Friday, June 13, 2008

歐國盃短打之紅白格子(體育世界)

時光倒流返回12年前的夏天。還是學生哥的收買佬是年暑假留在美國﹐於一間大型電腦公司當實習生。有一天的下午﹐收買佬蛇王溜了去餐廳吃午飯和休息。斯時正值歐洲國家盃舉行期間﹐而當日的比賽為1992年的冠軍丹麥﹐惡鬥一個新獨立的東歐國家-- 克羅地亞。正當收買佬拿著食物進食不久﹐電視奏出兩支球隊的國歌﹐不遠處的一檯坐著幾個白人中佬﹐聞國歌起立﹐狀甚肅穆。那幾人的表情行為至今還記得很清楚﹐跟下面片段中的克國球員奧歷, 尼高高華和派迪高沙差不多。


(短片: 克羅地亞國歌)

查當年東歐變天不久﹐政局不明朗之餘﹐經濟環境也不好。很多東歐的專材 -- 特別係科技人材﹐都紛紛跑到西歐和北美去開展新生活。然而可能係懷緬故國之情, 亦可能內戰完結國家獨立未幾, 總之這班博士科學家唱得非常有感情. 收買佬向來對南斯拉夫/東歐足球有好感, 心裏不其然支持克羅地亞. 而他們亦不負所托, 在蘇加, 波班和普辛尼基的出色表現下, 大敗對手而回. 那幾位仁兄不用說係樂透了. 可惜的是, 克羅地亞在晉級後便在下一圈止步, 教人惋惜. 此後的12 年, 克羅地亞只曾在98 年的世界盃打入四強, 在其餘歷屆的大賽, 都沒有再向前邁進, 甚至有點不進反退.

今屆歐洲國家盃, 克羅地亞有一個好開始. 第一戰對奧地利雖然表現欠佳, 但第二戰勇挫德國就實為球隊的代表作. 在陣容沒有大變動下, 格子兵團把新興的"4-6-0無鋒"陣法演繹得淋漓盡至, 令人激賞. 即將加盟熱刺的摩迪固然成功地成了一夥"新星" (收買佬已留意了他年多, 故此對我來說他一點都不"新"). 其他的卡蘭積卡, 施蒙歷與及門將派迪高沙都非常搶鏡. 但收買佬最欣賞的還是那又矮又略胖的前鋒奧歷. 絕對是那晚的贏波功臣。不單是門前執雞那球﹐第一球他都有好大的功勞。在克國球員未係左路斬中前, 我已經見他走來走去﹐最後一記回跑, 走出禁區幫波再切入﹐拉開了整班德國班後衛, 叻仔。事實上他當這游擊前鋒的角色, 做得十分一流.


(圖: 克德的 98 世界盃之役)

十年前後, 克國穿上藍衣藍褲藍襪, 再度斬德軍下馬, 歷史真是不斷的重覆! 克羅地亞又能否繼98 世界盃後, 再次成為一支強勢黑馬呢?

10 comments:

收買佬 said...

題外話, 說說近期"嚴重超買"的荷蘭.

單看他們對法國(和意大利)的賽果, 會覺得荷蘭好勁﹐但實情又唔係一面倒。我自己仲覺得法國佔上風添。

若然亨利0個球挑高入了﹐又或雲達沙唔係0甘神奇﹐甚或球十二碼有判﹐戰果一定唔同晒。當然﹐荷蘭的反擊﹐係真係幾堅﹐強化版的希臘2004 也。

又﹐史尼達埋齋那球﹐記得好像上季阿積士大炒飛燕諾那球遠射的倒模。

杜明尼治﹐你都抵死0架啦。成隊波係里昂+巴塞+拜仁+車仔﹐而呢四隊波今季都係低迷多過高潮﹐有態都無運啦。

Anyway, 從來大炒人者無好結果, 荷蘭, 你越看越像一個悲情二奶. :)

Anonymous said...

荷蘭人的七個入球五個是打快速反擊入的球,
同意收收兄所言意大利粉和多舊魚唔喺冇攻勢兩隊都喺久攻不下畀木屐隊快放而輸掉的。
木屐隊在例行工事會否放軟避免受傷畀生菜隊三分呢?到時多舊魚和意大利粉邊隊贏都喺得四分唔夠生菜隊的五分。

收買佬 said...

SPACE 兄: 話又分幾頭, 若然荷蘭班"副選"贏埋羅馬利亞, 係死亡之組全勝, 個士氣同個form 一定有好大幫助. 佢未必會好明目張膽咁放水, 而我估意法兩國最終打和攬住一齊死.

收買佬 said...

題外話2: 中國隊反勝為敗, 出局了.

十幾年前我讀書時就同班鬼仔宿舍友講過: 踢波唔同體操跳水乒乓波, 要個人有sense 兼團隊有默契先玩到成績. 單講個人腳法無用, 等於一班武林高手唔會打贏一場仗一樣. 因此有13 億人, 都唔會砌到隊好球隊出來. (反而中超球會可能夾得多, 加埋外援增到值, 所以中超球會相對地無咁失禮.)

今晚輸第二球, 明顯係個人無sense, 團隊無章法所致. 唉.

Anonymous said...

對上兩篇文章我的回應是:

中國體育一到隊際就唔掂,
是中國人一盆散沙的縮影?
還是心理素質一直影響著?
中國男足球國家隊在天津,
主場輸畀卡塔爾無話可說!
跟著加段有關于鼓足內訌。

唉!唉!唉!
一星期後國足緣盡世界杯,
再在天津主場輸畀伊拉克,
中國男子國足不懂得贏波,
連領先後也因心理素質差,
最後輸突連和波都保不著!
一盤散沙內訌心理素質差,
三管齊下想入圍都甚困難,
都喺同意通寶兄個句預測,
等到中國主辦世界杯個時,
國足才入到世界杯決賽週。

Anonymous said...

改正:應是

跟著加段有關于國足內訌。

收買佬 said...

Space 兄: 請看 -- http://www.needagoal.com/phpbb3/viewforum.php?f=17

Anonymous said...

你好~~~
這場比賽我有在網路電視上看,還蠻跌破我眼鏡的@@台灣人大部分都認為德國會贏@@
感覺德國的波多斯基進球後也沒多高興......德國坦克真的怪怪的ㄟ@@
順帶一提,克國國歌還真不錯聽~~~

收買佬 said...

通常東歐國家的國歌都是很動聽的 :-)

Anonymous said...

荷蘭如非太笨,就應該輸波送意、法一程,因為若四強重遇未必有咁好際遇矣。不過,荷蘭人一向笨,冇法。

我倒想荷蘭奪冠,以狠狠擱老屎忽廢話王告魯夫一大巴。