Saturday, December 17, 2005

直擊世貿示威(之三) (時事追擊)

我實在覺得班韓農抵錫 !!

唔好誤會, 收買佬唔係講反話, 亦唔係轉性改信馬列. As usual, 我
的看法和師兄差不多. (詳情可看他的BLOG.)

收買佬覺得韓農們猶於一塊照妖鏡, 照清楚了本土攪運動者的醜陋,
文人們的無知, 和富國的卑賤!

如前說, 長毛好歹都係第一日衝擊過差人領過0野, 雖然唔知為乜縮
了不再出現(US GOVT 的壓力耶?) 但起碼算做過野!

但李卓人兩公婆及其他土炮政客呢? 全部閃晒, 把團友戰友賣甩晒!
日日只係識話警方挑釁. 最好笑的係連日來示威團體都跟那傻婆娘
唱反調, 她彈他們讚, 認真正. 如飛哥所講:

"人地南韓佬上街
血流披面, 擔架入醫院係例行公事
呢亭口水婆口水佬怕痕怕痛又怕死
社會垃圾, 丟"

早前兩日的示威, 人人俾片刻情景所感動, 猛讚韓民紀律好民族性
強有公德心之類, 現在倒好, 連日執垃圾, 可一夜就弄來更多垃圾,
今兒的街頭鬥爭, 怕令好多本港韓迷轉鈦!

查實有同韓人打過交道的, 都知他們性格剛烈, 為求目的勇往直前,
其他的只係手段. 他們的剛直小弟頗欣賞, 不然也不會在這幾次到
會跟他們握手抽煙啦. 他們的所為清楚告訴了所有土產左翼粉皮聽:
革命不是請客吃飯, 吹吹水搏影相便算. (做乜都好, 最緊要有心有
力有勁有謀.) 一味只會鑽象牙塔研究堅利系數和吹水, 不單外人看
扁你, 外來同道也當你係臭四!

至於此間只會看表面再胡吹一通的廢人社評文化佬, 就不提也罷!!

15 comments:

Anonymous said...

記者被射濕, 所以係襤用武力!!

----
【 本 報 訊 】 警 務 處 處 長 李 明 逵 在 世 貿 會 議 前 承 諾 , 不 會 出 動 水 炮 對 付 反 世 貿 示 威 者 , 但 昨 午 在 灣 仔 示 威 區 外 , 警 方 及 消 防 人 員 用 消 防 滅 火 喉 向 示 威 者 及 記 者 射 水 , 令 現 場 的 記 者 及 示 威 者 非 常 不 滿 。
有 本 地 示 威 者 指 出 , 當 時 他 們 並 沒 有 任 何 衝 擊 警 方 的 動 作 , 但 仍 被 射 濕 , 批 評 警 方 是 濫 用 武 力 。 另 外 , 有 市 民 指 警 方 在 施 放 催 淚 彈 前 , 沒 有 依 照 指 引 向 示 威 者 發 出 警 告 。

tungpo said...

長毛尋晚事後都有出嚟「抽水」。娥姐就失敗啲,今朝先見人,仲要係去觀塘。

又,女長毛原來有去示威,仲勇救警察免被毆!

DoA said...

勝讀十年書呀,收兄。

Eric Spanner said...

其實,今趟三大黨,同部分新自由派都好低調o者。

不過建聯,今朝有報佢奉咭予警察呢。

Anonymous said...

美國佬 d 國際信譽真係麻麻, 唔好得過北韓幾多. 且唔講京都協定書賴皮唔認帳. 02年起向加拿大徵收軟木材反傾銷稅, 加拿大不停向北美自由貿易小組, 世貿等提出仲裁. 最後仲裁結果要美國退還已徵收 50億加元稅款. 美國佬睬你都傻, 老虎蟹都唔回水. 諸多推搪要透過談判協商去解決紛爭喎. 對加拿大都咁無賴, 你話對 d 窮國會點 ?

長毛唔知為乜縮了不再出現(US GOVT
的壓力耶?)
長毛成日掛哲古華拉像喺個心口啫, 唔係想學哲古華拉一樣慷慨就義去做烈士.
玩下顏射就唔傷脾胃啫, 話唔埋一早收到風班農民會將行動升級, 兵凶勢危, 幾大都閃啦.

收買佬豪宅看更

收買佬 said...

師兄: 聞說有海外團體媽叉李鄧夫妻二人的團題招乎不周;
又, 正經, 對女長毛今回的義舉有兩分敬意.

duke 兄: 乜咁客氣呀?? :)

師弟力: 電台話好些民主派人仕認同警方做法喎. ∼

飛哥: International arbitration 無撚用啫, 有用我都報讀啦. :)

收買佬 said...

查實班憤青想點? 一時濫用武力, 一時就港警無能唔夠打. 好戁攪?!

又 , 現場所見, 班韓農唔見得特別大舊, 當過兵唔一定會好打過人; 差佬
日日練兵再加上full gear, 韓農未必佔上風; 差佬受傷得少, 有可能係差佬
"打出水準" 囉.

當然, 韓農們都可能真係好俾面,無想過要人命; 咁, 差佬都無出鎗出電棍
?! 個人覺得, 當日所見, 大家埋牙時都多少有留一手. That's why 法國
報章說港警好"紳士", 農民亦非暴徒.....

Anonymous said...

糞青對乜都唔順眼, 尤其對社會傳統價值觀得別唔順, 頭腦簡單者就冇咁多思考, 總之衝擊社會既定秩序就 high 到痺. 唔係點會叫做糞青 ?

打得唔需要大舊, 如果時空交錯, 李小龍隨時幾野就砌低史泰龍. 而且你睇自由搏擊圈內班泰佬個個瘦蜢蜢但殺傷力驚人. 韓國被肥仔金虎視耽耽, 韓佬軍訓唔係培訓少爺兵. 所以差不多裝備或者人數唔太懸殊, 要搏命的話香港差佬凶多吉少. 不過, 去到咁性命相交困獸鬥機會係等如零.
最重要係, 我覺得班韓農一定係有某種使命在身而演出預定劇本而已. 你貼出黎個份朝鮮日報有段報導都講, 美國副農業部長見南韓部長時單打佢話外面又有班韓農跳海示威.

收買佬豪宅看更

Anonymous said...

點觲又唔見大宇汽車廠的工人同三星電子同現代造船的工人來香港反對世貿?只係韓國農民來呢?佢地�問題實際係韓國政府同韓國農民之間�問題,不應該驚動全世界人幫手,我們只須在道義上支持便是。
那些去法院前示威支援的人更不知所謂,一時又話要民主法治,一時自己連法官都做埋,未經任何法律程序便自己宣佈無罪,要立即放人,如此多重標準者,豈是我們香港市民可以寄予重任的?
�斑人其實時刻想向中央奪權,但是如果俾佢奪到權,跟住又到佢地之間再爭權奪利,各為其主,到時香港市民就真正死過你睇了!

Eric Spanner said...

都係o個句:繼續大戰三百合,不論你尊重傳統,係咪憤/糞青中伯婆都係一樣。

而民主派中,有經濟左翼右翼,有死硬秩序派同流動秩序派,有人出來支持絕不為奇。

之不過又想問大家喇:假若今次o既目標係交易所、銀行、主要辦公大樓呢類更代表資本主義o既建築物,又會唔會覺得班對手夠薑?

收買佬 said...

>之不過又想問大家喇:假若今次o既目標係交易所、
>銀行、主要辦公大樓呢類更代表資本主義o既建築物,
>又會唔會覺得班對手夠薑?

唔覺喎!

Anonymous said...

臭古到此一遊...............嘻嘻!

當日清場我正在報館等改版, 諗住事件一定要暴力衝突收場, 點知韓國佬能放能收, 卒之順風順水四點歸家去也。

Stannum said...

其實真係唔明點解要用灣仔會展來舉行﹐大嶼山唔係有個已經落成既會議展覽場地咩﹖入去大嶼山﹐甚麼大場面示威都不會影響市民嘛。

阿茂 said...

Merry Christmas, Dai Lo! :D

Stannum said...

收收﹕祝你同收買嫂今年事業大豐收﹐身體健康﹐樣樣都好﹗