Friday, August 10, 2007

颱風襲港, 照常營業 (個人日記), (體育世界)

幸好.....

一: 今天下午三時半離開公司, 旦見地鐵站外和馬路上皆人頭湧湧, 內心
覺得不妥, 遂飛奔行人走廊乘小輪過海, 再坐巴士回家. 幸運地避開了大
風雨, 亦避開了尊貴長毛和地盤佬在地鐵站外的惡攪, 無驚無險返抵家中,
真的要感謝上蒼. :)

二: 這個月沒有進行任何炒賣(但有買入藍籌公用股), 避了"次按風暴" 和
“細價股股災“ 這兩劫 !

三: 最後一刻忍了手, 沒有買巴塞表演賽的球票, 省了錢, 亦不怕日曬雨
淋, 可以安在家中看直播了. (三色英文台2:30 p.m. 開波!)


自以為士

師兄早前原創了一個"標籤“, 曰“自以為士", 譏諷那些讀了幾年書又愛扮
有文化, 滿口理想志向遠大, 但係心胸視野狹窄兼夾實力有限之輩. 這類
人你總會在Starbucks碰到, 很多亦係壹仔和明報的讀者或寫手, 不用說,
我這等庸俗粗野之人, 自然覺得他們寫的說的不中聽. 例如早前係足球網
看到有人轉載了一篇題為"香港球迷,你噓什麼?" 的大作, 就看到小弟眉
頭大皺.

這篇文, 不外乎又係用極之崇高的角度, 去批判普羅大眾的一言一行, 當
中不忘又用那些社會學理論去分析一番, 得出的結論大抵係香港人怕蝕
底, 所以入場要噓才覺得沒吃虧云云. 總之, 本土球迷就是不文明. 當然,
自以為士只係社會小眾, 所以此文一出, 足球版的波牛們自然對其狂噓.
網友祖哥說得好:

"呢篇咁既野都登得上報紙呀?呢條友真係第一次現場睇波頂喇,球場
上噓聲係必然既事,如果唔涉及種族既言論,我真係睇唔出有咩問題!
呢班腰纏萬貫既球員有邊次出球場冇俾人噓過先?睇下歐洲、南美洲班
球迷又點對付作客既對手?淨係睇英超班球迷既口型不斷咁fuck off 對
方,大家估下邊一班人斯文D?更加唔使講部份人場內掟水樽、銀仔、
甚至飛刀喇掛?如果球場冇呢D球迷既因素,咁以後都唔使分主場、作
客啦!到時個個好似去聽歌劇咁樣睇波就合哂作者既何車!

真唔明有D人做乜一定要剎有介事咁將個道得標準提得咁高,刻意扮到
與眾不同,我諗佢唔係利物浦既死硬fans就一定係明光社入面既聖人."

他說的, 亦正是我想的. 自以為士們, fuck off 啦.


德甲開波


(短片: 雙史大戰)

德甲開幕, 一切照舊, 入球多多, 後防緊張, 前線狂攻. 今年, 小弟就會繼
續support 我的三奶 -- 雲達不來梅. 當然更希望的, 係拜仁不會獨大啦,
始終有爭持才刺激好看. :-)

7 comments:

tungpo said...

我地以前睇波唔止噓,重要係一齊「小」。那時講波的賴汝正係報紙寫過篇文,話有時都唔知到底球迷入場係睇波定享受萬人齊「小的快感。」

收買佬 said...

原文如下:-

--

香港球迷,你噓什麼?

【明報專訊】周二入場觀看利物浦 對南華 ,感受了一次不太愉快的經歷。謝拉特 、費蘭度托利斯與賴恩巴布等紅軍主力沒上陣,固然令筆者失望,但更失望的,是香港球迷的睇波心理與失態表現。當噓聲

響徹香港大球場時,筆者真的想問:「香港球迷,你噓什麼?」
筆者坐在西看台200元票價區域。比賽初段,不少人大叫「利物浦、利物浦……」;及至南華表現也不失色,有幾腳精彩埋門,於是「南華、南華……」的喊聲亦此起彼落,當中不乏1秒鐘前仍是高呼「利物浦」,而且身穿紅軍戰衣的球迷。不要誤會,筆者無意責難球迷左搖右擺,甚至在賽前已預計這情景會發生,畢竟香港球迷向來都在全球化與本土意識之間拉鋸。上半場的氣氛總算令人愜意。

只是,到了下半場,或許紅軍3名主將缺陣,且沒有上陣?象的影響逐漸浮現,球迷開始不耐煩,當紅軍在後場橫傳幾腳,已出現噓聲。及至紅軍中場施素高一次動作頗大地剷跌南華球員遭吹罰(但由筆者的角度,可看到施素高其實是剷到皮球,球證從背後看當然是另一回事),他便開始被噓,每一次觸球都被噓,甚至當他被換出時,球迷還幸災樂禍似的拍掌。

或許有球迷覺得施素高太「茅」,所以噓他,但筆者深信絕大部分人並非出於這個原因。筆者清楚聽到後排有觀眾問友人為什麼要噓施素高,那友人說:「唔知喔,人噓,我咪噓囉!」到了比賽末段,體力透支的南華也在後場橫傳幾腳,理所當然地同樣換來一陣噓聲。

怕蝕底噓夠回本

賽後,跟「樓下」的「阿湯」聊起,他認為這無疑是香港人怕吃虧心態的反映,他在年前中國鬥香港的世界盃 外圍賽已領教過,當年他見證了有球迷本來支持香港隊,但當港隊被郝海東攻入1球時,竟然高呼中國要多入幾球。是的,足球對絕大多數的香港人來說,只是賭博的一種工具,或是消遣的一種方式;港人去看演唱會,也想歌手多換幾套衫、多Encore幾次,所以350元買張球票,當然起碼要收回值500元的「戲碼」才叫抵,是以沒有謝拉特、托利斯的紅軍自然「唔係波」,哪管懷斯的勁射力發千鈞、李海強的罰球妙到毫巔?當「媽聲連連」無法抵消物非所值的感覺時,球迷卻發現「萬眾齊噓」竟有模擬外國頂級足球主場威力的效果,好了,沒有球星看,起碼也可噓個夠,如此才算沒吃虧。

筆者還記得鄰座的小孩笑嘻嘻地跟他父親說:「好多人都噓22號(施素高),佢好冇面呀!」對不起,小朋友,丟臉的是我們。人家利物浦來港並非做show,連日來每天在烈日下操練逾1小時,甚至在對南華賽後亦認真地做cool down運動,只是紅軍這種專業對待足球的態度,抱著廉價消費主義心態的香港人又怎會理解?難怪那天亦坐於「西200」看台的呂大樂教授會說:「經過那麼多年,本地球迷文化還是如此水平。」

至截稿時,未知悉昨晚決賽的氣氛如何,筆者只希望,香港球迷這一次能用文明來說服我。

TEXT:鄺展衡

收買佬 said...

我睇波那個年代都係一齊「小」的. 老實講, 絕大部份
人入場睇波都係識波之人, 萬人齊「小」, 係幾有英雄
所見略同的快感. :-)

Anonymous said...

睇波, 每人有各種唔同原因入場睇.

但因為噓而分類, 而身為香港人貶低香港人, 我就十分抗拒.

Anonymous said...

多謝大佬,一時發up風而已,見笑喇。

其實我仲頂唔順果班自己入場會噓,但係又認同呢篇垃圾文章既聖人,真係*&@*^^%&**@^*,理得佢乜野動機,噓過就係噓過,竟然厚顏地講到自己噓人就理所當然,人地噓就品格低劣?都唔知咩道理!

收買佬 said...

客氣啦, 祖哥. ~

Anonymous said...

噓的疑惑....點解噓就係怕蝕底...??

fox