Monday, August 24, 2009

忙碌星期一 (社會文化), (體育世界)

<<窮富翁大作戰>>


(短片﹕窮富翁大作戰 : 富翁變窮人真人show)

<<窮富翁大作戰>>這齣電視劇﹐實乃石屎森林版的“Survivor” ﹐中心思想則為文學名著"乞丐王子"的延承﹔即是讓兩個世界的人互相cross-over﹐去體驗一下全無認識的社會之另一邊。可惜的是﹐今時今日社會已高度工業化和成熟化﹐找有錢人去當part-time窮人送外賣和掃垃圾﹐頂多只是不習慣﹐絕對沒有"不懂得去做"這個問題﹔然而找窮人去當part-time有錢人﹐當其CEO或專業人士﹐卻幾乎係不可能﹐蓋他們完無這些門科的技藝和概念﹐係真正的“非不為也﹐實不能也”-- 好老實﹐若然他們有這些know-how﹐又怎會搞到如斯悲情﹖再說﹐又有多少人肯真的把公司/病人/客戶讓出來﹐給別人營運/管理/試做數天﹖社會越趨成熟和進步﹐未能跟上者的生活質素只有下調的空間 -- 不一定是低學歷者才有這苦痛﹐好些知識分子或大學生﹐不能融入制度和社會﹐一樣無運行。

這個節目的出發點其實不錯。本港社會確實有很多不公之處 -- 雖然沒有那些網絡憤青吹得那麼嚴重﹐但窮區的悲情現實﹐有眼大家去看矣。只是﹐讓一班有錢人去當五天窮人﹐匆匆來匆匆走﹐又能真正體驗了甚麼﹖猶記得我很小的時候﹐跟家中長輩返紅色中國探親﹐斯時國門初開﹐很多事物的質素﹐只是第三世界的水平。有回乘火車由廣洲出發某個粵北窮鄉﹐沿途又熱又逼﹐像極繁忙時間的地鐵﹐大熱天時沒位坐﹐就這站著幾小時﹐頂了那些由汗水和屎尿混雜的臭味。路途到中段我跟外婆說好辛苦﹐外婆只是淡然道﹕“(二戰)很多人坐火車走難﹐更加難頂﹔今天只是去旅遊﹐一到步就開心快活﹐但那些(二戰時)的難民﹐下了車後﹐還有很多事要面對呢﹗”這番說話﹐不知怎的﹐就跟"京華春夢"主題曲一樣﹐至今仍然長留在我的腦海中。

總言之﹐這五天的窮苦﹐對有錢人的認知作用實在有限。


......講多兩句.....

不要以為窮人發達後會立品。歷史說明﹐翻了身的窮鬼﹐會對自己的本身的階級更兇狠惡毒。


再多一冠﹗


(短片﹕Athletic Bilbao VS FC Barcelona Highlights)

巴塞開工大吉﹐在西國超級盃兩回合斬畢爾包落馬﹐成功奪冠。下週五他們就會面對薩克達﹐預期在歐聯已出局的烏超班霸﹐不會為巴塞制造到麻煩。如是﹐巴塞便成了五冠王﹐實在可喜﹗

又﹐西甲轉播權仍未揭盅。收買佬已有上網收看大陸電視台轉播的預備。(按﹕內地轉播權﹐未來三年仍歸中央台。)

又又﹐今年有線播歐聯﹐畫面質素好好﹐但不知怎的有點不慣。可能﹐是少了桂神和江忠德的聲音吧。

11 comments:

jcch said...

所以我地要做既,唔應該係俾少數低下階層"翻身"---就算翻身,又翻得幾多個?而係令低下階層不再低下,包括提供更多權利、反對污名化,等等。當然,最終要改變既係階級分明既政社經結構,令上下階級距離大大減少,同時向上流動亦要更易。

阿茂 said...

大佬,

我可能唔知點幫o的窮人翻身, 或者怎幫佢o地活得好過o的, 但係自己身為比較窮o的o既人, 我只可以講o既就係如果想活得好過o的就要靠自己雙手去打出自己o既天下. 無端端比一大筆錢佢o地反而會害o左o的窮人, 因為佢o地“非不為也﹐實不能也”.

If people really want to help them, they should teach them the skills and give them the opportunity to break out of their cycle of poverty. That is probably the key to ending poverty. However, that's easier said than done, just like most other things in life.

Cheers,
阿茂

收買佬 said...

阿茂﹕同意。好老實﹐俾錢派糖唔係出路﹐非洲經驗可供參考。至於點幫班人翻身﹐就等d 社運人士去“想”好了﹐哈哈。

香港仔 said...

我中學畢業5年,開頭做文職,
2年前月入7,500,但2年前我轉咗做地產經紀,
開頭幾個月食白果,但慢慢掌握到買賣双方心理,呢半年,平均月入4萬-5萬

香港地其實要搏命. 要成功搵錢,其實唔難

尋日同班中學friend食飯,
佢地知我買咗首都幾佰萬單位,
個個O晒咀,有一個仲話佢買個廁所都未夠錢
真係努力不會白費

收買佬 said...

哎﹐老友﹐家陣係市旺水浸先搞到你高人一等0者﹔若然水退﹐你(同我)都唔得掂呀﹗此正是﹕食中個勢﹐豬頭丙都變李嘉誠﹔食唔中的話﹐識飛都無用。

jcch said...

http://www.youtube.com/watch?v=JO_OUZ0XFw0

從以上精華可見,巴塞延續上季狀態,季初表現應可樂觀。而且最重要是伊巴不是想像中那麼濕毛巾,總算是應射則射應傳則傳,似乎配合得不錯。
PS. 我從來未見過有咁長既精華,居然係全部集中0係同一隊,睇黎畢爾包輸3球算輸得少。

Unknown said...

Erwin Huang is our 大師兄,佢係捱義氣做TSL CEO(TSL兩個仔又係我地D人)..佢係Boston U畢業,Havard就好似美麗的誤會.

過內人 said...

我成日都問一個問題,若你命唔好,無人幫到你。

若唔關條命事,就係你自己問題。事實證明,你窮都可以讀到書入行做醫做會計,唔發達都保你三餐溫飽。

你唔讀書又可以做生意、做Sales,你有計就有得發達。

香港已經好好,無人阻你發達,無人阻你上位。唯一可以阻到你嘅係你自己叻唔叻,勤唔勤力,進唔進取。

過內人 said...

你講歐聯質素好,你係咪睇高清先???

不過,阿潘佢哋套老西又真係好咗。

Anonymous said...

「香港已經好好,無人阻你發達,無人阻你上位。唯一可以阻到你嘅係你自己叻唔叻,勤唔勤力,進唔進取。」

說得好。香港根本毫無階級阻力。唯一可以賴的,是阿媽生得自己蠢。

「少了桂神和江忠德的聲音」

謝天謝地,世界真美好。

又,希望狼堡迅速反底,伸多落水狗拜仁一腳。

chaco

收買佬 said...

jacky: 又係0個句﹐正路看巴塞再贏聯賽唔係太大問題

過 & Chaco: 唔識答你地。老實﹐你話全無階級阻力﹐就講笑﹐就算美國﹐或者以前既香港﹐都有啦。但當然﹐有料者如你倆﹐唔會覺得係咩問題。我亦重申呢d 階級阻力絕無政棍憤青講得0甘誇張。

又﹐希望拜仁降班啦﹐YES !