Saturday, August 04, 2007

星期六短打 (體育世界), (金融經濟)

一登英超, "升"價十倍

網上留言版看到, 南華會班主羅傑承有意跟英超伯明翰老闆楊嘉誠, 就港腳
陳偉豪進行買賣談判。 羅傑承在回覆記者的電話訪問中,坦言肯以40萬英
鎊(約640萬港元)把陳偉豪賣予楊嘉誠,寄望雙方的交易可以為香港創下一
個球員買賣紀錄。

無記錯, 羅先生是在不久前才以40萬港元買入陳港腳, 轉轉手就賣40萬英鎊,
升幅可敵庄家股! 若然事成, 陳港腳會係首位踢英超的港人(亦係繼張子岱之
後的第二名遠赴英倫的港腳), 而40萬英鎊的轉會費, 與及他在伯明翰的薪水,
肯定會打破香港球員紀錄. 他人能否在一隊賽事亮相, 仍未可料; 但這不多不
少會對推動足運有正面作用 -- 本港家長知道足球員收入如此可觀, 還能不
猛推孩子們去學踢波 ?



太多直播賽事

看經濟日報的足球版, 講波佬李德能稱明年足球直播賽事會有1600場, 問讀
者能否完全消化. 他並說近幾年直播賽事大增, 與消費者的需求脫節, 為買而
買的, 買入了很多三四線的賽事直播; 而同時亦有不少觀眾為求一網打盡, 裝
了Now 亦裝了有線, 然而人的時間精神有限, 不可能盡看每週所有賽事. 因此
他認為買方和賣方因此皆做成了很大的浪費.

收收倒認為, 有浪費的話也純然係分銷上的問題. 現今觀眾口味日趨小眾, 有
線和無記收費電視這種綑綁式套餐, 其實有點不合時宜. 我從不收看英超, 可
有線偏要把其他我要的產品一併推過來. 這, 又豈不是浪費?

總覺得NOW這種要甚麼就訂甚麼的服務計劃很好. 但看來有線或無線收費台
諸公, 係不會採納啦. :)


賭仔"姓賴"

股市有升有跌, 本來才是好正常. 若然一路升到飛天唔識停, 仲得人驚. 貪勝
不知輸, 輸了又搵籍口, 以往都只是迷信"丁蟹效應"罷了, 今天更妙, 竟然有
股民說拆皇后碼頭破壞了風水, 所以大跌, 這番廢話, 真的弱智得令人嘔心.

目下應屬借勢調整, 外圍並非壞得很要緊. 至於日圓拆倉, 06年頭已經有人
講啦. 現在只係重覆下插的理由/籍口罷了. 總覺得, 現在還未係牛轉熊之時.
當然, 現階段風高浪急, 短線者應當小心, 但你話牛轉熊, 問心說沒太大可能.

12 comments:

tungpo said...

NOW都係用綑綁式,不過係要你同時用唔同服務啫。

Patrick said...

同意通寶的話:

其實所有傳媒業,某程度上都會有一定綑綁式銷售

像now,要睇英超一定要裝埋netvigator,就算你是用香港寬頻
你成季只想看曼聯對車路士的比賽,但你也要為錫菲聯對保頓的比賽付款

而且,分銷過於分散,消費者並不一定是得益的一群。

Anonymous said...

唉,陳偉豪都唔會攞到英國工作證,點踢英超?

又,港股今個星期日日上落成千點,但埋單其實成個星期只跌咗幾十點,點會係牛轉熊丫!班小股民/賭仔(尤其玩期指嗰班)俾大戶玩到氹氹轉就真!

The Inner Space said...

扎綁捆綁銷售由來已久﹐不論中外古今都有。


小時候跟隨外婆去街市買送﹐買豬肉搭舊骨很常見﹐婦道人家以為是檢了便宜﹐其實是捆綁買賣﹐買一斤豬肉實給十二兩﹐搭舊豬骨就夠一斤有突。


依家到燒臘鋪﹐買燒腩肉兩條骨﹐稱過後報上價錢﹐付款後等豬肉佬斬件﹐必搭不知名豬骨﹐
明曰: 「送畀你煲粥」﹐實在是搭夠斤兩﹐我一定出聲喝止﹐告訴豬肉佬我唔要﹐又汆又讚﹐堅決拒受﹐豬肉佬臨尾﹐必多斬在肉檯上的頭頭尾尾﹐帶肥的豬肉﹐驚我投訴佢唔夠稱呱﹐唯有應酬佢話聲唔該。返家首先就是拋去這幾件頭頭尾尾。所以以後去幫襯買燒臘﹐豬肉佬面口唔多好﹐就以後再冇交易了。


另羅湖興建監獄築路﹐鄰近村落的原居民﹐有人死了和病了﹐又話破壞了風水﹐大興問罪之師!

收買佬 said...

師兄, Pat 兄 & Space 兄: 應該0甘講, 我係認同
"用者自付"的模式. 查實NOW 只係體育節目算係
綑綁, 別的都係俾錢睇一個台, 特價睇幾個之類.

但家陣他的體育台就如你地說, 十分之綑綁, 若然
我只想睇巴甲同歐聯,但俾了的錢一樣要睇埋英超,
好無謂. 若然係逐個聯賽收費, 0甘會比較好. 好肯
定我呢類人會慳好多. :-)

路過兄: 你估陳偉豪真係有得踢一隊咩? 就算入了貨
都放係預備組先啦. :)

又, 呢排個市, 係有波幅無升跌幅. 篤手指者風光不再. :)

The Inner Space said...

啊 so sorry!!!


我又寫白字了 「稱」應作「秤」﹐
如有小朋友睇呢個博﹐
請記著不要跟我錯!

收買佬 said...

呢度的文章十分"佬", 唔會有女性或小朋友來啦. :)

又, 剛剛睇番, 其實收買佬睇波都算幾浪費:

西甲: 通常只看前列份子, 偶看護級戰. 好少睇
降班膽比賽....

意甲: 只係必睇AC米蘭. 較常看的有費倫, 羅馬,
國米和祖記. 巴勒莫等就要視乎戲碼和近況.

德甲: 必睇的係雲梅和拜仁, 較常看的會係其餘
的視乎戲碼和近況.

法甲: 只係必睇里昂. 其餘的視乎戲碼和近況.

荷甲: 必睇PSV和飛燕諾. AZ, Ajax 和其他的又係
要視乎戲碼和近況

Anonymous said...

收兄,你而家一個月俾幾多錢睇波?我就now所謂超強體育組合加畸寶,一個月成四百幾五百蚊,都幾貴。

最吊詭的是當初為咗半夜三更睇歐聯,貪方便將now校咗喺房瞓住睇,畸寶就一直喺廳。而家冇得61、62、63、64台轉嚟轉去,一係我入房睇英超,咁就睇唔到德甲意甲;喺廳睇德甲意甲又睇唔到英超,我都覺自己幾浪費 :(

收買佬 said...

路過大佬: $199 for 有線 & $128 for 無線收費電視.

有線裝係廳, TVB Payvision 裝係書房, 基本上好少會同
屋企人爭電視. :)

你可否係廳加番個插頭裝多個NOW ? :)

Anonymous said...

其實可以拖長條線出廳,不過除非約老友去我家睇波,否則都唔會搞喇.

收買佬 said...

哈, 今日反彈六百幾, 繼續有波幅但無累計的升跌幅. :)

Anonymous said...

假富豪講野信一成都死,尤其仲要係專搵股東著數果d...........祖