Tuesday, April 28, 2009

豬流感不及豬流言恐怖(體育世界), (社會文化)

大考驗

說的不是豬流感﹐而是巴塞隆拿足球隊。


(短片﹕巴塞火併西維爾﹐讓fans 們看得很激動的一場賽事。)

未來的這十日﹐是巴塞的大考驗﹐歐聯兩鬥車仔﹐兩戰之間的週末﹐又要跟屢屢有球証幫忙的皇馬﹐進行國家打比大賽。之後﹐還要面對維拉利爾(再之後便是西班牙盃的決賽)。本季到底會是完滿收工﹐抑或含恨而終﹐真的盡在這十天。

作為fans﹐贏也好輸也好﹐最緊要的﹐是場面踢得好﹗﹗(真正愛足球的﹐絕不會希罕像曼聯這樣衰的冠軍。)


自亂陣腳

上文說起豬流感﹐不得不說多兩句....

香港人(或華人)其實挺會自亂陣腳﹐就算醫生們說有充足的藥物存貨﹐也仍然要人心惶惶(暫不說服用西藥對身體有無害這問題)﹐病毒還未殺到來﹐口罩等已賣清光﹐真的夠瘋狂。對低智傳媒的為賣紙而去嚇人的評論﹐就照單全收﹐天天害怕醒來會變成疫埠﹐看來這班豬流感﹐對人頭豬腦們的影響甚猛呀。

(看官問到﹐我就這樣答你﹕我是驚都未驚過﹐還天天吃豬肉呢﹗)


鬧示威

有在又一大學任教and/or畢業的中學學長及同學﹐轉送了該校師生上週示威的資訊給我去看看。閱罷﹐容小弟不中聽的說句個人感言﹕我覺得今回熱血又單純的學生們﹐又再度被人擺了上檯當籌碼了。

個人覺得﹐無人會不喜歡見到自己的母校在那些吹水排行榜名列前茅﹐亦沒有人會喜歡給料子不足的導師去執教﹔當然﹐校方如把一些(可能)真的教得好好的老師炒走﹐亦係難以服眾。今回的事﹐只係兩邊各執自己的利益﹐放大成學生和學校的利益﹐去鼓動局外人去支持罷了。在老校來說﹐真能把又一大學晉身甚麼100強之列﹐肯定會係無限風光之創舉, 試問他們又怎會不肯不惜一切去達標﹖﹔而對那些老師﹐理念容或緊要﹐飯碗就必不能少。

可惜的是﹐兩種理念卻互相衝突﹐因此雙方好自然便對抗起來。而在這類好像很大是大非的問題上﹐雙方定必有支持者。(老校一方多數會係一些藍血校董及校友﹐而老師這邊多數會係教協及其一班政棍。) 到最後吵了一輪﹐定必不了了之。老校又會繼續搞欺壓﹐庸懶的老師又會混在那些好老師堆中﹐齊喊校方不公義。搞到底﹐損失的又會是一班學生。而害慘他們的﹐無非是執事雙方的虛榮感﹑權力慾﹐與及對金錢的熱愛......哎。

14 comments:

Anonymous said...

沙士時買乜都發,再來一次就係入市良機。

chaco

收買佬 said...

未必﹐國泰呢類貨﹐仍係少碰為妙

lougwo said...

豬流感唔知對幾支有份踢南美先由盃o既墨西哥球會有幾大影響呢?

jcch said...
This comment has been removed by the author.
jcch said...

我就緊係撐巴塞啦!不過呢幾場波充滿暗湧,尤其車仔換左領隊之後有翻D起息,加上皇馬復仇者宿命撐住;皇馬主場又黑到極點,真係好牙煙!唯有希望美斯大發神威,VV生生性性啦。

the inner space said...

皇馬復仇者是必然冠軍這條定律會否被破呢?
收買仔已報讀與貴母校小學部有一條龍的幼稚園 play group eh!

收買佬 said...

路過大佬﹕可能無晒主場賽事咯

jacky: 其實只要對皇馬那場唔輸就ok 了。

space 兄﹕皇馬復仇者並非咩定律﹐隨時可破

Derek Greyhound said...

收收兄,

在下衰口不幸言中,竟然真的是零比零.但若非伊度奧貪功,不射而傳出來,那巴塞會有一球優勢.

佩奧爾要停賽,下場車仔一定在想一比零或二比零:入一球死守到完場,或入一球,待巴塞空群出擊,在完場前單刀入多一球,希望我看錯,巴塞不值得緣盡決賽.

收買佬 said...

變數好多﹐唔識答你。相較之下﹐比皇馬贏西甲冠軍仲加天無眼。

Anonymous said...

巴塞板斧已見盡,廣受吹噓的華麗場面一遇強手就無影無蹤;下場場面應該同利記主場對皇馬時差唔多。難得車仔冠軍仲有四倍。

若哥迪奧拿首季能拿下西甲,已有晒交代啦。

chaco

Anonymous said...

"低智傳媒的為賣紙而去嚇人的評論﹐就照單全收﹐天天害怕醒來會變成疫埠﹐看來這班豬流感﹐對人頭豬腦們的影響甚猛呀。"

小燦深信,收收你之所以有咁既感覺,煲呔團隊既 media spinning 居功不少。

如果傳媒唔夠 "低智",做唔到嚇人既效果,因中、美、港股市對豬流感整體只係求其比左兩日反應,街坊們唔會有危險感,從而自發配合政府既全城清潔行動呼籲。

香港準備打既唔止係一場防疫戰,更加係煲呔難得一次,也可能係最後一次管治聲望既保衛戰。有不少街坊話煲呔 overact,令大眾跟佢一樣反應過敏,因而使口罩、tamiflu 等被炒貴晒。

煲呔之 over-action,外國唔知,內地同事就話至少響內地評價不俗。不少內地媒體網站甚至都將香港既防疫工作報導放響頗顯著位置,好似用黎暗串內地點解對豬流感好整以暇咁。

呢一仗煲呔不但唔可以輸,更要贏得漂亮,否則曹二寶所講既第二權力班子可以名正言順做處理特首,將煲呔既團隊架空。

Anonymous said...

The only thing we have to fear is fear itself, but the only trick Bow Tie can play now is manipulating our fear towards the swine flu pandemic.

Victor said...

其實國泰在燃油對沖合約之中蝕了多少錢?有無辦法可以解決?

另外,其實曼聯今年贏歐聯,下季又要打Club World Cup,兼且8月尾要打 Super Cup,又係 才羅 黎搞....

所以上次足總盃出局,我反而覺得係對戰將給予一個放鬆機會,事實上佢地今年真係打到黐晒線,後防兩個主將R&V停完又傷之後,狀態都未回復番,再打落去只會搞出更多後防笑話。

暫時只寄望佢地個聯賽保持穩定,歐聯...還要實力+運氣呢...

收買佬 said...

colin: 話說回來﹐他教第一季就贏三冠的話﹐對巴塞亦唔係好事。So I can live with a domestic double-champion. :)

燦: 我想全香港得Bow-Tie團隊係擁抱流感﹐忘了他係靠咩起家﹔再講﹐對抗大型流感﹐全球最有經驗就係香港和大陸。因此人們反應過大﹐實在係陪政府及弱智傳媒癲。

Victor兄﹕唔清楚國泰輸了幾多錢﹐但目下的環境對293無一有利處。