Tuesday, January 09, 2007

也說說為歷史翻案 (歷史文學)

通寶師兄係他那兒談到秦檜和岳飛. 查實這兩個角色能在後世留名,
或多或少要歸功於他們的老闆宋高宗趙構。

趙構未成為真龍天子前, 只是一個不起眼的康王. 查他老爹宋徽宗
子女無數, 早就立了大仔趙桓做太子, 而他最疼錫的, 則係三兒子
趙楷, 趙構他毫無突出之處. 他能位登九五的機會, 比吃叉燒飽啃
死高不了多少. 但世事往往變幻莫測, 外圍因素往往令全局改變,
康王就是這樣最終成了一國之君.

靖康年間, 金兵大舉南渡, 如狼似虎的包圍了汴京城. 跟英皇愛德
華八世一樣有皇帝不願當的宋欽宗, 一邊忙於籌錢給圍在城外的金兵,
一邊指示曾當過人質的皇弟康王去和金國高層議和. 康王第一回當人
質時, 年少氣盛又未見過世面, 完全大無畏; 可今回呢? 閱歷多了
之餘, 又目睹了宋軍的不濟. 於是到了河北便不再前進, 左閃右避
靜觀其變. 不多久, 汴京淪陷, 整個皇族被金兵俘虜﹐形勢真正"七
國0甘亂". 康王此時“當機立斷”, 不和金兵硬碰﹐而係收拾行裝走
路去了.靖康二年,康王係應天府稱帝,改元建炎﹐後人稱為宋高宗。

後世史家批評趙構無義氣, 不肯營救落難宗族, 又不肯殺身成仁.
這些風涼話說得十分輕鬆, 實情係, 要一個廿歲出頭的少爺仔帶領
一群散兵游勇去挑戰不敗的金兵,猶如要求黎新祥教練帶領香港隊奪
得世界盃般一樣的癡人說夢. 趙構的“不念親情”就如“台獨”這個理
念一樣﹐收買佬雖然不認同﹐但是絕對理解。

往後宋高宗過了幾年悲慘的漂泊歲月, 食不飽穿不暖, 最後能站穩
陣腳﹐此中多少有些運氣﹐南渡大臣有賢明之士但小規模的兵變並
非沒有﹐而金人亦無他們的後代滿人的視野﹐只係識拿錢拿女拿奴
隸走人﹐亦係原因之一。但不得不承認係這幾年“泥馬渡江”的生活﹐
深深的影響了這個皇帝。南渡後天賜的皇位和太平﹐實在得來不易。
不要以為趙構即位初年的南方如東京夢華般繁榮﹐實情係經歷了多
年戰火﹐南宋早期的經濟並不豐足﹐(坊間有好多談宋遼金夏經濟史
的書﹐收收很多時無聊打書釘﹐前後草草的翻看過不少有關材料。)
南宋係那時能夠轉危為安﹐偏安一隅﹐除了賢臣輔弼﹐金兵不長進
等因素外﹐宋高宗本人多多少少都有點功勞的.

可若然因為這丁點功勞而當了宋高宗做明君, 那就太抬舉了他. 應
該說, 他十分知彼, 更加知己, 清楚自己只是普通少爺仔, 並無太
祖的魄力和自信去北伐中原; 而皇位正統問題, 更加係他的心魔 --
這不能怪他, 試看土木堡之變後的明景泰帝的下場吧 ! 而他的另一
個心魔, 便是害怕武將坐大, 重演唐末節度使作亂的慘劇; 再加上
得來絕不輕易的皇位, 凡此皆可說明為何他會畏縮偏安, 寧殺岳飛,
不要勝利了.

16 comments:

tungpo said...

嘻,南方在北宋時期已是經濟重心,點窮都有個譜。

已故劉子健教授本《兩宋史研究編》有好多精彩文章論及南宋各事,今日再揭,覺獲益良多。不妨買來睇睇!

收買佬 said...

嘻,國家久經戰亂, 死得人多經濟內傷, 點都唔會太掂. :-)

工作, 炒股, 睇波和踢球已經佔去了太多精神和時間, 要
讀歷史書的話我都只會選讀唐德剛, 黃仁宇那些啦, 無咁
heavy 嘛. :)

tungpo said...

復原能力強嘛!

tungpo said...

炒股賺唔少啦,幾時請我食飯?

梁巔巔 said...

趙構, 叻仔! 等於而家 oD老細 "隊" 啲 CEO 出嚟.

另, 收收兄, 您呢篇令我想起另一件事. 就係宋代書法四大家~ 米, 黃, 蘇, "蔡", 蔡一般人指是蔡襄, 但其實是蔡京.

不過, 蔡京是奸臣, 故後人 "因人廢言", 不把他的書法列於史上 (事實上, 他的書法駕於蔡襄).

弟舉這例子, 是回應兄這篇的名 (傳媒) 端的行先於事實.

收買佬 said...

師兄: 請你食飯幾時都得啦, 呢輪出奇地我係無乜輸贏,
升同跌都同我無關, 我睇怕係買錯了貨. :)

巔巔: 十分感謝你的contribution. 你所言的確無錯, 只想
補多一飛: 通常係大機構在上位者, 再廢再衰都有幾招真
功夫, 人格可能有高低, 但本領大家應該有得揮. :)

收買佬 said...

又, 巔巔兄, 可否往後你為兄我為弟 ? :)

梁巔巔 said...

高呀! :)

收收兄, 不如以後以收收巔巔相稱吧! 更佳! :)

好不?

梁巔巔 said...

Ah~ 謝謝您在風巔信霜留的那條拜仁 link.

您好好呢! :)

收買佬 said...

唔得, 你大過我的, 一定要叫你做梁兄. :)

仲有, 我發覺你有時真係 chem chem 地. :)

梁巔巔 said...

"唔得, 你大過我的, 一定要叫你做梁兄. :)"

.... 唔係啩?!

就算係, 都係平輩, 當以平輩相稱便可啦~ ^^

"仲有, 我發覺你有時真係 chem chem 地. :)"

哎唷唷~ 我好 "Mandom" 咖! 您問問風信子就知 ga 喇~

雖然, 喎知~ 有時我寫嘢同留言係 "乸" 咗啲, 但冇法, 我惹火 ma, 唯有柔 oD啦! ^~

收收 <--- 好好~ Heee heee~ ;)

Hyacinthus said...

"仲有, 我發覺你有時真係 chem chem 地. :) "

BigBother, 你真精明,無錯,佢係花名叫-婆仔, 係咁上下你小心d佢啦 ~

"哎唷唷~ 我好 "Mandom" 咖! 您問問風信子就知 ga 喇~"

婆仔,唔覺哦 ~

梁巔巔 said...

好過妳吖! 風信子閃閃 + 古怪小孩混合體!!!!!!!

Hyacinthus said...

肥仔係樹講風子壞話?
-_______________-"

梁巔巔 said...

係妳講鵝先 ja ma!

算~ 喺妳姐夫地方放唔同妳計較!

rm501 said...

"-_=