Tuesday, September 23, 2008

無毒不大國 (社會文化), (體育世界)

香港人在這個多星期飽受精神打擊﹐毒奶事件和金融海瀟已令全港大部份人風聲鶴淚。基本上﹐除了好些(網絡)憤青在幸災樂禍﹐幾肯定大多數人心情都不好過。此中﹐當今世上的兩個大國 -- 中國和美國﹐ 都不約而同幹了一票大的﹐對遠友近親下毒手﹐把人家折騰得要死﹔就跟上兩個世紀的英國一樣﹐大量的輸出毒物害人﹐當真是無毒不大國也。

坊間已有多篇文章聲討祖國食品的差劣﹐與及金融海瀟前因後果了﹐不撰。這兩件事令收買佬覺得有趣之處﹐在於世界的縮小或一體化﹐與及各個行業系統的關連化﹐真的會牽一髮動全身﹐產生的骨牌效應﹐就算在精確的分析師也計算不出來。人再遠贍﹐亦會受時代和技術的局限。舉例說﹐明朝時代為美洲及呂宋貨幣吃盡苦頭一樣﹐當時人全不知對策﹐要到幾百年後才看到清那個時代的金融災難。今天的學者﹐看來也要花上一段時間才能找出確切的死因。至於災難預放﹐頂多只會降低風險﹐並不會令風險消散﹔搞不好﹐藥石亂投﹐反而會令風險飆升也說不定。

在這危急存亡之秋﹐謹告各位看官小心行事。積富十年﹐毀富十秒﹐望銘記之。


神秘的古積(CFR Cluj)*


(短片﹕UCL: AS Roma - CFR Cluj 1-2)

查古積乃上屆羅馬利亞聯賽的雙料冠軍﹐因此球隊本年直接殺入歐聯小組賽(同組對手為車路士﹑羅馬和波爾多)。這支球隊十分神奇﹐三年前他們還在羅馬利亞乙組聯賽浮沉﹐亦係在三年前才由羅乙升上羅甲。跟荷蘭的阿爾克馬爾和德國的荷芬咸一樣﹐古積的冒起全靠一條大水喉﹐一位每年能拿出6000萬歐元班費的匈牙利籍的猶太人巨富(難道係索羅斯﹖:)) 在這位猶太富商經營下﹐古積大興土木﹐擴建球場﹐買入好球員﹐三年下來。古積已經飛躍成羅國班霸﹐有趣的是﹐陣中球員係南美外援比羅國人還要多。

但即使如此﹐收買佬仍以為古積會在歐聯被屠殺。豈料他竟能作客反勝羅馬﹐令收買佬輸了二十元之餘﹐亦打爛了一副眼鏡﹐哎。羅馬﹐當真是意甲之恥﹗


* 古積(CFR Cluj), 國內譯作克魯日

20 comments:

Patrick said...

1. 個圖睇唔到

2. 同組好似係另一支法甲球隊波爾多而唔係馬賽

收買佬 said...

謝﹐即時更正﹐哈﹗

Anonymous said...

毒奶粉單野我始終覺得有 d 不尋常. 本來一有呢 d 嘢, 唔駛問阿貴,直覺一定係大陸佬喪心病狂草菅人命.但呢次問題之源係三鹿牌, 呢個牌子佔全國奶粉市場 18%, 唔係鄉鎮雜嘜山寨廠, 打出呢個品牌唔係一年半載嘅事,一向都咁劣質的話到今日先爆大鑊 ?
大陸質檢總局上星期五緊急化驗國內全部嬰兒奶粉, 星期一公佈結果. 三鹿每公斤含三聚氰胺 2,563mg, 其他, 蒙牛含 68.2mg, 伊利含12mg, 廣東雅士利含53.4mg....
由此可見, 三鹿根本就係自殺行為 - 將自己個品牌自我毀滅. 呢個三聚氰胺驚人超高含量根本冇可能唔爆大鑊 ! 過得初一都過唔到十五.
所以三鹿董事長田文華被撤職後幾日即轉為刑事拘留.
田文華就算係白癡都冇理由要將自己個金飯碗掟碎,將間公司送入絕境仲肯定要孭起刑事責任, 所為何來 ? 如果話佢想加三聚氰胺減低成本去謀取暴利, 但間公司有 48%係紐西蘭外資擁有, 佢有冇必要咁搏命為果一半股權孭重飛 ? 何況以佢專業知識, 明知三聚氰胺去到呢個含量必然爆鑊. 換句話講,佢可能唔知咁大鑊, 佢以為含量係通行普遍存在嘅三幾十個 mg , 側側膊高出國家標準多少, 又食唔壞人.有人投訴時就賴三賴四, 諗住執番正 d 去搞掂質檢局.
佢點解唔知三聚氰胺含量高到去毀滅自己品牌地步 ? 相信係佢下面檢測部門俾數據佢, 正係呢個檢測部門把關去驗收奶販交嚟嘅奶. (其實奶農唔會直接交奶俾乳製品商, 中間有一個環節就係奶販)
點解三鹿個檢測部門癲到容許咁嘅含量加入奶中 ? 相信會係調查重點, 以今日局面睇, 怕者唔只公安調查, 甚至有國安局加入調查都未定.

收買佬 said...

飛﹕唔明點解你稔0甘多﹐真係100%含冤莫白的話﹐我信條友唔出聲﹗掉轉﹐身有(少少)屎的話﹐都無乜得怨。LB, Barings 呢d 都係話死就死﹐百幾二百年大牌子﹐d大陸奶算老幾﹖就算2319 將其營運模式抄到足的Parmalat﹐咪一樣亂來做數﹖ :)

Anonymous said...

唔係話條友含冤莫白,佢就死不足惜. 而係話一個腦功能正常嘅人冇理由以為咁樣可以瞞天過海. 你講得啱呀, Barings 就係死在中層管理一條友手上而唔係最高層嘅問題.法興差 d 埋單何嘗唔係類似 ?
我諗咁多嘢因為今年大陸 d 嘢, 除天災冇得好講, 其他嘢一波接一波, 去到政治層面嘅事好多唔係檯面上顯示咁簡單,檯底下陰招百出, 匪夷所思.

阿茂 said...

All this talk of milk has me thinking of a quote by some big guy called "Arnold"... "Babies drink milk. When you grow up, you drink beer." ;)

Anonymous said...

屌你啦你就球迷之恥喇

收買佬 said...

匿名者﹕你隊羅馬本來就係只會花拳繡腿﹐唔係都唔會見親49000 就腳軟啦。國米成日好似唔夠你地打﹐係放水俾你等你地賣主力0乍﹐懵佬﹗:)

不過﹐閣下唔使灰心﹐羅馬今年唔會係亞軍0架啦 -- 我估隨時直情跌出前四. HAHA.:)

飛﹕0甘你都可以想﹐中俄及拉登搞個次按風暴出來醃死美國0者。

茂﹕確定了幾時返HK未﹖

收買佬 said...

BTW﹐飛sir﹐我肯定你見唔少人為求盡快成功達標﹐又或遮醜掩飾過錯﹐會做好多反常野﹐d 風險高到離奇﹐夾硬去的成份令人以為他在豪賭。呢班狗屎老總﹐怕都係呢類貨色。

Anonymous said...

收爺, 冇錯, 我諗到有兩個老總做嘅嘢反常得離奇,為求富貴/ 達標做出嘅事匪夷所思 - 陳死扁夫婦 ! 另一個係格仔個老總, 家下晚晚發惡夢. 呵呵

收買佬 said...

講多單case 先

有某位收費電視財經台女主持/記者﹐大約2002-07年間係獅子銀行度做FPM (Financial Planning Manager)﹔據報她當年賣出很多投資相連的保險單﹐但對那些公公婆婆稱“身亡賠償(Sum Insured)”係“五年後保證獲得的紅利”(大概係0甘)。

這位小姐亦好醒目﹐在差不多效力了獅子銀行滿5年時﹐跳糟去了收費電視。不久第一批客便操去獅子銀行﹐要提取那些“五年後保證獲得的紅利”。0甘﹐人都未死﹐
當然無啦。初時獅子銀行以為班客係刁民﹐唔理﹔點知越來越多人湧去銀行話要錢﹐差不多有一百幾十個﹐全部係老坑。最後搞了一輪﹐獅子銀行賠番晒d 保險金俾人
算。(唔知有無計息﹐但銀行用呢筆錢投資﹐應該有收穫﹐因此銀行唔係賠得好肉赤。)

亦因此﹐小弟從來不光顧銀行的產品。亦好坦白﹐我唔會認為班老sales 真係識呢d 產品係乜。

Anonymous said...

屌你咪又係淨係識得講曼狗果場
好呀國米放水放到俾羅馬炒6:2
咁羅馬歐聯踢當FIT既里昂同皇馬出局等等戰績都係人地放水?柒小陣當幫手啦
跌出前四?係囉係囉你慢慢估下發下夢啦柒頭

收買佬 said...

對住曼狗唔識踢﹐輸完一鑊又一鑊﹐就真係柒到無朋友啦﹐屌你。

有邊隊好似羅馬0甘被49000炒到yamede 都無力0架﹖舊年打0比 vs 49000 都無0甘無叉用﹗﹗

至於羅馬有無得入前四﹐咪睇下點咯﹗就賭你條J 啦﹐不如﹗:)

Anonymous said...

到最後都係講返曼狗
柒到搵多個論點都唔識
同你講都曬鳩氣

收買佬 said...

0甘你咪扯咯﹐無朵人 ^_^

Anonymous said...

羅馬近年非常出色,沒有大量高價球星,但球員默契很好,打法悅目。但今年的表現實在有點失望

阿茂 said...

大佬,
機票定o左啦, 但房就未book.
e-mail 再講啦. :)

阿茂

過內人 said...

前排雷曼未有事時,我去恆生入票,個姐姐仔叫我儲錢,介紹個plan畀我。

我一聽完,即刻話:「你畀心機啲sell畀第二個,我會畀心機搵錢再買多啲你公司股票。」

收買佬 said...

ksli﹕事實勝於雄辯﹐羅馬早兩晚又輸了﹔再落去﹐倒數亞軍都有份。(講笑者﹐以羅馬的實力一定有前五﹑六的。) 又﹐足週今期都登了篇專題踩羅馬﹐哈哈。

過內人大佬﹕俾銀行sell﹐真係大家都係過來人。:)

Anonymous said...

雷曼事件處理陷兩難,從緊引恐慌,從寬惹民怨,考財金官員智慧。

從近來新聞看來香港的人心實在虛怯,要是此其時對有關銀行或證券行立案調查,對他們重罰之,勢必令市民對有關銀行或證券行的信心大損。

可是雷曼苦主的民情洶湧,要是從寬處理,又恐怕會惹起民怨,實在考驗政府財金官員的政治智慧