Monday, September 15, 2008

金融風暴2008(金融經濟)

父蔭

老闆有朋友某甲者﹐為紀律部隊的高級人員。薪高糧準﹐亦很喜歡投資炒賣物業。九七前在坐擁數以千萬的貨﹐一家四口的生活絕對係天上人間。往後一場金融風暴﹐把他的家當打得七零八落﹐變成負資產人仕﹔加之成為特區官員後﹐新人事新作風﹐仕途不順更慘背黑鑊而被降職。某甲一時看不開﹐步哥哥(張國榮)後塵自盡去了。

銀行一見某甲過身﹐忙不迭的追收貸款﹐如是連累了從未真正工作過的太太之餘﹐亦害死了他兩位少爺兒子﹕蓋某甲是100%好爸爸﹐每個物業都跟兩名兒子聯權共有﹐父死債便由妻與子還﹐孤兒(大兒子)和寡婦受盡銀行和財務公司的騷擾﹐先後申請破產。早前銀行把最後一個銀主盤出售﹐再向某甲剛大學畢業的小兒子追債。最後小兒子難耐收數佬的滋擾﹐透過我們辦破產。至此﹐十年前的人上人﹐今天變了徹底的破產家庭。收買佬看著他兄弟二人﹐真的感概良多 -- 父蔭這棵大樹不一定是好。搞不好真的會被倒下來的大樹砸死﹐哎﹗


(短片﹕此時此刻﹐收買佬只好點這首京華春夢的主題曲給他兄弟二人聽)


金融風暴2008

雷曼兄弟和意大利航空宣告破產/清盤﹐著名大行美林和AIG 亦後園失火﹐需要政府和行家襄助解困。由04年起人們不斷的推算歐美的熊市何時來。想不到猜了一年又一年﹐熊市來了﹐然而大部份投資者仍然對之仍然無力抵抗﹐真不知那些人天天在研究經濟問題來做甚麼。(收買佬向來愛簡單策略﹐“贏谷輸縮”﹐不對勁時更會絕對離場。大家見我近大半年只談足球不講財金﹐緣由在此。)

事件最令人齒冷﹐正是廿多年來把貨幣政策亂舞一通的格老的表現。都說此人跟陳四萬一樣﹐不在其位卻愛謀其政。對執政者諸多批評﹐而顯示自己的英明神武﹐卻對自己的所作所為一概不提﹐好像一切的錯失爆鑊都和他無關﹐讓人看清楚他的小人嘴臉。就不知全球數以百萬賠了錢的苦主﹐會怎樣面對他“事後孔明”般的預測。


大時代﹖


(短片﹕MSCI 台灣期貨交易場)

我想講﹐我仲係388度做的年代﹐係有open outcry的﹐成班出市仔女幾百人係個trading floor 大喊大叫﹐互相廝殺﹐先感受到個"大時代"feel(我剛畢業時第一份工﹐撞正98年金融風暴﹐那個夏天真係有今生無世!)今時今日用電腦﹐聯交個trading floor 又縮晒水﹐當堂無晒feel. :-)

6 comments:

tungpo said...

話時話,當年樓巿跌真係好多紀律部隊損手。佢地因為好快就有房屋津貼,所以炒得特別起勁。識得有個持唔少單位收租又自稱鑽石王老五者,在風暴過後都係破產收場。

gaubinfor said...

小妹當年 "入行" 炒期指, 就係響中環及旺角寶生銀行做 "聽價黨" 開始. 當年甚麼圖表都唔識睇, 閉上眼齋聽 "現場直播" 全憑交易員的聲調炒, 對培育市場感覺, 或所謂 trading sense, 比後來學睇即市圖自問重有效. 當年 (2000 年 6 月 5 日前) 仍有 open outcry 既時候, 一聽到 "快市", 每喊一口價比上一口已差成百點的日子, 至今仍歷歷在目.

Anonymous said...

置身 open-out-cry 個 trading floor,
感受好有 feel!
嘈到聽耳機手機都接唔 order,啲出市仔女,自行有一套 hand signal,正如 科姐話齋,聽著出市仔女啲叫喊聲,再烚實啲 hand signal,就是個隻 feel嘞!
E+ NYSE 還用寫咔紙,再雙方對盤,氣氛好過電腦對盤!

Anonymous said...

喂,你呢度撈得好慢,瘦下身啦唔該。

收買佬 said...

師兄﹕話時話破產法例改了後﹐多了好多公務員破產.....

科姐﹕你都識聽聲? :-)

Space: 同意

colin: 收到啦

Anonymous said...

咦!真喺撈得快咗好多倍!
之前有啲乜隱蔽的?
tracking device 呀?
Colin alias Chaco 唔該哂,
thanks 收收兄 spared us!