Tuesday, September 11, 2007

繼續閒記 (政治評論/怪論)


(圖﹕今天的黨報頭版)

四萬終於出山參與垃圾局補選。全港市民七嘴八舌﹐對整個選情大肆評論
一番。收買佬自己對她跑出來選個小小的議員﹐並不覺得意外。她這類一
把年紀又慣了做話事人的女性﹐個個都有兩個不甘﹕心有不甘與及不甘寂
寞。現在倒好﹐上了黨報頭版﹐民主女神和香港良心的型像再度浮現﹐多
年的鬱結解了不少﹐舒服得多啦。

其實今回四萬有點兵行險著。早兩日星島個社論向葉劉及左派獻計﹐叫他
們裝置個越位陷阱﹐叫葉劉或其他重量級人馬棄選。讓四萬單挑一班新人
(與及勞大夫這個潛在不定的對手/盟友)。這些新人輸係應該的﹐壓力完
全在需要贏得漂亮的四萬這邊。這些新人說不定真會盲拳打死老師傅﹐就
像少年摔角手生擒螯拜一樣。(若如是﹐四萬可能真的會 physically 死
不暝目。)其實這招不失為上策﹐親政府這邊可以練兵﹐泛民這邊就算犧
牲也只是一個非核心的外來成員。底線係﹐任期本就一年不到﹐除四萬外
任何人都會認同輸了也不是很嚴重的一回事。(反之﹐對四萬來說﹐這是
“Now or Never" 的時刻呀!)

有網友說他可能只會當一期補選議員﹐明年便會退下來云云。這﹐真的很
難說。收收不排除她會做這工作做到上癮的可能性﹐這因為她要的是一個
平台(即係舞台啦)讓她去表演。若然演得開心﹐焉會不 encore ? 若如是
那些第N 梯隊﹐怕要等待再等待了。

有論者很為這些第N 梯隊不值﹐常常說白鴿黨沒有給他們任向機會。類似
評彈似曾相識 -- 無錯﹐球評家亦係如此評論老化的AC 米蘭。(巧合地﹐
他們的大佬輩都是成名於八十年代後期﹐大家都把持權柄至今。) 其實﹐
凡事兩面看 -- 那些第N 梯隊泰半實為扶不起的阿斗。掉轉講﹐有料的
後浪﹐早應衝出一片天﹐那還用跟這個沒落政黨混在一起﹖與其說“AC
米蘭”依賴外援﹐倒不如問問這些人幹嗎幾十歲人還願意呆在預備組長當
後備好了。

後記﹕晨早聽了一回甘乃威的電台專訪﹐總搞不明白為何民主黨大佬輩以
下的成員﹐盡皆拙於辭令之輩﹖是否他們全體的第N梯隊﹐都是講說話一
舊舊兼夾毫無急才轉數慢的﹖哎﹐希望不是啦。:)


後後記﹕四萬出山﹐掩蓋了政府增持港交所的這段新聞。觀乎外資窩論商
今回慘被夾到大出血﹐看來David Webb 和 壹週刊這些外資/美資朋友應
該很快會開炮﹐說如何如何扭曲了市場啦。(至於收收的觀店﹐下回再講。)

16 comments:

The Inner Space said...

今次只是港島東補選,
祇得一個議席,
不需要比例代表制,
兩派是靠誰能動員更多出來投票,
是簡單的大多數就勝出,
保皇黨動員能力勁,
還是泛民主派多中產支持,
以港島東來說真是不知
鹿死誰手?

記得當年 是港島東
民建聯 馬力 蔡素玉
民主黨 李柱銘 楊森
當年還未是公民黨 的
余若薇 而同一名單的何秀蘭
最後因為民主黨嗌告急,分薄了余何名單的選票,蔡 以 比例代表制 勝了何,而民主黨的第三人又唔夠票取得第三席。

唔系港島東的朋友,祇可以隔岸觀火?
除非即刻搬過來,但不知夠唔夠時間,搬選民戶籍?
如果可以趕得切,都幾過癮,大把人將地址搬過來港島東!

今回是否祇是港島東要選?
還是攪大成個港島都有得選?


港交所畀外匯基金谷到咁高,啲輪商都幾傷,近月到期的更加傷上加傷,遠期啲輪,雙方都有排闘!啲 options 呢? write 左 一百幾 put 個啲 真系一殼眼淚!對嗎?

靜待收兄觀點,快快快!

Anonymous said...

泛民有幾多料其實大可心照,呢個時候搬阿「香港良心」上台絕對明智,亦免得泛民各黨派比人以「發死人財」之名踩多兩腳
加上以陳太既民望,呢個問題應該顯得渺小好多

但相反聞便團就連一個本來屬於自己既議席,都冇勇氣自己派人去搶返來,要搵葉瘤呢個過去比人感覺具囂張氣焰,不可一世既朝廷命官做靠山,何其羞恥呢..


另外.今日行過352,班茂李果然夠深入明快,事事關心,走在事實最前線地向英IX獻眉,即刻播返英IX贏俄軍三粒果場波
殖民時代教育之精髓果然值得致敬

收買佬 said...

Space兄: 應該係成個港島補選, 不止東區啦.

至於388 激升, 價外變價內, 班外資補貨補到傻,
唔老黎當然會講一大輪"摧毀市場經濟" 啦.


傻仔P: 分析得唔錯. 又, 352 唔係凈係播TVB 咩?
你係咪攪錯了"自由球" 呀? :)

Anonymous said...

收兄:

肯定係352,西洋菜南街上九樓的
其實今日諗住去朗豪坊、chip之寶買衫
見行過上去望望
播緊starsports架,可能近來裝左now
亦好肯定係佢錄而唔係now重播,因為有個live字XD

收買佬 said...

記起﹐上次我同你去過352﹐你應該無去錯。﹕)

想不到352都變成自由球0甘﹐墮落呀﹐哈哈。

Anonymous said...

其實好懷疑係咪差不多所有香港既足球專門店都係咁

不過人地鐘意親英,幫佢地心目中既「阿爺」自瀆,又係有佢地既人權既

Anonymous said...

唔好意思,那邊更新回應了你。

收買佬 said...

係咪間間都0甘親英就唔知, 但間間都賣英超英格蘭
的貨, 鬥劈利錢一定薄了.

又, 聽晚04 對拜仁點睇? 我想 04 贏, 今回撐你 !

收買佬 said...

又, 本週直播時間表:


葡萄牙超級聯賽
15/9 (六) 深夜 04:15 賓菲加 Vs 拿華 (CH62 體育台)

西班牙足球聯賽

15/9 (六) 深夜 01:30 華倫西亞 Vs 華拉度列 (CH61 足球台)
15/9 (六) 深夜 04:00 畢爾包 Vs 薩拉戈薩 (CH61 足球台)
16/9 (日) 晚上 11:00 梅西亞 Vs 馬德里體育會 (CH61 足球台)
16/9 (日) 深夜 01:00 西維爾 Vs 維爾瓦 (CH61 足球台)

意大利足球聯賽

15/9 (六) 晚上 11:30 錫耶納 Vs AC米蘭 (CH62 體育台)
16/9 (日) 晚上 08:30 里賈納 Vs 羅馬 (CH61 足球台)
16/9 (日) 晚上 08:30 費倫天拿 Vs 阿特蘭大 (CH62 體育台)
16/9 (日) 深夜 02:00 帕爾馬 Vs 卡利亞里 (CH62 體育台)

德國足球聯賽

14/9 (五) 深夜 02:00 多蒙特 Vs 雲達不來梅 (CH62 體育台)
15/9 (六) 晚上 10:00 史特加 Vs 科特布斯 (CH61 足球台) *直播完女子世界盃後
15/9 (六) 晚上 09:00 拜仁慕尼黑 Vs 史浩克04 (CH62 體育台)
16/9 (日) 晚上 11:00 杜爾斯堡 Vs 哈化柏林 (CH62 體育台)

女子世界盃
14/9 (五) 下午 05:00 瑞典 Vs 美國 (CH61 足球台)
14/9 (五) 晚上 08:00 英格蘭 Vs 德國 (CH61 足球台)
15/9 (六) 晚上 08:00 巴西 Vs 中國 (CH61 足球台)

Anonymous said...

04想係安聯球場偷雞冇咩可能
今季俾我感覺行軍速度慢,連組織攻勢都唔掂
暫時睇到得艾沙奧治叫做分得下波,但佢根本唔會成日有正選
好難想像佢黎緊點同華倫車仔鬥

Anonymous said...

這樣就真的對不起,因那處近是來了搞事者,我一時心急,誤以為是那些人。

我是指「標榜」中立者,不是指真正中立者。

我人平時有傾有講的,我盡最後澄清之責,如不歡迎,我以後不來打擾了。

Anonymous said...

又冇皇馬同巴塞???

我幾時可以睇沙維奧拿同美斯啊? :(

收買佬 said...

大蒜兄言重了﹐學灰狗哥話齋﹐各言其
志罷了。正是不打(或不罵)不相識﹐幸
會幸會。:)

P: 04 無可能會抵擋到華倫及車仔﹐他
們的任務係力保第三殺入歐協。晉級複
賽可能性近乎零。:)

收買佬 said...

路過大佬﹕聽朋友講﹐月底先係“死線”﹐談判仍在進行中。

又﹐推介你睇一隊梅西亞﹐中游分子幾有球味那種。本週豪
門球員先踢完國家隊﹐0黎緊又要打歐聯﹐可能會留力或失準。﹕)

又又, GoalTV 有BarcaTV﹐ 我一樣有得睇Messi. :)

Anonymous said...

收兄,星期日晚梅西亞場波,你唔講小弟都會睇,睇佢對家嘅阿古路是也! :)

收買佬 said...

Haha....今次我會做你對家, 撐梅西亞. :)