏緊都攪事, 低能!) 球証於是補時五分鍾. 全場一味靠湧的科隆係94 分鍾一下長傳, 前鋒Helmes 被嘉柏4 號仔拉跌, 但係查實係禁區外跌....但係球証唔理判12 碼兼紅牌. 12 碼入埋 1-1 完場. 慕遜嘉柏不能獲勝覺得很不值.

Man of the Match: 我會揀Rosler. 幾記插花, 多番助攻 , 還有一個入球, 當選無異議。


[塞爾維亞超聯] 國家打0比 -- 柏迪遜 vs 紅星

塞超兩大班霸, 絕非克羅地亞兩支甲組勁旅的對手. 場波除了頭十五分鍾比較得之外, 一路都係中場混戰, 組織欠奉, 反而兩邊球員踢來幾粗野, 末段仲幾度開片打大架.唉.

貴為91 年歐冠盟主的紅星, 再見不到一點勁旅的影子, 昔日的秀麗腳法沒有了; 反而一味"高Q 大棍" & "兩翼落底出球"的踢法, 像極一些英冠的中游球隊. 真正有些意識和腳法的, 只有8 號, 塞黑國腳Ognjen Koroman 及 南美外援Segundo Castillo.

另一邊廂的柏迪遜也十分平庸. 各自為戰無默契可言. 好些人像35 號的 Stevan Jovetić 和 非洲兵Diarra, 一味玩波. 但又並非球技上乘, 睇得人好悶....

結果係 1-1 完場, 悶悶地結束了. 雖然塞超連年人材外流, 但想不到會如此凋零. 真心話, 同屬人材外流的克甲, 真的好看多了.


德國盃賽後感


(圖﹕近期無比好運的東尼)

係歐戰勝利日的前夕﹐德甲勁旅拜仁將會迎戰俄超新貴辛尼特。拜仁將會係今屆辛尼特面對的第三支德甲球隊﹐德國足球的踢法﹐想俄國人多少有些領會了﹔更不要說他的好兄弟史浩克04一定會做間諜去報料。拜仁方面﹐兩個多星期踢了6場球賽﹔當中有兩場要搏盡打加時﹐體能方面可能會有些問題。辛尼特人腳輸蝕﹐但有望偷雞。若然拜仁讓球多的話﹐小弟定會落注在辛尼特身上。

又﹐很替多蒙特有點不值﹐亦對踢出超水準的奇連治(Kringe)渴彩。