Wednesday, January 07, 2009

回顧與展望(個人日記)

回顧

1) 去年年底小兒出世﹐但不旋踵便要再度"入廠維修"。折騰個多月﹐工作又忙到極至。由一月初到三月中那兩個多月真的被磨得透不過氣﹐亦係在那時隱隱然覺得2008年(或鼠年)會是一個災荒之年。

2) 當然﹐不用待2008年﹐收買佬查實在2007年夏天已經"斬手指戒賭"﹐因此幸運地只是被金融海嘯濺濕了衣褲﹐並沒有甚麼大損失。(其實嘛﹐有"損手爛腳"者才是身分的像徵。)

3) 雖云料到美國/環球經濟會終有一爆﹐但任誰也不會料到爆得如斯急勁。而牽連出來的金融醜聞﹐更是齣齣好戲。

4) 有得必有失﹐反之亦然。我屬下的那位水準低下的見習律師三月初辭職﹐換入的兩員新血乃絕對的猛將。工作壓力在夏天漸漸減輕。曾看過某風水大師的書﹐說收買佬在08年入秋後會活得較輕鬆﹐再沒有這兩三年的要命。今回看來真的靈驗了。

5) 家庭工作以外﹐2008年實在發生了太多事﹕雪災﹑地震﹑奧運﹑ 金融海嘯﹐還有大大小小的次選大事.....真令有留意新聞者喘不過氣。

6) 足球方面﹐歐洲二線聯賽一如所料﹐沉淪不起。歐戰賽場的軟弱表現絕對令賭仔們收貨。

7) 意甲方面﹐羅馬真如收買佬季前預測﹐淪為榜末分子。倒是祖雲達斯韌力驚人﹐令不少人走了眼。 西甲方面﹐巴塞終於踢回昔日的悅目足球。實在令fans們欣慰。(就希望他們不會虎頭蛇尾啦。)

8) 最後﹐收買佬眼見不少舊同學舊同事在投行或金融圈中箭下馬﹐不禁想﹕要是我還留在原位﹐今天會是何光景﹖又﹐幾位行家多年前花了百多萬拿取了美國東岸的MBA 証書﹐想不到在今天卻是全無用處。每念到此﹐收買佬也為他們"肉赤"。


展望

1) 今回的金融海嘯有點像87股災﹐即跌得急且深。對那些積極炒作者和金融機構影響至深。除非閣下一早離場﹐不然任誰也是逃生無門。這個下跌勢頭跟2003的復甦勢頭一樣﹐都是有錢人/上層人仕先行"享受"。

2) 由此引申出來的金融危機﹐重創了其實本來就危危乎的實體經濟。好些幾年來都不太景氣的工廠﹑零售商或食店﹐全無抵抗下就投降關門。舉例說﹐以往那些酒樓都會頂至聖誕新年假期結束才倒閉﹐今回卻是未到十二月就無力再搞了。

3) 正面點看﹐週期調整得越快﹐復甦便越快來臨。汰弱留強的步序加快。這﹐始終是好事。

4) 收買佬認同一些老友的分析﹐即經歷了一大輪裁員﹑企業撥備及政府注資後﹐經濟會在年底前復甦。始終﹐泡沫爆破的救市最佳良方﹐便是製造另一個泡沫啦。

5) 經濟未明﹐收買佬加薪無望﹐轉工亦暫時有難度。看來今年會如風水佬所言﹕一動不如一靜﹐方為上策。

6) 終之﹐今年大勢是會回歸平淡。雖然收買佬認會股樓市見底﹐最壞的時候已過。但未來6至9個月仍會係低位徘徊。炒友們就算不輸死﹐也會給悶死﹐哎。

11 comments:

Unknown said...

去年我個人來講仍然係淡如止水. 前途,感情皆如是! 淡到.....好失敗. 希望2009年成功d啦.

咁收買仔而家健康如何呀? 呢兩個月我識唔少人有兒女出世, 希望個個都健康快樂啦.

mk said...

而家已經2009
應該係((前))年年底小收仔出世

收買佬 said...

becky 姐﹕明天會更好的﹐放心。又﹐歡迎歸位﹗

mk﹕哈﹐我昨日開cheque﹐都仲係寫緊2008年。謝指正。

Unknown said...

嗯...多謝收買佬的祝福.
我都要諗下除左上0下德文堂, 我仲進修d咩好. 為職業而進修的課程, 唔見得真係好大幫助. 但以我而家0既資歷, 除左做正苦, 真係唔見得有咩好做.

收買佬 said...

0甘阿姐你其實做緊邊行﹐同埋讀咩科呢﹖﹖

阿茂 said...

Dai Lo! 新年快樂!

One more thing to look forward to:

http://www.osnews.com/story/20736/Trends_Are_Cyclical_the_Asus_Eee_Keyboard

:)

阿茂

Unknown said...

我讀social science, 吹水科啦. 家下做緊一個admin, 做d0野應該中七畢業同識下英文就完全可以勝任, 基本上唔使點用(人)腦.

收買佬 said...

阿姐﹕不如你繼續深造德文啦﹐真係講到好流利0個隻﹐都算係一個專門技能。

tungpo said...

恭賀新禧!

祝收收09搵得更多!:)

Unknown said...

嘩.....要講到好流利0個隻, 我諗要去德國浸足兩三年先得, 讀完返0黎成三十歲又做咩呢? 英文我都未到好勁0個隻啦! 況且識德文0係香港真係無乜用咁, 雖然我都想再去德國上多次course去讀, 但要以年計就另一回事了.....@_@

收買佬 said...

哎﹐唔下點苦工唔得0架﹐阿姐

又﹐師兄﹐祝你官運亨通啦!