Thursday, August 27, 2009

TGIF (體育世界), (歷史文學)

邁向五冠


(短片﹕巴塞的第四冠 -- 超級盃全殲畢爾包﹐成功奪標)

是夜﹐巴塞將會向第五冠進發﹐在歐洲超霸盃迎戰去歲足協盃盟主薩克達。烏超球隊去年靈光一閃﹐有點幸運地贏得足協盃。細心分析其奪冠之路﹐關鍵之役在於淘汰馬賽一役。斯時烏超正值季初﹐球員狀態良好亦無傷兵﹔反之馬賽要為聯賽/歐聯席位而戰﹐法甲又鬥到最後關頭﹐分身不下被對手攻陷得手。但此一時彼一時﹐目下烏超接近剎科﹐輪到烏克蘭人兵疲。歐聯外圍賽早就出局﹐歐霸盃亦係苦戰才能晉級。面對去年被雙殺的巴塞﹐薩克達按理不會有甚麼機會贏球。

是役的看點為伊巴謙莫域跟美斯這對新拍檔能擦出甚麼火花。預期伊巴會有入球,畢竟他最精於對弱旅大開殺戒﹔是夜唯看他倆跟中場孖寶的配合﹐純熟到那個境界。


西甲直播權

塵埃落定﹕據報﹐電盈(00008)旗下NOW TV及有線寬頻(01097)爭奪西班牙甲組聯賽直播權,市場消息指出,NOW TV已經與西班牙足總達成協議,暫只餘若干細節未傾妥。

有證券分析員老友早前報料﹐曰畸寶某些高層曾語之﹐西甲播送時間太晚﹐轉播費又三級跳﹐成本效益不明云云。那時收買佬已估算到﹐NOW TV 取得西甲直播權只會是時間上的問題。點都好﹐尚幸祖國央視贏得播映權﹐收買佬仍可力頂﹐暫還不用給錢"IT 楷"去賺。 :-)


大工程


(圖﹕港府1950年代起橋構思圖)

電影藍江傳內有一幕講及﹐自五六十年代的多番暴動後﹐港府發覺港九兩岸一方出事﹐總係不夠警力軍力去應付之。首尾不能呼應﹐亦令指揮部署難度大增。有論說﹐維港當時比而家係闊好很多﹐ 加上船慢﹐ 過海都會比而家花多好多時間云云。點都好﹐昨在網上驚見上面這幅圖﹐更加佩服港府一直致力連繫兩岸的遠見和決心。

有時想﹐要是這些工程(起地鐵﹑大橋﹐隧道之類)換在今天上馬﹐那些憤青和自以為士們﹐又會否拼死反對﹐說地鐵會破壞他們根本未體驗過的“集體回憶”呢﹖

8 comments:

jcch said...

條橋的確甚好---當然,係指當年,唔係而家,而家個維港都就黎填到連得埋啦,又有海底隧道,起乜鬼野橋,阻住行船事小,擋住夜景影響樓價事大
至於巴塞,今晚可能起身睇都未定

tungpo said...

畸寶恃住有歐聯同出年世界盃,咁就放棄西甲。相信,佢地唔會真係出力爭英超。我等訂戶,真係冇眼睇。

Gwai said...

>>昨在網上驚見上面這幅圖﹐更加佩服港府一直致力連繫兩岸的遠見和決心。

圖片出在哪份報紙?我覺得條橋唔似六七十年代港府的構想工程繪圖,八字都未有一撇,不過係現在用電腦軟件「執」出黎,如果「執」出條爛鬼搞笑石橋,咁仲會唔會震撼而生出佩服感?恐怕那種震撼只是恥諷港府眼高手低的無能。

又如果係佩服當年港府的前瞻,可能佢仲諗過製造兩艘航空母艦,可以更快調軍渡海添喎。天馬行空的 brainstorming,呢D幻想人人都有大把,何足讚哉。

P.S. 上文無政治立場。

收買佬 said...

師兄﹐跟那個分析員朋友happy hour完﹐他說兩台其實都係有相同難處﹐即係﹕西甲牌費急升﹐廣告收益唔夠維皮。有一個不能抹煞的可能係﹐兩台都無得播。

jacky: 訓身撐巴塞﹗

gwai: 你0甘講﹐又0岩0既。之但係﹐同當年的手起刀落比較﹐今天的慢半拍真係令人感嘆

過內人 said...

西甲嘅家嘢.........三、五點先播,又真係煩啲

收買佬 said...

加時贏1-0﹐好險﹐但總算完成五冠任務。

格迪奧拿要度0下橋﹐稔稔點破死守龜陣。

收買佬 said...

過﹕坦白講﹐上班上學一族﹐唔係個個都追西甲。好多都係看隔夜波。

Anonymous said...

[明報]據悉,2家轉播商在職業聯盟施壓和金融危機現實下,本季全球轉播應不會再鬧內訌。可是,皇馬和Mediapro卻聯手向國外電視台抬價,大陸中央電視台透露對方提高叫價逾30%,最終忍痛買下;不過,香港球迷卻沒那幸福,now和有線電視的西甲爭奪戰,至今分不出勝負,頭幾輪球迷或只能透過網上觀戰,與北上收看中央5台的直播。