Tuesday, September 18, 2007

當年今日(體育世界)


(短片﹕1987 年 9 月 18 日的球迷世界)

今回且不談九一八事變﹐倒來記集體回憶﹐看看當年今日的球
迷世界﹐更想和大家談談當年的足球。(敬希通寶師兄﹐路過
大佬﹐Just 兄﹐祖哥﹐Space 兄, LDD 你們﹐與及其他網
友多多留言。)

無記錯港甲當時為“全華班”時代﹐外援完全絕跡 (鬼仔添等
土生鬼不在此限)﹐若然賽和要互射十二碼分勝負﹐非常之無謂。
港足亦是在那時﹐埋下衰落的禍根。而亦係那時候﹐收買佬開
始淡出收看港足﹐逐漸投入觀賞意甲和德甲﹐對其後的“東方
皇朝”和快譯通等﹐並沒有太留意上心咯。


(同場加映﹕廿年前的港甲聯賽﹐星島對海峰)

後記﹕寶路華重現 (Source: 生果報)

流浪宣佈獲瑞士寶路華錶過百萬元的贊助 , 未來3季冠名為
寶路華流浪參加甲組聯賽。(對於寶路華流浪這個名﹐收收覺
得有點怪。What do you guys think ?)

延伸引讀﹕
昔日足球

39 comments:

tungpo said...

我記得賽和射十二碼係明抄當時的日職,足總諸公話咁好喎!後來,打了幾輪,聯賽排榜首的居然係經常和波射贏十二碼的星島。於是啲傳媒呀,某啲反對派呀,就乘機踩呢個制度。

Just said...

嘩一聽到段片頭音樂即時醒神過來,原來仲用咗小弟頭號偶像荷杜嘅以一過三再過龍門嘅入球做片段,想當年真係個個禮拜追睇架!
大哥瑜當年係咪踢緊荃灣呢?
睇番噴射機,肥仔岳、甄力健、黃耀信通通係精工舊將,those were the days!!

我記得以前寶路華件波衫心口同袖位都落齊logo,簡直係做波衫sponsor嘅鼻祖。

收買佬 said...

兩位大佬:

個全華班制度同互射十二碼制度應該係兩三
年後消失. 事關我記得係我中三0個年某日,
去睇一場表演賽, 由東方對碰一支外援聯隊.

所謂外援聯隊, 係湊合一班想來亞洲落班的
外援球員, 組成一隊球隊跟東方等幾隊波,
踢其試訓/熱身/表演賽.

當年東方有雙氧偉, 有譚拔士(好似), 仲有個
肥佬叫紐頓. 面對班各自為戰的二打六鬼佬,
贏得好輕鬆.

至於菜肉魚, 佢好似落山後踢過幾隊波, 但
係我小學三年班左右, 佢同巢皮已經開始
講波.....亦都係0甘多年來都無乜進步. 有人
話佢地呀, 馮奇呀, 邱仔等人好, 係因為佢地
會用球員角度講波....小弟就唔buy 呢套. 波
我都識踢啦, 踢了廿幾年添, 點樣用個波唔識
咩, 只有唔踢波的球迷, 先會欣賞佢地呢點. :)

The Inner Space said...

收收兄:


我地啲老球迷興講返 李渭堂,高保強,譚剛柏,
姚卓然,何祥友,莫繼堯,黃志強,個班足球員,又有 南巴大戰 播......

哈哈哈...講笑啫!!!


多謝嗮!

聽翻隻開場音樂喚起了記憶的腦細胞,開始回憶往日無憂無慮的日子。

主持人之一潘宗明應不在香港了!

The Inner Space said...

哈哈哈! 我的料是憑記憶,
睇過呢個網頁, 頭先返去睇睇, 啲名錯咗幾個.......
應該是 李惠堂,譚江柏,莫振華, 其餘的還好記得。

Just said...

個人意見,紅衭子出身暫時係得何暉同風火麟講得有板有眼、菜肉魚小弟還可以接受,如果間唔中整番句「猴年送x猴」就更正,其餘嘅就真係不知所謂。
同意收兄,波我地都踢咗幾廿年,使鬼佢地技術分析咩!我估本地電視台想學英國佬嘅做法掛,搵班過氣球星做招徠,但係「東施效顰」,叫佢講兩野都仲可以,搵佢地做commentator就完全趕客!

Space兄:
潘宗明年代嘅意甲係迷你世界盃,老馬、柏天尼、荷蘭三劍俠、再到初出道老巴,佢應該過咗加拿大,都係做傳媒人,偶爾都會喺嗰d「加國風情慈善show」見到佢!

tungpo said...

話時話,係英國時睇BBC個英超精華,見返連尼加呀,舒利亞呀等,幾有親切感。

The Inner Space said...

Just 兄:
唔該嗮啲料!

荷蘭三劍俠,一個在巴塞,一個主理國家隊, 還有一個呢?現在何處當教練?領隊?

Tungpo 兄:
我都有睇過所提以上兩位球星做中場休息時間和賽後的評論,好似仲見過有酒鬼“加斯居里" 添!

Just said...

Space兄:
另一個真的不知在何幹活,早輪嗰場Mandela慈善賽好似有佢份!另外我依稀記得佢好似用自己個名出時裝(令我諗起波格,應該都係失敗收場!)時移世易,想當年佢係三劍俠之首!

收買佬 said...

古烈治家陣做了菜肉魚行家﹐幫荷蘭某電視台做評述兼主持﹐
聽講他主力講英超同埋意甲。此前﹐他係母會飛燕諾做領隊﹐
但好明顯他晤係領隊材料﹐亂0甘買人兼又踢他最愛的sexy
football﹐埋下飛燕落近年積弱的禍根﹐最後做了一季多一點
就被人炒了。

話時話﹐三劍俠加埋高民兄弟做領隊都係被人狂丙﹐好有可
能他們都要轉戰電視台做講波佬。

又, Just兄﹕今年飛仔麟晤再講荷甲﹐係咪去了NOW ? 同意
你所講﹐飛仔麟比好多前球員好得多。

Anonymous said...

踢而優則講,因有阿叔林尚義之成功人版。

記得當年商業一台逢星期一晚7:00至7:30,有個叫「足球世界」嘅節目,由阿叔單拖,齋接聽眾電話傾波經。要知當年冇賭波,同球迷真係傾波經傾半粒鐘,又要答又要分析,仲勁過而家d財經演員。

小弟仲記得d神奇問題,包括「頂頭鎚頂得多會唔會影響個腦?」同埋「點解你唔教波?」等等,好鬼好聽,同佢喺電視台講波爭好遠。

商台後來解散體育組,林尚義冇咗收音機呢個本地波平台,小弟覺得正是佢同本地波雙雙跌watt之時。

Anonymous said...

講起就停唔到口,當年小弟最鍾意d古靈精怪中型班,好似俠士、先特霸、菱電等等,不過好多都只係一兩年貨仔.....

又,寶路華流浪,都好聽過澎馬流浪嘅。

又又,樓上just兄提到「寶路華件波衫心口同袖位都落齊logo,簡直係做波衫sponsor嘅鼻祖」,但小弟覺得愉園件青島啤更classic! :p

The Inner Space said...

荷蘭三劍俠
雲巴士頓個球底線射入
列卡特同禾拉互放飛劍
都有深刻印象,
古列治除了一頭辮仔髮,
無乜特別記得他的,
依稀記得古列治做過車仔球員,
之後撈埋車仔領隊,
但沒有建樹離開了!

correct me IF I were wrong :P

Just said...

路過兄:
小弟當年都係聽「足球世界」成長,d聽眾更成日問亞叔東方日報嘅波牛手記作者係邊個,臨收咪又會話趕去大球場直播下半場過程...
可能一向對愉園冇大好感,硬係覺得佢件青島啤好老土...不如各大佬再講吓當年甲組隊波衫,我記得有隊《東昇》著橙衫黑衭,《星島》係黃衫黑衭,心口大大隻字...

Timo仔 said...

鄧錦添交失波竟然唔追番,換轉係依家,唔俾教練X死至奇 XD

Timo仔 said...

陳炳安、馮家奇、范俊業、高志超以上四位,除左同係由球員轉型做講波佬之外,佢地D超級懶音真係聽到人火滾,最弊既係Now佔左其中三個!>.<
所以唔好話我要求低,在我心目中,鳩猴孖寶仲可以接受,何輝直情係超卓XD

Anonymous said...

當年的足球視節目

大家記不記當年有咩電視足球節目:

星期六 1:00-2:00 麗的:德國足球 ,林尚義主持
星期六 3:00-4:00 明珠:英國足球大賽
球迷世界:無線 葉尚華 不記得幾點
每年四月實有英國足總杯,,直播決賽,好大件事.....最經典:1979年阿仙奴對曼聯 3:2
1982: 熱刺對曼城

"沙池"意大利球壇精選

Anonymous said...

阿叔講90世界杯既德國如數家珍.

我最記得有一場德國對美國, 搵左陳山河上黎做嘉賓, 陳山河捧美國, 阿叔係咁"姪"陳山河, 仲話D美國仔邊有可能頂贏歐真泰拿....

阿叔 : 你試下跳呀? 歐真泰拿一野捉住你條......
陳山河(大驚) : 一野捉住條咩呀?
阿叔 : 你咁大個仔自己唸啦.

最後美國破到蛋真係好High!

收買佬 said...

>「頂頭鎚頂得多會唔會影響個腦?」

應該無影響, at least 比亞荷夫無變蠢,
退役後仲有腦袋去讀完個MBA. :)

收買佬 said...

Just 兄: 我同你支持的精工穿藍色水手裝, 好似
天星的水手. :)

幾特別的仲有流浪, 傻佬畢特利係格流fans, 特
登整到流浪穿藍衫白褲黑襪, 幾得意. :)

收買佬 said...

路過大佬:

>小弟最鍾意d古靈精怪中型班,好似俠士、先特霸、
>菱電等等

三歲定八十, 所以家陣你喜歡樸茅. :)

我都係, 所以當年support 精工, 家陣就擁巴塞同AC,
典型一個豪門擁躉. :)

The Inner Space said...

牙擦 摩年奴
畀車仔炒了魷魚

前皇馬 卡比路 落咗班未?

Just said...

收兄:
>我同你支持的精工穿藍色水手裝, 好似天星的水手. :)

我仲覺得布雷西亞同精工極其相似添!

Anonymous said...

Just兄:
小弟印象中俠士係唯一一隊著間條波衫;仲有南華著親藍衫白袖嘅「作客」波衫多數輸波.....又,愉園不嬲都冇乜人鐘意,唔知點解。

收兄:
點止啊!我自細好憎南華,大個就極度反曼! :)

收買佬 said...

路過大佬: 唔怪得你0甘識波, 原來你係反曼迷.

個人覺得擁南躉唔算盲目, 但就非常惡死和持
人多, 郁下就狂罵對手兇人, 好鬼死煩.

又, 南華件舊作客有點像羅斯托克件主場. :)

just 兄: 精工件衫亦遲今天的波爾多. :)

Space 兄: 車仔已經有新領隊了....

rm501 said...

>「頂頭鎚頂得多會唔會影響個腦?

奴比度頂到眼盲喎~ :P

tungpo said...

愉園本來係左派球會,加上成日放水俾老霍的東昇,所以唔係好有人緣。後來佢地改革,引入商人做班主,例如余錦基兄弟呀,都吸引咗唔少球迷。

梁巔巔 said...

當年記得精工好似有個叫豬皮.

另, 當年第一次睇港波係精工對海峰.

第一次睇世界盃係西德對意大利.

Anonymous said...

在 82-83 年球季,亞視在流浪球衣賣廣告,當年亞視有套由何家勁、闔芝琳主演的「再見狂牛」電視劇,於是他簽約流浪當宣傳, 得流浪會協助取得甲組註冊但好似一場都未出過 , 有錯指正

Anonymous said...

朱國權

七叔都好勁ga!!!
昔日鋼門之一!!!
now he is 香港隊,奧運隊同香港08 gei 龍門教練ar!!!

梁巔巔 said...

Ar!!!!!!!

收買佬 said...

祖哥:

>何輝直情係超卓XD

佢家陣係廣東好紅, 但佢個大陸佬拍檔就幾麻麻....


師兄: 無錯, 當年我都唔鍾意"快活谷", 到今時今日,
亦係好唔鍾意.


5 哥: 卡通片都信? :)

Anonymous said...

大佬,咁多高手,我點算識波?

講起愉園,小弟記得當年愉園係出名「二奶命」同「海鮮波」,十足十早幾年嘅國米同利物浦咁,勁旅得嚟但又永遠好似「爭d嘢」咁。

佢哋成日喺盃賽四強打出代表作淘汰南/精是但一隊,到決賽就輸俾另一隊。

仲有,以前逢愉園對流浪之類中下游球隊,d體育版頭條通常都係:

愉園可勝不穩
流浪有力一拚

Anonymous said...

當年這球隊是和精工和南華齊名的。當然東方同愉園都好強。可惜精工以多名七四年和七八年世界盃荷蘭國腳為主力,簡直是超勁。所以寶路華從未曾得到聯賽冠軍。

寶路華主球衣為紅色,而客場是藍色。

八零年代的寶路華是以進攻足球見稱。班主為精工主席黃創山胞兄黃創保。球隊以四年時間升上甲組並迅速打上前列位置。

盃賽方面,總督盃為當年最受歡迎的盃賽。寶路華兩奪冠軍,並同時取得足總盃而成為雙料冠軍(81'-82',82'-83')。球隊亦於83'-84'年度首奪銀牌冠軍。

聯賽方面,寶路華曾經兩度與精工鬥至最後一場。其中一次只要嬴海峰二比零便能一嘗聯賽冠軍滋味。可惜事與願違,寶路華雖然全力以赴並且佔盡上風,但只能以零比零打和而痛失冠軍。

一九八四年,黃創保因不滿足總行政架構憤然退出球壇,結束了寶路華流星一般的生涯。

華人球員方面,余國森和蔡滿祥都是當年香港最佳左右後衛。張家平是港隊後備前鋒。陳發枝和守門員陳雲岳更是五.一九的主力。「發枝仔」是繼胡國雄後香港最佳攻擊球員。

外籍球員方面,克捷臣曾經是曼城正選和蘇格蘭國腳(一九七四年決賽週曾出賽兩次)。柏蘭尼(蘇格蘭一場)更是當時香港甲組神射手。

值得一提的是寶路華曾在一九八二年邀請利物浦來港踢了一場比賽,並邀請了鋼門柏真寧斯把關。結果當然是捱了一記悶棍,輸零比二。球証是陳譚新。

Just said...

路過兄:
>小弟印象中俠士係唯一一隊著間條波衫;

係咪綠白間條(似貝迪斯?)

收兄:
>路過大佬: 唔怪得你0甘識波, 原來你係反曼迷.

又抽水?(嘻嘻呢度你地盤,我唯有唔講曼聯講精工啦),話時話都幾有衝動想番搵件精工波衫,上網摷過,有一件bid 到成幾千銀,傻嘅!

Anonymous said...

記得俠士在聯賽榜的成績屬中遊,老細有丁炯壽和余錦基。球隊於升上甲組後一季半(即1985-86年度季中),宣佈退出本地球壇,據悉原因是不滿足總的處事手法。當屆俠士有一場代表作,賽事於元朗大陂頭球場舉行對精工,完場前一分鐘,憑英援中場韋基斯射入自由球,結果爆冷贏精工一比零。

當年俠士的教練正是給精工解僱的陳輝洪,他好像在完場後激動得雙眼貶畦

The Inner Space said...

系呀!系呀!

聽到X曼聯即刻精神,入來吹吹水!

有邊位睇咗歐聯曼聯場波? 據聞雲達沙救了很多球必入波,紅魔夠運,仲畀C朗頂入一球。球證有冇偏幫紅魔鬼?

收買佬 said...

just 兄﹕件精工衫賣成千六蚊﹖
絕對晤係我呢挺低收入人士可以負
擔啦。查實回憶應在心中﹐件精工
衫又晤算好看﹐著出街真係幾騎呢﹐
除非你係打算學林狗﹐著住去參加
懷舊party 啦。:)

ksli 兄﹕呢隊俠士好似係升上甲
組後﹐做了一會搞搞震的壞孩子。
但最後當然鬥晤過足總班老坑疆屍﹐
只有褶埋退出﹐每隔幾年就有幾件
0甘既老闆退出球國。哎。

Space 兄﹕曼聯場賽事無看﹐但
他們一向符碌﹐年年如是啦。

Anonymous said...

ESPN 搞笑旁述 Copy to clipboard
Posted by: mwpmo
Posted on: 2003-05-27 10:17

Copied from other group

何: "卡路士同朗拿度要為國出征, 表現一定有所回落, 觀眾要包容下喇"
江: "不過對手唔會包容, 一於趁你病羅你命, 落藥搞掂你"
何: "嘩, 落藥tim呀, 咩藥呀"
江: "搞掂佢地既藥lor"
何: "幾種藥呀"
江: "...大家睇啦"

何:費高今年都好少難忘鏡頭
江:最難忘咪佢俾人掟野囉
(數秒後)
何:佢自己個人表現既鏡頭呀, 俾人掟!

何輝:落雨喎,洗唔洗帶遮?
江忠德:唔洗(停頓五秒)
    帶遮踢波?(停頓五秒)
    太傷害性喇!(停頓五秒)
    把遮救唔到列斯喇!

江︰「十六歲,做阿爺就冇可能,做左人地個孫啦!」
隔了三秒到....
何︰「每個人都係人地個孫!」

飛燕諾對阿仙奴(歐聯)
何輝:講起飛機恐懼症,我拍檔丁偉傑隔離果個我都有呢個問題!
丁偉傑:但係番香港都要搭飛機個喎,搭船要好耐!
何輝:要成五日呀,我問過啦!
丁偉傑:如果無左拍檔五日都唔知點算囉!

(英超聯賽)
江忠德:嘩!如來神掌呀!
何輝:如來神掌第幾式呀?
江忠德:雙龍雙掌囉。
何輝:如來神掌有雙龍雙掌咩????

(英超聯賽2)
江忠德:咦,碧咸頂白色帽又幾靚播!
何輝:可能襯番對白BOOT呢!?
江忠德:好彩佢對BOOT唔係綠色嗟!
何輝:咁都俾你諗倒啊!

阿仙奴對葉士域治:
何輝:駛唔駛俾牌呢?
江忠德:睇黎好似唔駛啦。如果要俾何輝你俾囉!
何輝:冇牌喎?!
江忠德:成件黃衫係你身上面喎!

加拉塔沙雷對利物浦:
江忠德:維多利亞呢個名真係又順口又好聽既嗟。”
何輝:唔知碧咸對住佢會點呢?
江忠德:我諗唔會舔糖卦。”
江忠德:個名咁搞笑既,叫“輸緊”喎!
何輝:又未輸得晒喎!
江忠德:但係輸緊丫嘛!
何輝:不過佢地隊中又冇個叫“輸硬”喎。

巴斯隆拿對加拉塔沙雷:
江忠德:陣中有位球員個名叫“尼古力斯古”,咁如果讀快D呢?
黃興桂:變左做“嚦咕嚦咕”。

紐卡素對車路士:
何輝:一痾,黃金之蛋

利華古遜對曼聯:
何輝:你(指托比慕拿)就唔可以出黎,你要番入去。拿,唔好走出呢個框框呀,如果
唔係趕你出場架!

曼聯對農特:
江忠德:巴夫斯又響度搵波喇。
何輝:望下上面高處又冇,又唔係自己左右,原來係後面。
何輝:如果個波DUP落巴夫斯個頭度,唔知佢搵唔搵到呢?
江忠德:試下囉。
何輝:我諗一定搵唔到嗟。

曼聯對西布朗:
江忠德:有越位喎!
何輝:有冇呢?你轉做球證,你睇下有冇喇!
江忠德:我就話有喇!
何輝:你話有就有啦!其實個波斬出黎既時候冇越位個喎。

(英超3)
何輝:科拿入過波未呢?
江忠德:聽講響友誼賽上入左5粒喎!算唔算呢?
何輝:應該唔算個喎。友誼賽唔係正式比賽喎。
江忠德:都算架,友誼嗟,都係賽黎架嘛!
何輝:唔得!因為呢D比賽唔係屬於任何既總會喎!

伯名翰對列斯:
丁偉傑:拿~~你信唔信丫?又有觀眾話你兩個講波佬好衰,由頭彈到落尾,不過真係有果句講果句囉。
丁偉傑:告魯斯帶領伯名翰贏得英超第一場比賽。
何輝:仲要贏強隊喎!
丁偉傑:但列斯上一場輸過俾辛德蘭喎。
何輝:哎呀~~咁就冇咁興香。

利華古遜對曼聯:
江忠德:映梗月亮喎!
何輝:中秋過左囉喎。
江忠德:有D黃黃地咁既!
何輝:映梗佢塊面喎!
江忠德:黑黑地喎!

羅馬對皇家馬德里:
何輝:卡福話,喂!好囉喎!~~唔好玩得咁過份喎!假假地我都剛剛捧完世界杯呀!

查爾頓對曼聯:
江忠德:人工最高果個唔一定係最定果個。
何輝:咦?!咁對面果個7號咪好危險?
江忠德:科蘭!~~恨響比賽第一個入波恨到流曬口水架啦!
何輝:就黎要番條口水堅上場打波咁樣架啦!
江忠德:陣間12點幾仲有場英超。陣間3點半果場仲犀利。大家唔好訓住呀!抖一抖,
食個包再黎個。
何 輝:駛唔駛刷牙先呢?
江忠德:唔駛刷住。睇完波5點幾食埋個早D既早餐再刷牙訓覺都未遲。
何 輝:不如睇埋聽晚果場先刷!
江忠德:咁又唔得,口臭架!

Liverpool VS man utd.
丁 :曼聯冇左六個正選 好慘
何 :最開心碧咸 成家去左加勒比海玩

王 : 足球如人生
江 : 嘩!好有哲理!!
王 : 一定啦

丁 "丫~~ 韋斯特圍特今日帶cap帽wor"
黃 "係丫..... 可能 今日天氣比較熱啦....太陽曬啦....所以帶帽lor"

peter wong:射12碼, 一係入一係唔入! 入就發達啦!
Peter Wong: 舒利亞要休息下啦, 有疲態...(呢個時候舒利亞即刻射入世界波)
Peter Wong: 舒利亞真係一級呀, 帶住疲卷既身軀, 一樣射入一球世界波
peter wong: 邊隊先入一球, 佢地就會有優勢

peter wong: 當打, 年青, 有活力, 肯走, 當打, 年青, 有活力, 肯走, 當打...

Peter Wong:好波不妨一睇再睇

何輝: (xxx犯左規) 呢球呢, 其實係無犯規ge.. (睇左reply, 其實係有) -->(即兜) 因為呢.. 呢個係薛基黎ge... =.="