Tuesday, January 20, 2009

屠殺大笨象(金融經濟)


(圖﹕令人嚇一跳的數據[click 入放大])

一如既往﹐香港的股票散戶就像此間的球迷般﹐有莫名其妙的英國情意結。對匯豐和英超及英格蘭隊出奇的擁戴。即使英格蘭歐國盃出局﹐匯豐被洗倉﹐你仍會見到一大班無腦袋的跑出來﹐築起甚麼血肉長城去護盤。不知那些跨國炒家賭球大鱷們看見﹐會否笑到爆嘴呢﹖

今回的金融海嘯﹐乃自98年來對本地人的另一次再教育。即是﹐甚麼傳統智慧﹐甚麼數十年經驗﹐其實統統都是Bull Shit﹗頑固者們抱殘守舊﹐只得落得"蝕出血"的下場。遠的就是那些堅信樓價只升不跌之輩﹐而今天的﹐就係盲目的大笨象fans們了。

當大笨象六十多元時﹐曾有人問我應否入貨。收買佬向來厭惡大笨象﹐見基本因素和圖表又一般﹐當然不予讚成。但那位兄台卻是盲目fans 一個﹐自顧自說大笨象急跌係因為大戶要趁低吸納云云。(後來得知他已於65元附近入了兩手﹐亦應錄得帳面虧蝕。但盲目的fans 應該會自我安慰道﹕"不用怕﹗我打算是放長線的﹗" 又或加多一句﹕"難道你認為匯豐會倒閉嗎﹖")

其實看官心水清的話﹐應該知道金融銀行業為今回股災的重災區。投資銀行這行業名存實亡(或曰生態改變)﹔而零售銀行呢﹐在可見的將來無論係利息差的收入和非利息的收入﹐都不會有甚麼好轉﹔但銀行又坐了一大堆蟹貨/呆壞帳﹐兼且沒有了再保險和CDO 這些"排毒美顏寶"﹐那股價又怎會有好表現﹖很大國際性銀行已經累跌了70-90%﹐看官﹐按此比算﹐你說大笨象要跌到那一個價位才算合理抵買呢﹖這﹐還未算及大笨象因馬多夫和雷曼迷債兩件案子已要作出的賠償撥備。

只可惜﹐香港人太盲目信奉這隻大笨象。不少公營機構﹑私人信托基金﹑互惠基金﹑退休人仕都有長hold 大笨象﹐或收息過活﹑或長短線按倉抵押﹑或按揭透支﹑ 或作子女教育基金/年金使用。今回的急插﹐看來會在本港興起一個不小的風浪。哎。

PS: 大笨象的新任領導人﹐人如其名樣子十分"碌葛"﹐和前任的龐先生比﹐差遠矣。

題外話﹐大笨象倒下了﹐但曼聯的表現卻持續好轉﹐真是可怒也﹗﹗

11 comments:

東尼 said...

005 跌到50幾啦﹐大魔快要不存在了!!!!!

ksli said...

匯控是香港股民心中是屹立不倒的精神支柱,若果佢散哂個市都唔慌會有好日子過了

過內人 said...

臨90分鐘先入波,仲要升上榜首。

雖然我隻阿仙奴唔掂,想利物浦今季贏,頂位曼聯在衛冕,不過而家應該要打定輸數。

imak said...

半杯水兩邊睇, 香港人對匯控的信心不是一朝兩日build up 番黎既. 經過這次 crisis, 股民應重新去 evaluate 每一隻股票, $150 for HSBC is just a historical price, "上唔上得返去或幾時上返去?" is the question to ask.

the inner space said...

農曆新年前後共五天香港無市,又唔喺個個有可以在境外作反應,睇嚟是劏宰的好日子!

tungpo said...

如果隻紅魔又幾冠王,啲人的氣焰更難頂!

收買佬 said...

各位﹕家陣金融銀行業就好似山林大火0甘﹐各國政府出恆晒飛行服務隊去放水救火﹐但仲有好多小火種成日復燃。當然﹐再有大規模既大火可能性唔大﹔之但係﹐要重新種樹﹐回復番舊日個翠綠樹林﹐就真係唔知要幾時了。

港燦 said...

財路 : 所知上年 "雷曼" 同 Bear Stearns 有印月曆同利是封,唔少街坊搵緊,應重有價有市。

lougwo said...

睇在馬斯查蘭奴份上,硬撐利記打低紅魔。

泰維斯去西甲啦,o個求度先至係屬於你!

收買佬 said...

49000死好命﹐又4-3過關﹐真係難頂。我都想利記奪標﹐但49000可能會重覆99年的好運﹐最後一刻勝出。(This is my gut feeling.)

chaco said...

香港蠢人太多,冇計。我想攪個網上簽名運動,為左恆指有運行,請把匯控踢出恆指。

之前有朝聽到有個傻佬打上電視台話一百蚊買倒匯豐,好鬼開心,呢世都唔放喎。想起都幾心涼。

曼聯拿梗英超啦,睇過最近幾場,根本唔同班。歐聯衛冕就真係久已冇人做到,又睇下點?

里賈納終於要玩完,睇怕我愛隊愛斯賓奴都要收皮,慘。