Saturday, March 07, 2009

週六政經超短打(政治評論/怪論)

大旱災很快會變成大水災

此標題絕非危言聳聽。試想﹐全球狂印銀紙兼大力刺激內需﹐埋下超高通漲的種子。現在個市淡靜﹐只是銀行這個大水壩在把水閘住。他日市況回穩﹐銀行們排洪﹐cash 便不再是king 而會是太監。那時﹐單純持有現金者一定 "苦過弟弟"。亦因此收買佬認為樓呀﹐實力大藍籌股呀﹐貴金屬等等﹐都不宜看得太淡。有多餘錢可放長線的話﹐現在可謂入市良機。不然死守現金﹐極高通漲重臨時將會非常痛苦。

又﹐不認為樓價會暴跌﹐頂多小回(炒得過火的個別新盤例外)。好些真正有實力的地段﹐目下只是回到2007年初/中的價位罷了。大膽推算﹐樓價跟美元一樣﹐都會逆大家意思不會大跌。


中產階級下流化 & 救市資源錯配

本來這個話題與我無關﹐蓋收買佬並非中產﹐財力上更是下流得不能再下流。只是環顧身邊不少朋友舊同學舊同事﹐很多的不是被裁﹐就是收入劇減﹔真要是能找回工作的"幸運兒"﹐薪水也不見了一大截﹐看到此真覺得淒慘。跟以往的經濟危機不同﹐今回係中產白領階級遭到絕大重創﹐至貧和至富的兩極﹐影響其實不大。(亦因此金融海嘯﹐對於窮到天天喊救命的我﹐實在不算甚麼。)

以往各國政府都會推出一些派糖的措施去平民怨。但個人覺得今回的救市措施不會太有用﹐蓋救市資源錯配是也。以前跟港燦說過﹐難道要那些銀行經理﹑人事部太太﹑基金銷售員等等去修橋築路﹖可能體育老師財爺也看到這一點﹐才會說出叫那些不幸的一群去賒借典當﹐食老本過活的涼薄說話吧。事實是﹐對於白領的失業潮﹐相信沒甚麼國家有辦法應付﹐哎。


奧巴馬老董上身

1997/98年時﹐香港新上任特首﹐阿老董先生叫市民入市買樓﹐製造了不少樓蟹﹔

2009年﹐美國新總統奧巴馬先生叫人入市買股﹐不知又會否搞到遍地股蟹呢﹖


過不了大海

不覺得澳門政府對陳教授的指控有何不妥﹕礙於形像問題﹐陳老教留澳期間不會去嫖賭飲吹﹐亦應該不會去買手信。幹的只是出席學術研討(並趁機講那些收買佬在HKU法學院時﹐聽了N次的“民主理念”)。如此﹐絕對是「從事非旅客活動」﹐澳門警方並沒有做錯事啦。

8 comments:

the inner space said...

唉!因低息到水浸,令通漲這惡魔伺機而動,但到時又冇人敢加息竭通漲,下一波就是連有略有積蓄的華裔美國人,都打沉埋。

我有段舊的文字:
『好嘞!就算畀民主黨今次暫時攪掂,塞著個窿,國債由天文數字變成天界數字,以後的後遺症紛呈,息口低到近附零,咁多錢在個市場,通漲就是下一個面對嘅危機,美元購買力下降,稅收還利息都唔知夠唔夠,咁樣連非一般的美國人,即喺啲亞裔美國人,佢地大部分都有儲蓄,都略有 freehold 資產,睇嚟都要揸埋鏈埋出嚟,榨乾榨凈為止,其禍不知要禍延幾多代。』

港幣pegged咗美元,前景堪輿!

Anonymous said...

1.對應該仲有幾十年要捱的人來說,而家入市點都唔算貴,除了金融股
2.救市即是計劃經濟,一定錯配架啦。
3.唔俾人入境根本唔駛理由。
chaco

收買佬 said...

哎﹐看來真係要回鄉耕田

Anonymous said...

投行 SVP , CFA 退番去麥記賣包甚至去做地盤, 馬死落地行, 等 $$$ 開飯, 點解唔可以 ? 爭在有無人請而已.

而家比 1929 年更大鑊. 當年大部分製造業重係勞力密集, 政府要創造就業唔係咁難, 而家大部分產業唔係全自動化, 就係好多行業裡面各個職業崗位原來只係依附一個泡沫至存在. 泡沫一爆, 整個行業就不需要某方面的從業員. 因此, 就業和生活要有極大彈性, 要令自己時時刻刻都能轉行. 今時今日, 住獨立屋既巴打要有明日須訓板間房既心理準備, 否則呢次巨蕭條你地無可能捱得過.

最近好多失業 "終鏟" 轉行搞補習社, 或頂左佢以前光顧開, 響 office 附近個間賣三文治既鋪頭黎做, 或睇下日本/台灣有 d 乜野日用品 / 玩意香港未有既, 照抄個辦再返內地找廠生產後運黎香港既樓上鋪或工廈鋪賣 . 做開呢幾瓣既街坊都話, 呢幾個行業一向特別多因失業而創業既 case, 亦係夭折率特高既行業, 唔係從事開相關行業, 由最基層做起的紅褲仔茂茂然走去搞呢幾瓣小生意, 街坊們話捱得到頭一年既 10 個創業者之中唔多過 2 個.

返鄉下耕田 ? 而家有以百萬計失業民工爭住做, 只係返到鄉下發覺土地被污染得太耐, 或已被當地政府挪用, 想耕都耕唔到.

考紀律部隊啦, 響年齡及體能兩方面重得唔得啦你地 ?

Anonymous said...

小燦所知唔少待業人士想由 facebook 的 "tag 圖" 功能打主意搵米路, 例如將呢個 3g 推廣手法改頭換面成賣倫敦金

http://tech.azuremedia.net/2009/03/04/1615/

不過任何網上傳銷既技倆一有人試過得就會被極速玩殘, 各位街坊想靠 e-commerce 搵出路的, 非搞盡腦汁發揮創意不可.

Anonymous said...

小燦講到咁灰, 但收收等法律界人士不用愁. 香港點環境我唔清楚, 大陸律師倒識得幾位. 佢地話你無被官府定性做 "維權律師" , 或太依賴個別地產商搵食都無問題. 搞開企業債務重組, 清盤及知識產權既仍然好好生意.

HHH said...

有工做都要好好睇住自已身體,公立醫院人多左。

d終鏟,特別有大有細,真係點都要買d壽險、醫險。 但…幫襯AIG會吾冇得倍?

收買佬 said...

燦﹐我一向少愁﹐因為我窮開捱慣。
3萬點時食老麥KFC﹐家陣亦係(有時
就20皮既兩(食送)飯(連飲品)﹐行
路落山搭地龍﹐連小巴都唔搭。你地
d 中環精英﹐好多都未必受到0甘既
生活啦﹐更唔好話回鄉耕田或做地盤
咯。我做人但求家人和親朋戚友身體
健康﹐身心愉快0者。

H: 同意。Thanks