Saturday, February 02, 2008

大雪球 (社會文化)


(圖: 羨煞中港台不少男士的陳先生。)

經有心人大力一推﹐淫照事件這個雪球越滾越大。港警高姿態處理事件﹐前後拘捕了六名網民。可收收相信﹐縱然警方高層手法比硬膠還要強硬﹐但最上線的真兇應該仍然在逃。這幾名“烈士”(高登人語)相信只是趁熱鬧怕無聊的一輩。今回要係拘留室過年﹐都可謂相當不幸。(無錯﹐我覺得警方今回係為求交差而拉幾條魚毛蝦毛。)

收買佬看罷前晚警方高層的記招﹐覺得他倆非常惹人討厭。不停猛說接觸這些淫照會干犯法律﹐但所犯何法﹖何為接觸﹖尺度如何﹖卻沒有進一步說明﹐還說已找了國際刑警幫忙緝兇﹐擺出一副有殺錯無放過的嘴臉﹐一味只會凶人﹐簡直不知所謂。

通寶師兄曾說執法機關近年愛針對“法律弱勢社群”來開刀﹐例如妓女呀﹐BT友呀等等。莫非這就是尊貴和壓力團體沒有站出來捍衛人權和言論自由的原因?

又﹐今回有心人借力打力﹐推了幾個沒腦袋的去死﹐成功製造了話題﹐亦教一般普羅大眾變得更加民粹﹐更加相信“法律平等﹐窮人含X”﹐事件不單力挫有心人的仇家﹐更成功挑戰了政府本就不多的威信﹐高招。又﹐窮人點會要含X ﹖香港地有法援﹐有數百萬納稅人做後盾﹐有錢佬都買你怕。(君可記得盧婆婆當年係何等風騷﹖)因此千萬唔好講到“窮人”好慘。再重申﹐係法律面前﹐真正有錢佬同真正窮人﹐都係受眷顧的一群。只有那些有份正職﹐又有十零廿萬至一千幾百萬身家的中產﹐先係最可憐﹕蓋彼等無法援﹐亦唔夠人多錢也。

又又﹐有些人最愛評論香港社會反智﹐最愛一窩風鬧事。其實世界各地何處不然﹖收買佬未嘗見過一個國家民族的人民不愛趁墟湊熱鬧的﹐亦不見有太多人會細心過慮或考量傳媒的說話。無論閣下是爭取民主抑或愛國愛港﹐亦無論閣下看球炒股﹐多少其實都是給傳媒(特別係主流傳媒)牽著鼻子走。近幾年人人狂煲溫室效應﹐猛說甚麼香港的冬天不見了﹐再把這些氣候變化不加思索全推給工業化 & 不環保的生活等等。收買佬倒想問問這班環保鬥士﹐請他們解釋近期這數十年難見的寒冬, 與及發生於十六﹑七世紀的氣候變化和所引起全球各國的朝代政權交替, 又是否跟工業化和現代人生活方式有關?

22 comments:

tungpo said...

我有時都唔明,到底全球暖化,會導致氣溫上升定下跌?後者,有套戲叫後日﹝The day after tomorrow﹞講過。咁如果兩樣都可能,真係乜都俾佢地玩晒。

我以前有個舊老細講過,係大機構做嘢,有時唔使問最終成效或做到乜,只要被人睇到你做緊嘢就得。那兩位差頭,咪用呢套囉!

收買佬 said...

明日之後只係套吹水爛片, 連我這文科生都知佢9 up ! :)

Anonymous said...

收兄唔知有冇類似小弟或小弟身邊朋友之經歷:

係街同朋友傾政治/社會話題,會俾人用d唔太好既眼光望住,或者有d旁人既反感帶點恥笑

呢一刻我好想問果d人,"呢個社會係咪你冇份?"

人民談政治面紅,唯利是圖唔燒到埋身都唔出聲正視社會話題的陋習既代價,就係要承擔今日惡果
正如收兄曾在敝BLOG李柱銘的文章提過:" 我相信好多人都會清楚Martin Lee 其實想講乜﹐但就唔
多關心" 同埋 "陳日君話港人失水準﹐插的除了係泛左的宣傳外﹐亦多少有插埋我等對此事冷漠的人。"
今日俾人拉既人,某程度上係不幸地分擔緊呢班「見燈就行,對社會不公義行為取採漠視/姑息態度」的愚民之惡果

的而且確收兄道出了一個事實,中產在草根和富豪之間作為夾心係最冇保障的一群
姑勿論涉案的是草根還是中產,如今有一撮人係實實在在俾班娛記黑社會+香港司法狠狠地砌生豬肉

作為有良心和自問對社會有承擔既人,道出事實之餘真係希望能為呢班比人老屈既不幸者做返d野
一個健康既資本社會,係需要有班願意企出黎公民抗命的人民

(sorry,好氣憤,難免寫到一舊舊,請見諒)

Anonymous said...

咁睇,非洲肯尼亞之類近年溫度上升三兩度,或者西百利亞比以前凍三幾度就唔係好覺,成因同佢地經濟活動有冇關就口同鼻拗, 但南北極呢種冇工業化地區冰川面積減少最能反映全球氣溫起變化.地球上人口不斷增加, 生活水平-即消費水平不斷要提高,無間斷掠奪式消耗地球資源, 竭澤而漁就係咁解.

香港人絕對係俾傳媒牽著鼻子走, 鬼叫大部份香港人唔喜歡用腦, 睇新聞只睇標題同圖片, 好少睇內容. 睇電子傳媒仲福街, 人地想傳遞咩訊息俾堆懵炳,經剪輯去表達片面假象, 懵炳就照單全收以為係真相.好似天水圍呢種所謂悲情城市就係咁泡製出黎.

收爺你講起反智社會, 你去下面條 link 望望, 睇下咁樣夠唔夠反智 ?

http://udn.com/NEWS/NATIONAL/NATS5/4205245.shtml

Anonymous said...

唉,冇計,唔記得點用你 d HTML 語法
條 LINK 又長, 要斬開兩橛:

http://udn.com/NEWS/NATIONAL/NATS5/
4205245.shtml

收買佬 said...

P:

>收兄唔知有冇類似小弟或小弟身邊朋友之經歷:
>
>係街同朋友傾政治/社會話題,會俾人用d唔太好既
>眼光望住,或者有d旁人既反感帶點恥笑

當然無啦. 見過我的網友/朋友(包括你) , 都知我個
樣又cheap 又俗, 仲非常現實的"言必曰利". 我, 當
然唔會係街同朋友傾政治/社會話題啦! 我仲會用好
唔太好的眼光望番講呢d 說話的人添. :-)

講番淫照單0野, 係咪砌生豬肉言之尚早. 但差佬的
手法由頭到尾都好差劣. 容我quote 通寶師兄的話:

“無論最終公安是否拉到源頭,一般人如果對差頭們的行徑例如公然恐嚇、要求法院將二打六長時間收監還押等坐視不理,香港人的空間只會給愈收愈窄。我們應明確告訴官府,公安拉到人,並不代表一般人同意佢地可以任意妄為!“

如以往一樣, he speaks my mind. :-)

收買佬 said...

飛哥:

你講開天水圍, 家陣人人都去那邊顯愛心,
其他窮區市民唔知有乜感想. :)

至於反智0野, 網上世界大把啦, 凈係xocat
度俾你丙的那班, 已經夠反智. :)

又, 好難忘幾年前有條傻仔丙我, 你, PK_
和Tungpo, 話我地點解質疑大班推倒領
匯上市台戲, 又話封咪令香港言論自由收窄....

拿, 阿一哥鄧膠成前晚的一番話, 就真係令
香港言論自由收窄勒. 刁那星, 又唔見d 柒
頭出來嘈 !?

Anonymous said...

收爺你話
>>個樣又cheap 又俗
你唔會樣俗又cheap得個陳景生卦 ? 若干年前我舊公司有單官司, 對方大狀係陳景生, 佢發言時就時不時用眼尾蔑下我地個 QC, 我地個 QC 講野時佢就冷笑,奸笑,成個現代版陳夢吉咁,可能係心理戰術 ?

就係貪xocat 班糞人夠反智又自以為民主鬥士, 所以當佢地猿猴咁調戲當消遣, 嘻嘻 !

又鄧乜成條鹹蝦產九 UP 當秘笈, 同周一鑊行路上廣州, 理得佢大陸死人冧樓, 最緊要加多 D 活豬活雞落香港, 一樣咁低 B, 所以商務部副部長都 chok 住條中氣話 :你地香港市民改變下習慣捱下冰鮮肉先啦, 潛台詞可能係 : 我地大陸災民連飯都冇得食, 你地就嫌冇新鮮肉食.我地死人天災都唔可以委屈你地班身嬌肉貴港燦.
唔知點解近年班所謂港燦精英個個現晒形, 智力近似猿猴類靈長動物.
之不過, 准唔准保釋, 押足八星期再上堂係條裁判官話事下話 ? 差頭冇可能影響到個芝麻官架 ? 咁乜叉司法獨立又去為虎作倀 !

Anonymous said...

http://usera.imagecave.com/mrjar/mtrep322.jpg

片 名:未來報串
英 文:Minority Photo Report
时 间:2008年2月
导 演:特區正苦
演 员:鄧一哥 Plastic One
     黑鮑 · G Black abalone G
     短J · A Short Jer A
     寶寶   Bo Bo
     制服 · P Cop P
特別客串 :國際刑警

地区:香港
片 长:未知
字 幕:中文

2008年,中國香港,咸相案已完全被杜絕。未來的事情全部可以預知,企圖犯罪者在未真正犯罪之前,已經會被逮捕並接受懲罰。Pre-Crime特別罪案組是全國最先進的滅罪部隊,一個近乎完美的系統。膠‧安達頓(鄧一哥 飾演)是這個小組的組長,他從來沒有對組織有懷疑,直至鎖盡所有疑犯!

Anonymous said...

淫警拍裸照為何唔檢控
04/02/2008


警 方 繼 續 大 舉 搜 捕 發 放 、 藏 有 疑 似 藝 人 床 照 人 士 , 激 起 民 憤 , 有 網 民 為 警 隊 翻 舊 帳 , 羅 列 多 宗 涉 及 警 員 但 未 有 下 文 的 案 件 , 要 求 警 務 處 處 長 鄧 竟 成 交 代 , 當 中 包 括 兩 年 前 輔 警 自 拍 裸 照 上 網 的 事 件 ; 有 網 民 直 指 鄧 竟 成 不 配 做 一 哥 , 要 求 他 下 台 ; 亦 有 網 民 將 事 件 提 升 至 國 際 層 面 , 去 信 聯 合 國 投 訴 本 港 警 方 侵 害 人 權 。

促 鄧 下 台 二 百 人 回 應 表 支 持
署 名 「 不 明 人 」 的 網 民 去 信 鄧 竟 成 , 「 喜 聞 藝 人 裸 照 事 件 , 閣 下 破 案 神 速 , 但 在 高 興 的 同 時 , 我 們 倒 有 一 個 疑 問 , 記 得 2005 年 發 生 的 淫 警 事 件 嗎 ? 他 把 攝 於 北 角 警 署 身 穿 警 服 的 淫 照 發 布 到 互 聯 網 上 , 事 件 震 驚 全 港 , 其 影 響 力 比 藝 人 裸 照 有 過 之 而 無 不 及 , 為 甚 麼 不 見 落 案 檢 控 ? 」 警 方 發 言 人 暫 時 對 事 件 未 有 回 應 。

在 香 港 討 論 區 , 網 民 「 hk traveller3 」 則 去 信 聯 合 國 、 港 澳 辦 及 外 國 傳 媒 如 《 華 爾 街 日 報 》 、 《 紐 約 時 報 》 , 指 警 處 理 床 照 案 件 手 法 不 合 理 , 威 嚇 市 民 藏 有 也 可 能 犯 法 , 又 選 擇 性 檢 控 , 一 律 都 是 侵 害 人 權 。

「 JA9302 」 則 要 求 鄧 竟 成 下 台 , 截 至 昨 晚 共 有 二 百 多 人 貼 文 表 示 支 持 , 有 人 說 鄧 竟 成 下 台 後 , 要 整 治 警 隊 , 保 障 市 民 權 益 。 有 網 民 挑 戰 警 方 , 開 設 「 香 港 明 星 裸 照 」 網 站 , 除 上 載 多 張 已 曝 光 的 藝 人 床 照 外 , 還 有 百 多 名 女 星 共 數 百 張 的 合 成 淫 照 , 大 膽 程 度 令 人 咋 舌 。

Anonymous said...

都係果句:
人民唔積極參政既代價,就係註定比班無能既人管治!!!

Anonymous said...

使唔使幫BB 滴血認希 呢?

收買佬 said...

唔駛呀? ~~

Anonymous said...

哎唷! 叩頭認錯!

我打漏個字 應該是『Feng BB』,
收收兄 睇埋我在tungpo兄處留言,
在巔巔兄處留言,便可知我是一時手錯了。

收買嫂 收買仔 請原諒! Space 叔叔 頓首

Anonymous said...

法律面前人人應該平等,如果將相片儲存的人都要保釋候查,為何製造又儲存,兼且「故意」借助他人手發佈的人竟可以全無刑責?仲大搖大擺著草離開香港?如果要拉發佈淫相者,警方就應該第一時間拉個條pokkai仔!

收買佬 said...

唔好0甘認真啦大家﹐放鬆點啦﹐聽一聽應景賀年歌曲啦﹕

Tune: 歡樂年年

你聽鑼鼓響一片 黑鮑送舊年
你看大眾多歡暢 等緊睇正片
嬉春聲 呻吟聲 響徹凌霄殿
齊聲恭祝你 有個歡樂年
芝芝拍照又春叫
希希軟劍未出鞘
纏綿歡樂 歡樂纏綿
(男)我向淫娃影足一晚 嬌嬌無運行
(女)我要為你吹足一晚 望實鏡頭硬
(男)黑鮑甘又香
(女)腸幼而堅硬
(合)無奈notebook不爭氣 拍照遭上傳
警犬看見大聲叫
黑鮑要漂白水漂
纏綿歡樂 歡樂纏綿
歡樂纏綿~歡樂~纏綿~

Anonymous said...

冇錯, 大家無謂勞氣, 痰罐西呢條廢人生存於世上, 呢次可能係唯一一次對社會有些微貢獻,一眾網民可以睇真 d "黑鮑送舊年", 唔駛再幻想.
呵呵

Anonymous said...

呢單個人評為「膠力不足」既八卦新聞小弟原本一直採取無視態度

時至今日我只會關心果八個無辜既人(未必全部)會唔會早日得到釋放
同埋有志者呢條死仆街會唔會企出黎認錯


再次向收兄抱歉了,借你個地方吐了不少憤言:)
要講既都講哂,請原諒我年少無知

收買佬 said...

飛哥: 估唔到今日又跌, 我仲以為2月會有小陽春....:)

P: 隨便啦, 呢樹講乜都得. :)

Anonymous said...

收爺
星期一已經小陽春一日咁多, 能知一日事, 富貴千萬年矣.

順祝各位鼠年大吉大利 !

Anonymous said...

今日半日市 Short 咗,都幾發, 不過要到初五至開市,長假之後,真是 Day after tomorrow tomorrow tomorrow!

順祝 收買家 新年進步, 鼠年大發!

收買佬 said...

也祝大家新年進步啦﹗