Friday, June 22, 2007

雜感 [最後更新] (個人日記), (體育世界)

有客自遠方來



舅父一家移居美州新大陸數十年﹐十多年沒有回港。月初舉家連同他在彼
邦的友人及表弟女友等等﹐浩浩翰翰的暢遊祖國和本港。闊別經年﹐他們
覺得香港優美了不少 -- 街道清潔了﹐空氣亦比預期清新﹐至少沒有祖國
的髒亂吵。至於食物水準﹐購物服務﹐公共運輸系統甚或社會整體的辦事
效率等等﹐更是非常厲害。總之﹐有讚無彈。(當然﹐凡事講相對。他們可
是以拉美諸國的管治水平和香港相比呀。)

可能是天朗氣清﹐亦可能是他們一伙人走運﹐他們無論乘搭巴士,小巴或
的士﹐到旺角尖沙咀買東西﹐與及到茶餐廳吃飯﹐均受到高格調的款待。
(又﹐他們一致認為大家樂在食品和服務是最高分的。) 表弟說﹐他們幾
個後生仔女有回乘小巴到旺角﹐付過車資後司機竟然對他們說 "Thank
You ! " 收買佬那一刻的震驚﹐絕非筆墨所能形容 -- 原來廣告/傳說中
那個禮貌週週的司機﹐是真有其人的﹗可收媽倒認為是那司機為人崇洋
媚外﹐故此才禮貌週週。(按﹕兩位表弟言談外觀十足外籍人仕﹐而二表
弟的女友亦非華人。) 是耶﹖非耶﹖

當然凡事無絕對﹐雖然香港很多事物在他們來說都係世界一流﹐但還是
有令他們不滿的地方。這就是我們的公僕了。:)

話說舅父舅母倆來港前帶齊身份証明文件預備換領新的身份証。收收陪
他們到入境處辦手續﹐他們倆都在本埠出生﹐有齊一切文件。收收原以
為只要半小時便能把事情辦好。豈料那位公僕老爺對他倆的身份存有很
多疑問﹐令換証申請出了阻滯。問題實出在他們的祖家護照上寫的姓名,
蓋新大陸諸國總愛把母親和祖父母的姓名加插入內﹐把名字弄的如水蛇
般長。例如球星卡卡全名係Ricardo Izecson dos Santos Leite﹐細哨
就係 Ronaldo de Assís Moreira de Gaúcho de Rio Grande do Sul....
無怪乎他們都愛用花名或綽號來稱呼自己。前線公僕不知就裡﹐向上層
請示﹐最後要一位兩粒花阿蛇走出來解釋申請上的問題﹐和額外辦理身
份確認的手續。雖然經過連串交涉﹐但即時發証是沒有可能的了。(忽發
奇想﹕不知當年鄭兆聰有無這個問題。)

那個早上他倆看著一個個並非本地出生的人成功取得身份証﹐反倒是他
倆在被“無理刁難”﹐感到十分不是味兒, 還問收買佬為甚麼這些官員如此
死板.... 可惜他們中文閱讀水平不足﹐不然收收定必推介她看看師兄或灰
狗兄的BLOG....:) (其實公道點講﹐也不能怪入境處謹慎啦。:))

後記﹕昨夜他們上了山頂欣賞夜景﹐回來讚不絕口﹐說不枉香港的夜景
為世界三大夜景云云。收買佬天天出入維港兩岸﹐從未真正的欣賞過夜
色﹐忍不住上網尋找一些本埠夜景照片看看。看畢....說真的﹐又的確很
美。:)


小保加 - 大逆轉



小保加在本屆的南美自由盃上演驚天大逆轉 -- 小組賽時差點出局, 晉級
複賽後有好幾回差點被淘汰出局. 但跌跌碰碰的又給他殺入總決賽. 總決
賽的首回合已經踢畢, 小保加暫時領先甘美奧 3-0, 六奪冠軍在望 ! 小保
加失意國內聯賽, 但就贏得自由盃, 看來不單歐洲五大聯賽, 就是南美球隊
也很難兼顧兩邊戰線, 現代足球競爭之激烈可見一斑. :)

講開又講, 那位平均每兩埸入一球的柏拉西奧, 據報快將加盟巴塞, 轉會費
係2200萬歐元. (年年出口數千萬往歐洲, 南美豪門看來比很多歐陸球隊還
更加 cash rich. :))

延伸引讀: Argentine soccer dotcom

12 comments:

Anonymous said...

cash rich? 未必....
南美球員轉會並非 100% 球會, 可能有兩三成"股權" 是經理人, 兩三成是原本球會, 甚至有一部分是帶出身的領隊 (類似韋斯咸迪維斯是經理人公司擁有一般), 最後效力的球會未必咁多油水...

收買佬 said...

我知, 但係南美球會普遍不用付出天文數字的轉會費和
薪金俾球星 (因為今時今日球員們一紅就會轉會去歐洲,
有幾何會留在南美? 肯留者都無咁高人功啦!), 收番
1000 萬, 即使得30%落袋, 都會好和味. :)

Anonymous said...

可以開定香檳慶祝網頁溜覽突破十萬 ! 

收買佬 said...

Re: 自由盃

最後結果, 小保加再下兩城, 總比數5-0贏了冠軍, 打破
巴西球隊近年獨霸之局面. :-)

The Inner Space said...

列基美 射入個球幾有水準﹐聽說 小保加 無銀留佢﹐下季又要返 西班牙 落班。

DoA said...

老襯亭睇夜景,的確係正。不過都係有朋自遠方才會去。

Hyacinthus said...

“收買佬那一刻的震驚﹐絕非筆墨所能形容”
哈哈,估唔到哦,原來他們consume咁緊旅遊恊會的services, 好難得!

”可收媽倒認為是那司機為人崇洋媚外﹐故此才禮貌週週。”
哈哈, 呢句好抵死 XD

“兩位表弟言談外觀十足外籍人仕﹐而二表弟的女友亦非華人”
外表重勉強可以,但一開口已經穿晒啦,加埋身邊位長曲髮鬼妹, 司機呢云都無走雞啦,講 "Thank you”實無死 XD!

另, 我還以為阿白賴仁是弟弟tim, 又我袛記得問佢好唔好玩, 唔記得同佢祝佢順風, 麻煩麻煩收大哥代勞 :)

收買佬 said...

風子阿妹: FYI, "白賴仁"大"側田"四年.... :)

拿, 咁講, 白賴仁似佢阿爺阿嬤, 有點上海人的樣子但
不算太明顯. 至於側田, 佢由細到大都唔似中國人, 細
時似賓仔, 今時今日就似印尼人. :) 那天同佢兩兄弟去
翠華食0野, 側田佢忽然問我 "乜我唔似 chinese 咩?"
你叫我點答佢好 ?

鴨巴甸: 有朋遠來的話, 真係要上上山頂, 唔去係損失.
其實嘛, 去拍拖也應該不錯, 你都應該試試. :)

Space 兄: 小保加肯踢古典式進攻踢法, 所以列基美
回流後成個生晒. 但以佢性格, 大球會唔0岩佢, 都幾
麻煩. :)

Hyacinthus said...

個人覺得白賴仁唔出聲重勉強可以呃到人, 但側田就好難,黑黑地似南美藉人士或如你所言東南亞藉(總之無可能係chinese啦),同佢位女友好襯 XD

另,白賴仁d口音標準要暈,個個音都好清,尢其係個K尾音 ~

收買佬 said...

佢地d 音當然準啦, 字正腔圓, 就好似我d 廣東話一樣0甘
正.

Anonymous said...

收兄:

今日真係唔好意思,要你等我咁耐
不過唔該哂你..
有機會我請返你飲野

7月1號見啦,到時再call你

收買佬 said...

P: 要交易, 等下都要啦. :)

到時會打電話俾你, 再call 啦. :)