Monday, May 11, 2009

睜大雙眼看世界吧 (體育世界)

藍軍被殘陣出擊兼要作客的巴塞淘汰了﹐全球的英足迷們還是不能接受現實。先是腦袋發熱說巴塞和UEFA 收買球証(有証據嗎﹖有理據嗎﹖)﹐跟著又一如既往把歐陸的對手妖魔化或矮化﹕人家踢法華麗是錯的﹐你在主場﹐多打一人﹐還去擺鐵龜陣﹐那才算好樣﹐才算是歐洲最強。(真是"最強"﹐就不要做縮頭龜﹐爬出來對攻看看會怎樣﹖)


(圖﹕輸了在大吵大鬧的"非洲言承旭"....)


還有一些白癡說巴塞﹑祖記(尤文)之類實力平庸(原因是他們"不敵"藍軍)﹐連熱刺曼城都不如﹐放在英超只屬中游水平﹐就真是令人笑爆肚皮。若如是﹐那學ksli兄在G大那邊說﹕辛尼特(Zenit) 在超霸盃把49000 幹掉﹐而辛尼特在俄超只屬老三老四﹐那49000放在俄超會是甚麼地位﹖又是否說明了俄超強大於英超﹖點都好﹐小弟一直有說﹐英超只是強在外援外教充斥的四大﹐其他球隊就不堪一擊﹐UEFA CUP的戰績可以說明一切了。

啊﹐還有﹐提提大家﹕被踢出局的是藍軍﹐不是巴塞。跟本沒有"不敵"這個問題。


(圖﹕88分鐘0-1時,格迪奧拿跟希丁克互勉。風度分和體育精神分﹐贏晒。)

其實嘛﹐換轉被踢出局的是巴塞﹐我敢說他們便會改口道﹕“要是你們上回合贏了便無問題啦”﹐“要是你們守得好一點就不會出局啦”....blah blah blah. 無人會否認巴塞勝出是靠運﹐但靠運晉級就不成﹖怎不見有人說巴塞係充滿鬥志永不放棄﹖看著這些被英語媒體洗腦的雙重標準﹐真有點納悶。

其實近年歐聯已經NBA化﹐只是一個重覆又重覆的分餅仔遊戲﹐巴塞﹑米蘭﹑英超四大輪流轉而已﹐"今年分唔到﹐下年搵得到"﹐本來就不應太認真看待之。但在網上閱罷那些英曼咸迷的垃圾﹐不花少少時間去回兩炮真不成。(反之UEFA CUP就好睇得多﹐因為對賽球隊新鮮﹐永遠有懸念也。)

說起UEFA CUP﹐順道說說今屆決賽預測﹕今年的冠軍很有可能又會是東歐的球隊。此因雲達的陣容天殘地缺﹐實在難言看好。整體實力本來就不相佰仲﹐但薩克達係更有野心的一隊。值得看好一點。

PS: 今時今日禾雀亂飛﹐本blog 或會再奉行07年秋天的策略 -- 暫停談金論股﹐專心講足球電影等等。

9 comments:

Timo仔 said...

人多打人少反之下而不思進取,係希丁克失敗既原因,好高興佢又再一次重蹈覆轍(上一次係帶澳洲輸俾意大利)!!

收買佬 said...

歡迎祖哥回歸 :-)

tungpo said...

人言報個寫手都持英國佬的理論喎,話國米渣。

咁我個blog行乜策略好?

過內人 said...

我另一邊線,死得好眼閉,所以我都無乜火。

收買佬 said...

師兄﹕你最好以後你樹教教我等二三十世代點做人啦

過少﹕蘭開夏道看了小小﹐感覺造作但無你地0甘大反應。唔明有乜好嬲。

tungpo said...

我諗住回歸風月喎。

p仔 said...

好耐冇見呀收兄~~唔記得我喇...?

老老實實, 兩個入球都係遠射, 大家都冇正式生波埋門去令人說服邊隊比邊隊優勝..

但如果球證冇咁多錯判, 入決賽既會係車仔, 係事實..換個角度睇又唔怪得車/ 英超fans咁慶..老實講我都替車仔同波爺唔抵~

對於矛頭指向巴塞既人, wfc佢地算啦

收買佬 said...

P: 我早輪係你facebook 0個樹留了言啦﹐即係我寸鬼你話kuranyi係好波之人/優秀前鋒那一次啦。

又﹐凡事看全面﹐球証第一輪寬待車仔吹死巴塞﹐點計數先﹖

To: YIN PANG said...

Mr. YIN PANG: Is Drogbas and so many other Chelsea players diving and blatant cheating to win unfair penalties a disgrace? Dose it matter when he dives and pretends he is injured?

If Chelsea tied to attack in that game they may have won. Instead they were like a boxer who tried to hug his opponent all match.