Thursday, December 21, 2006

壹怪談 (膽小者勿進)

有“五台山”之稱的廣播道﹐乃收收長大的地方。收收自小學一年
級搬進區內﹐到大學畢業才遷出﹐真真正正目睹了五台山的興衰。

今日想講的﹐並非我與劉德華石修為鄰的故事﹐亦非這個明星那
個歌星的一些不可告人“秘密”﹐更不會爆甚麼娛樂圈黑幕。正所
謂英雄慣見亦常人﹐收收廿年來見盡大中小藝員DJ﹐對他們的私
生活等向無興趣 -- 當年廣播道的居民不愛追星﹐就像土生澳門
人不愛賭錢一樣。收收今日想講的﹐其實係五台山上的一些怪異
故事。

話說我念小學時某天下課﹐收媽如常駕車載收收回家﹐當駛至208
號公車總站附近時﹐見到人山人海﹐有警察﹐有記者﹐亦有一些
姐姐在哭著。收媽看到名球評家何老鑑的二兒子賢仔 (亦係我兒
時玩伴之一) 在附近湊熱鬧﹐打開車窗問他發生了甚麼事。賢仔
答道﹕“黃蓉自殺死了呀﹗”收媽聽了十分愕然﹐但來不及細問細
想﹐已給警察驅趕﹐只好快快駛離現場﹐回家去也。

聽風水佬說﹐黃蓉居住的大廈﹐風水平平﹐屬於所謂"正沖剎位",
當年附近(港台和龍翔苑)又植有很多大樹﹐陽光不足,陰氣頗盛﹐
夜間街燈又暗﹐山上陰風陣陣﹐膽子不大者路過真的會覺得幾驚嚇。

當然﹐風水玄學﹐信則有不信則無。加之收收乃“光明磊落”之輩
(通寶師兄語)﹐所以除了中一那年某晚在該大廈門口見過一團白
光影飄過﹐與及好幾次的“被鬼責”和“飄移”之外﹐再無見過任何
不應見到的﹐或不屬於這個空間的東西。

收收一家遷出廣播道後﹐很少重訪舊地。這些玄幻事﹐亦再無放
在心上。直至最近從相熟地產經紀處﹐聽到了一些關於黃蓉故居
一帶的驚慄事件.....

地產經紀林仔﹐為四大代理之一的員工﹐活躍於又一村和廣播道
一帶。早前林仔受某業主委托﹐放售他在廣播道的物業﹐林仔二
話不說﹐立刻約了熟客某甲第二天去睇樓了。

第二天黃昏﹐林仔﹐林仔的下屬(負責替房子拍照﹐放在地產公司
的網站用)﹐客戶某甲和風水佬一行四人到了該屋苑。四人在大廈
正門會合時﹐風水佬已經眉頭大皺﹐說大廈的風水非常不好。林
仔聽著﹐覺得風水佬在存心搞破壞﹐反唇相駁﹐兩人冷嘲熱諷了
不下幾回。

好了﹐進入房子了。風水佬拿出羅盤﹐旦見磁針飛轉﹐面色開始
變得蒼白。林仔不理風水佬﹐一邊推銷物業﹐一邊指示下屬拍照。
風水佬其後走過來﹐小聲的對客戶某甲和林仔說﹕“我們要快點走
啦。”林仔一場來到又豈肯罷休﹐又拉又扯客戶某甲入睡房參觀。
風水佬隨後步進﹐見羅盤轉動得比之前更猛烈﹐不多久竟然拉著
客戶甲的手﹐飛奔出大門﹐大喊“撤退呀﹐你們快走呀。”

林仔眼見客戶被強行拉走﹐無可奈何只好和下屬關窗關燈﹐心裡
痛罵神經病風水佬在攪局﹐兩人便悻悻然的離去。

回到公司後﹐林仔命令下屬把照片下載到電腦內﹐準備再放上網。
不多久照片下載完成﹐兩人click 入細看﹐但見“人”影幢幢。
原來﹐剛才在房子內的﹐並不止他們四人....

沒多久﹐便又發生了另一單怪事 ....

無論如何﹐收收在此忠告各位﹐置業前要看清楚物業有沒有“租
客/租霸”。因為在很多的情況下﹐物業租售的法例是並不適用
的....


相關文章: 巔巔兄的 兒時追憶~ 幻海奇情 (鬼故)

10 comments:

tungpo said...

幼時住廣播道,可見幾咁富貴。

又,某年與身邊人去某一屋苑﹝紅磡最大型﹞睇樓。到某一單位,經紀開門引我等入內。然而,理應是丟空單位,客廳有茶几、沙發原很平常,但嚇人的是茠几竟放了瓜子、糖果等東西,似供「人」之用。我們心也涼了半截,也覺陰風陣陣,於是拿拿臨走人。

梁巔巔 said...

有冇攪錯呀?!?!???!!??! 講落去啦快 oD!!!!! 吊癮呀!!! 好辛苦呀!!!!

收買佬 said...

師兄﹐住廣播道唔係種植道亦唔係舊山頂道﹐何富貴之
有﹖基本上由細到大我都覺得自己好窮困。昨日見識到
山頂地價創新高後﹐更確立這個想法。又﹐我都聽人講
過話紅(石勘) 的半X 豪庭好多污糟0野。

巔巔﹐以你的才智﹐無奶油估唔到個結局0架堝﹗

收買佬 said...

well, 見係你地講多單﹐千真萬確的事呀.....

某年夏天﹐跟朋友踢球看電影玩到凌晨時份才回家﹐
一入睡房便抱頭大睡。

半夢半醒之間﹐突然覺得自己向上飄升﹐不是搭升降
機那樣的高速上升﹐而係整個人像 氣球般慢慢飄升。

升呀升呀﹐抬頭一望﹐看見我那死了十多年的外婆。
她見到我﹐不耐煩的道﹕“收收﹐你過來幹嘛﹖﹖
”跟著便雙掌把我大力一推﹐我便如玩笨豬跳般向下
急插。數秒之間﹐我感覺到自己從高處跌在床上﹐
“衝力”過猛﹐我“澎”的一聲再由床上跌落地板﹐整個
人十分酸軟無力﹐試了幾回想爬回上床也不成。就
這樣﹐收收便累極的睡在地上。第二天發燒﹐病了
好幾天才康復。

我直到今日都不太肯定﹐我那次算唔算係“離魂”.....
你地話呢.....﹖﹖

梁巔巔 said...

http://conjunct.blogspot.com/2006/05/blog-post_08.html

你位好小妹風信子寫嘅.

驚!

"以你的才智﹐無奶油估唔到個結局0架堝﹗"

我平時大多時間豬一樣唔用腦 ga!

咁係咪有好多鬼影吖?!

"過話紅(石勘) 的半X 豪庭好多污糟0野。"

IFC 一期都好猛!

話說 oD廁所經常有怪事發生.

"我直到今日都不太肯定﹐我那次算唔算係“離魂”.....
你地話呢.....﹖﹖"

我估係離魂呀!

收收兄, 你細細個就發現自己有陰陽眼 ga 喇?

收買佬 said...

DIN DIN: IFC 一期好猛? 唔係化? 我朝朝返公司前例牌
係商場廁所放低四兩喎. (仲係晌你最愛去的zentro 隔
離那個添.)

又, 我唔係咩陰陽眼, 係那時咁不幸睇到d 唔應該看見
的0野0者. :)

梁巔巔 said...

........

收收兄,.....

商業一講 o緊鬼故..... 啱啱仲講 o緊廣播道鬼故事..... 而家去 o緊新聞, 一陣會再繼續.... 好邪~~~~~~

梁巔巔 said...

"IFC 一期好猛? 唔係化?"

真 ga! 但補充, 係 IFC 一期商業大樓.

"我朝朝返公司前例牌係商場廁所放低四兩喎. (仲係晌你最愛去的zentro 隔
離那個添.)"

呢度就冇. 但有基佬間歇駐守! 堅! 十月尾有一次 (仲要係五、六點黃昏), 我疴 o緊尿, 喺後面疴 o緊嗰個撚頭突然走過我隔離個尿兜疴, 仲兀個頭過嚟 "裝" !!!!! 我 DKLN! 畀我用粗口係咁鬧.

小心!

真事. :(

rm501 said...

ifc 填海填番來喎~ 咁都猛??
收爺~ long time no see!~ Merry Christmas~

梁巔巔 said...

501:

"ifc 填海填番來喎~ 咁都猛??"

唔關填唔填海事 ga! 美孚都係填番嚟, 咪又係一樣咁猛~

oD鬼, 有地方就 walk 咖喇! XD