Friday, November 21, 2008

保留實力﹐以戰養戰 (個人日記)

前言﹕收買佬並非憤青﹐亦未死得﹔言語激烈也是想講真講心話罷了


(短片﹕重溫'87股災)


十年之間﹐香港人已經經歷了三次大型的經濟災難。昔日香港人多數不知個 "輸" 字怎寫﹐今天卻幾乎人人皆懂。本來起落平常﹐大家理應視衰退為等閒。然而今回實在有太多有錢人和老闆經理級人馬倒下﹐急亂之下爛局難免維持一段時期。而向來冷血無情的銀行﹐在此時更係帶頭裁員兼大閂水喉﹐就是收買佬這些向來右傾的也對此為之齒冷。如是﹐百業蕭條亦令失業率猛升﹐而今回中箭下馬者多為高學歷或年資淺的﹐很多係為交人頭而被炒和未過試用期的年輕人。總之﹐老屎忽大班們仍然高高在上﹐就像二戰時期猶太區內的"德奸"般 -- 形勢雖然水深火熱﹐但他們仍然騎在人民頭上作威作福。

收買佬寄語那些不幸被裁的看官朋友們﹕不要難過了﹐今時今日被炒並不一定代表你有問題﹔更不要為此而不快﹐常言道﹕你可以愛你的工作, 但千萬別愛上你的公司。收買佬十多年前第一天正式上班﹐便已領悟了這個道理。目下是“保留實力﹐以戰養戰”之時﹐不要失落亦不要氣餒。有空應讀點書﹐做做運動﹐或好好休息一下﹐萬不要胡思亂想。猶記得多年前收買佬亦曾被裁﹐短暫失業一時﹔當時經朋友介紹找了份証券行基金銷售的工作﹐做了一段時期﹐硬頂了一會兒。亦是那時收買佬想通了金融世界的風高浪急﹐才毅然決定再報讀PCLL去轉型。不覺回望﹐這已是世紀初的事了。當年做銷售員工作可謂得大於失﹐而認識了的客戶和同事很多今天仍有往來。(又﹐若然看官並無經濟負擔﹐大可回到校園充實一下。我認為在這段期間讀書﹐也總好過在resume 內"開空窗"。)

解鈴環需繫鈴人。問題根源在美國樓市﹐而樓市一日不復甦﹐牛市重臨無從談起。而樓市只會慢慢調整﹐永不會有V 形反彈﹔而作為最大額及最受普及的衍生工具﹐樓市實在係主宰了信貸和金融市場﹐與及商家平民對前景的信心。今天的急插﹐很大程度係因為信心嚴重不足。按過往經歷﹐與及目下市場的推算﹐樓市怕要到明年下半年才會春回大地﹐但亦有可能要再晚一點。最壞的情況就算未到﹐也不會太遠亦不會壞得太意料之外。既如是﹐看官們實應學文章標題般﹕保留實力﹐以戰養戰。起落如常﹐大牛市和大熊市都不會是永遠的。

14 comments:

Anonymous said...

小弟當年沙士大專畢業經老友介紹加入左痕身,6.5k,相信係我一生人最少人工既工都唔緊要啦,諗住香港人精神,男人老狗唔捱又點出頭,係中環總部返工,大公司,諗住唔錯....

入職果陣,我係見teller既,但公司規舉,先做內部文員,先part time比你上下counter但經理扼我上完teller course,做到我resign果日,都未上過1分鐘counter,全程係o係入面"過機"依然本住唔怕蝕底,肯做肯學,會有出頭,諗番起都有d 七七地,唉

當年加人工,我好高興,加左45蚊,計埋飯錢,total仲欠5蚊先到7千,諗起真係開心,因為咁大個仔第一次加人工但後尾問番,原來出面多呢度2千蚊人工,仲要準時收工,少野做

雷爛事件既炸彈的確會爆的~~~當年,睇住d老細,教人點樣講selling point
甚至一個八十幾歲既亞婆,都要sell,sell乜?
當年saving 利息得0.001%,就係sell佢買4年基金,派8%(4年total數)
每年再扣1%做手續費
即係每年實際得1%收入
如果個八十幾歲既亞婆有幸到今日仲健在的話,呢排佢應該到期draw得番d錢

睇住呢間銀行,我只係學左一樣野,就係一定要買佢既股票,因為我唔會質疑佢既賺錢能力

Anonymous said...

班銀行寶藥黨職員只係識賣野,但對自己所sell既野一知半解甚或乜都唔知,裁走呢班人絕對係對呢個社會有責任﹗

imak said...

前銀行小職員... 算我多口插句咀: 有時人在江湖身不由己, 公司以 maximize profit 為大前提, 出盡渾身解數好難怪! 我只怪政府財金官員沒有好好監管銀行銷售過程的專業性. 在歐美國家, 這一類 FA 是要考 licence. 但我確實很欣賞你就算人工少也肯捱肯做的態度!

收兄... 你所言非虛, 可手停口停或一家人等你攞錢返黎開飯者也比比皆是, 被裁了也真係好徬徨架!

Anonymous said...

十分同意不要愛上公司。而又盡量不要令自已沒有公司便不成!
有同學,讀完書後就只在獅子銀號做,成鬼日部都話佢公司管理優良! 我唯有怳佢好運。

收買佬 said...

前銀行小職員: 節哀順便....ehh....唔係﹐應該係恭喜你甩難先真 :)

ksli: 同意

收買佬 said...

mak 姐﹕我的建議係對那些無負擔說的﹔若然係有家室的﹐0甘就咩工都要做頂住先啦

H 師兄﹕你那位同學希望唔好盲目樂觀啦。因為銀行一炒你﹐供緊樓/OD 要俾街息﹐亦無晒福利﹐隨時企係度。

Anonymous said...

運氣 ~~ 

人好比一架車.運氣好似車路.

如果一架法拉利走在泥地裡,它會飛都冇用.

如果一架錢七走在高速公路裡,它慢駛都會快過架法拉利.

Anonymous said...

橫死豎死,呢鋪杰嘢!
郁吓兩三年唔定,
take a sabbatical, 都是出路。

HKU PCLL workload 有幾勁?
兩年就修完 Partime,
就算 HKU 肯收,$$$ 都好貴,唉!

另 前小職員君 E+ 唔小就得喇,祝好運!

收買佬 said...

space: 我當年做了幾個(institutional) 老sales 後就去了讀full time, d workload 唔算好勁﹐而學費亦平過今天一截。

過內人 said...

咁我咪....哈哈......或者真係好似你咁講....我好好彩喇。

收買佬 said...

sorry, 上文打漏字﹐係想話我做了幾個月老sales。(3月到9月)

又﹐過sir﹐你應該係有實力又好彩啦 :)

Anonymous said...

收收兄:
只須六個月就交到好朋友,
“而認識了的客戶和同事,很多今天仍有往來。”
真有衝動一瞻收收兄風采!

p.s. 不用客氣,又 say sorry 咁嚴重,小小瑕疵,何足道哉,會意便可!

:)

收買佬 said...

space: 幾時都可以見面啦﹐你請飲酒食0野的話:)

Anonymous said...

^_* 有機會!有機會嘅!