Friday, June 25, 2004

飛毛腿談老董 (政治評論/怪論)



飛毛腿大哥,談吐幽默,說話啜核。有幾篇舊作,真的不拿出來重溫一
下不成。今回且炒炒冷飯,看他評論老董的一篇舊作。

-----
1980年老董躊躇滿志動用港幣20億收購英國一間死死下既大型輪船公司。
(按:為Furness Withy) 佢以為這收購可令業務更進一步, 完其地球船王
美夢。

此其時也正係包玉剛棄船上岸吼住九龍倉, 要向地產進軍. 包SIR深知世
界航運業正走向下坡,風光不再,再唔轉行就要坐艇。果然好快航運業
蕭條, 船位大量過剩!阿董就發緊船王夢, 死字點寫都未識.(按:正當
包sir以100元一股的價錢向大小股東收購九龍倉(004)時,董還在積
極擴充船隊。東方海外的負債比率斯時高達80%。)

東方海外負重債去擴張既惡果浮現。1982年, 終要發行大量優先股去救亡
而累積債務達HK$93億。年利息支出約HK$5億,集團支不抵債("負資產")
凡HK$25億。捱到1985年, 債主要斬倉。東記終於走投無路, 接近陷家剷
邊緣。被逼宣佈股票停牌,重整債務。最後匯豐(005)出手,信貸支持
東記,後來再由霍英東出資加入拯救。回歸後香港,一模一樣係東記翻版,
賤董最拿手就係步向陷家剷。

後來為老董向肥彭搭路的係匯豐大班蒲偉士,而霍生同董家淵源詳情就唔
知,估計都係董皓雲係韓戰禁運年代開始既往來。總之向中方搭路就好明
顯係邊個 -- 其實忠誠度係冇得查,賤董何來做過乜野對共產黨有忠誠?
(按:當年老董一直都好親西方。)睇返過渡期的人選要求,"各方接受"
係重要條件。而"各方 "主要當然係中英兩方, 商界. 最後先係普羅市民。

當年東方海外差 d 打柴,債務重組最大恩人係匯豐唔係霍英東。所以有
傳聞話係當年匯豐大班沈弼推薦賤董俾英方。肥彭就擺佢入行政局"培訓"。
你估英國佬貪佢乜呢 ? 而中方呢邊可能覺得呢條友頭大冇腦冇野心又聽
話,又可能佢投其所好猛擦班上海幫,所以先幾年有咁多上海超越香港
論。總之佢起碼做到面面俱圓,令背後利益集團各取所需。(按:其實
嘛,連本地班九流政客都好需要老董。)

政治呢味野一向都詭異莫測,唔係點會有林彪呢個接班人360度變為叛黨
賊。甘迺迪之死永遠係謎,馬哈蒂爾個接班人突然變階下囚,最戲劇性既
李登龜的"無間道".....

3 comments:

jalu said...

飛哥.......我偶像.
依家係, 三年前, 都係! :)

holiday said...

最怕阿董決定去做一件事,因多數,失望兼失敗收場,
當年的擴大船隊,要做國際船王....最後就是負資產....
97 年回歸後之八萬五,數碼港,中葯港,亞州的瑞士...全部泡湯了,錢又了,但什麼也沒有做成!最後又是負資產 (財赤).....

tungpo said...

老董會覺得數碼港是成功的,因為李公子以此賺了大把錢。