Monday, March 02, 2009

週一短記 (個人日記)

手語

早前法援署轉來一宗案子﹐客戶(被告)是一位聾﹑啞並且有點輕度智障的青年人。案件的詳情不說了﹐反正這些小事情﹐全地球每一天都有發生。值得一記的﹐倒是由開會到上庭期間﹐間間斷斷的接觸了手語這們學問。起初﹐當然被搞得一頭霧水啦。但看著看著﹐對得久了﹐倒發覺自己已經看懂了一點點﹐哈。

查手語跟口語一樣﹐每個國家地方自有其通用的一套。他絕不是世界共通的。據翻譯員說﹐世上如今有數百種手語在聾啞人社群中通用。亦係據他所說﹐手語的文法係定死在"Subject-Object-Verb"的架構﹐而話題的重點又通常會令句子架構重組﹐猜想情況和法西義等拉丁語相類吧。(例句﹕"我你去食飯"﹐而不是"我和你一起去食飯"﹐諸如此類。)

又﹐有好幾回開會時﹐看著翻譯和客戶的交流時﹐總教我想起這首MV/電影片段﹐哈。


(短片﹕這一幕其實十分經典﹐不然TVB那齣爛劇也不會"照單全抄"吧。)


大象撲水

匯豐控股(00005)公布,將會按每「12供5」股的比例,供股集資125億英鎊,折合1375億港元。

好老實﹐這個成績教人意外 -- 在股神畢菲特也差一點點要業績見紅之時﹐大象牠還能錄得盈利﹐亦未需要任何政府伸出扶手﹐算不錯啦。當然﹐目下並非趁低吸貨之時(你真的係玩長線的另計)﹐但收買佬仍然很有信心﹐本地股市會係年底走出谷底的。

利益申報﹕收買嫂係54元附近﹐買了很小很小的貨﹐以為阿仔他日長大成人用。 :)

7 comments:

EonLabs said...

0005.hk 剛剛做了底背離,看多。圖示:http://is.gd/lpCi 加上上周四五突破了下降軌道,給多了一個看多的理由。雖然上周是道指創新低的一周,但是,因為再創新低的時候,NYSE 同時創新低的股票數目已經不及去年11月和前一周數目多,所以,我們有理由相信本周美市都有技術性反彈,有機會帶動港股做好。

Anonymous said...

大笨象供股價果然平過一包煙 - 就算以未加煙草稅前計.
但唔知佢東歐果邊放咗幾多債, 撥備未 ?仲有大英祖家, 愛爾蘭 ?
收爺你水頭充足, 不如刀仔鋸大樹, 買 d 花旗銀行, AIG, 貪佢地夠殘夠賤價,慘過大笨象好多, 又 TOO BIG TO FAIL, 留返俾你個乖仔....甚至乖孫 ! 到時美國佬翻生的話, 你個孫就驚嘆你呢個爺爺眼光獨到.

收買佬 said...

飛爺﹕匯豐係香港先係真正的too big to fail﹐其他的就算含家富貴都唔關香港人事啦。你看0甘多有錢佬出來撐場﹐你就明啦。

eric 兄﹕係會有反彈﹐但真係搏命的話﹐勸你都係等過埋呢個月﹐N期結算完後再出招啦。

收買佬 said...

BTW, 申報利益﹐我地會供股﹐亦會係低位添貨。注意既係﹐我地個倉一年多以來﹐都係無持貨的。家陣亦只係持有005。係0甘。

Anonymous said...

>BTW, 申報利益﹐我地會供股

又多一家有錢佬撐場…

收買佬 said...

我有撚錢咩﹖有的話就係60﹑70﹑80﹑90 等價位入市﹐唔使等到今日啦。

過內人 said...

你講呢套戲,我反而想到《貓頭鷹與小飛象》,同埋入面嘅主題曲《誰能明白我》。