Friday, October 10, 2008

談金論股(金融經濟)


(短片﹕大時代 - 股災﹐聯交所和投注站沒兩樣:))

自十月以降﹐幾乎每一天全球股市都在插水﹐久不久就來一記"自2001年「911事件」以來最大單周跌幅"般的下跌。推致亂之由,乃自去年次按問題爆發而起,而當時匯豐曾一度大跌﹐已屬一個警號。去年甚麼商品大王羅傑斯就指出,美國次按乃有史以來最大信貸泡沬,此言今時果然應驗。

翻看道指季線圖,原來道指不知不覺已經連跌四季,淡勢再也明顯不過。最重要的,美國上周五通過大型救市方案後,好消息似乎已經出盡,而價位卻收於近年新低,預計美股短期不容看好﹐很有可能會重返2002年低位的7500點附近。

影響所及,港股亦將有機會累回落,尤其是恒指上周雖然作出反彈,但昨日卻受制於16000之下,形成一頂低於一頂偏弱走勢。照說﹐死魚跌落地也會彈一兩下﹐但港股卻是一沉不起﹐直是超賣完再超賣﹐令無數老散見識到de-leveraging 的拆棚威力。

然而收買佬覺得港股應該總會來一記似模似樣的大反撲。雖然自去年12月小兒出世時收買佬便看淡後市並撤出股場﹐但對大中華地區的基本因素仍然樂觀。始終﹐凡事講相對﹐香港情況再壞﹐也會比冰島及英美為佳吧。技術上看﹐恆指要反撲﹐要麼升穿16000 點(並企穩)﹔要麼要跌到14000 點附近﹐回穩候機再上。點都好﹐香港這邊還有些絕招未出因此看官們要入市﹐也不急在一時。總之﹐現在是擦亮槍支上子彈的時候﹐各位看官要預備隨時入市撕殺。(謹記﹕跌市搏反彈﹐只選龍頭﹐賺夠便要走﹐保持警覺性和機動性﹐不要貪心呀。)

題外話之一﹕不理美國政府有意還是無意﹐有毒元素實在已自華爾街擴散。這個百年一遇的熊市絕不會在一兩年便結束﹐所以大家一定要清醒﹐廣積糧過嚴冬呀。


(圖﹕韋斯咸也挺倒霉﹐先是主贊助商XL 被清盤﹐及後老闆亦陷入財困﹐危機四伏呀)

題外話之二﹕金融海嘯淹沉冰島﹐該國的銀行大亨﹐英超球隊韋斯咸的老闆根密臣 也不能倖免。在其銀行被政府接管,韋斯咸也勢將捲入財政危機。影響之下﹐勢必波及其他一眾借貸過度的英超爛會。收買佬黑心﹐很想目睹三幾間英超球會破產﹐以向世人表明這眾浮誇既經營手法﹐是不能持久的。(意甲和西甲本身實力本就高英超﹐以往就算花錢再多﹐也沒有英超的高水份。)

Disclaimer:以上內容﹐絕不構成任何買賣建議﹐收買佬亦非各位的財務顧問﹐跟各位看官並無忠實義務(fiduciary duty)的關係。而若閣下不小心損手﹐收買佬亦不會回購閣下的蟹貨﹐敬請留意。

10 comments:

過內人 said...

我都認為香港基調好過歐美好多,至少啲人仲有錢,只係氣氛唔好。

你呢句我好鍾意

「照說﹐死魚跌落地也會彈一兩下﹐但港股卻是一沉不起﹐直是超賣完再超賣﹐令無數老散見識到de-leveraging 的拆棚威力。」

佢係棚上棚咁搭,棚到好大好高;今日一次過推倒晒。


雖然意、西係高,但不得不服英超兩樣嘢

1) 歐聯成績有交代
2) 整體管理同市場策劃較好

收買佬 said...

過sir: 就算係沙士時期﹐香港人都只係有錢唔肯使﹔但今回雷曼事件奄了唔少人的備用錢﹐帶出來的效果勁壞。信心搞到更加不足。今早體育老師(當今財爺)先warn 大家金融危機殺到﹐真係膠。敝網壹大押晨早係本年一月初叫人離場啦﹐家陣輸晒0甘滯先走﹐遲啦。

至於英超﹐未必威得好耐。又係那句﹐好期望英超爆煲。:)

收買佬 said...

各位大佬﹕

個別股呢期買唔落勒。好多好似11 & 763﹐早排看似硬淨﹐但跌番落0黎一樣好鬼甘。走勢好的﹐像390﹐買又怕中招﹔其他的如883﹐又鬼死0甘樣賤﹐買唔落。

小弟看圖﹐只能肯定以下事項﹐真係信不信由你﹕

1) 恆(期)指最遲11月有一記短暫的反彈﹐會見18000 甚或20000﹔但好景唔會長﹐只能短炒。真係要玩的話﹐請玩期指﹐切莫玩輪﹔

2) 金價一浪低於一浪﹐處於下跌通道中﹐值得追殺。當然凡事小心﹐事關近年尾﹐d 人或會借亞洲人過年要買金之類消息﹐去殺一殺走得太前的淡友﹔

3) 倒轉日圓較強﹐值得追(才查)﹔如跟英鎊歐羅之流做cross 盤﹐更加正。短期候回再入未遲﹔

4) 當然﹐你真係打算擺d 貨擺幾十年﹐就隻隻大藍醜都買得啦﹔而若然你愛買超低價貨的﹐咪買13 咯。

哪﹐講明先﹕以上內容﹐絕不構成任何買賣建議﹐收買佬亦非各位的財務顧問﹐跟各位看官並無忠實義務(fiduciary duty)的關係。而若閣下不小心損手﹐收買佬亦不會回購閣下的蟹貨﹐敬請留意﹗

Anonymous said...

一出聲就升一成,股神!

收買佬 said...

好彩0者

再講﹐我真係0甘叻﹐就唔會2萬5000 點附近走人啦

Anonymous said...

收爺, 你二萬五走雖然錯過最後一浪, 但亦避開近半年呢一劫.你睇四叔做咗成年股神, 家下就變瘟神.淨係佢隻所謂龍尾股碧桂園, 跌到阿媽都唔認得. 加上雷曼一劑, 佢都咪話唔甘.當然佢副身家少一百幾十億對佢完全冇影響.
另外, 雷曼迷你債券閹咗大部份人嘅係前兩年賺到嘅錢,入肉只係部份人.05年起人仔個升浪, 吸引唔少人轉存人仔,呢 d 先係真正穩陣怕輸散戶,我相信玩得所謂 "債劵 "極少數攞棺材本錢玩. 家陣成日俾人嘈果幾間銀行, 大笨象, 星展, 花旗, 我都有開戶口, 卻從未接過佢地主動撩我買乜叉迷你債劵, ELN, 高息票據之類 cold call, 反而我同花旗買基金仲俾佢地審犯咁審我對風險有冇認識, 知唔知基金係風險產品...諸如此類.近日花旗最煩反而係成日 call 我向佢地借 personal loan !! 所以我覺得買迷你債劵班友係睇見廣告講得咁吸引 (穩陣又高息喎) 而自動獻身, 難怪前兩年去親大笨象 d 私人理財專櫃都要輪米咁輪.

收買佬 said...

飛sir: 有關迷債及相關產品的comment﹐請到師兄那邊看看﹐寫了好鬼多﹐費事copy & paste 了。:)

http://tungpo.wordpress.com/2008/09/24/

又﹐同你無比人推介ELN一樣﹐我亦未試過係街度俾人push 去做男model﹔可能係我地個樣唔似0甘易俾人滾啦﹐哈哈。

收買佬 said...

各位好友﹐窮寇莫追﹐見好就收。因為18000點了。

Anonymous said...

今次 秋官冇戲上! 冇得賴.
但欣宜有份套新出處竟劇下週一出街播!
鄭家女兒更勁.
唉! 危矣!

Anonymous said...

欣宜勁過爹!