Monday, October 04, 2004

特約轉載(社會文化)

阿貴師父十分賞臉,答允讓小弟重貼他以前的經典妙文。此實在係壹
大押之福。先再謝過阿貴師父,亦請大家僈僈欣賞。這篇轉載只是第
一篇,往後還會有更多,敬請留意啦!

---[開始]---

從西方火砲與中國土砲之比較來窺看香港人之道德矛盾

黃宜弘的中指事件熟大熟小,我不必置評,反正我不喜歡他。殖民地
時代他保皇,九七之後他依然保皇。前後主子本來對立並不重要,黃
議員最緊要有飯食。

若有民族沒有象徵「操你」的發乎盲目衝動但表現真性情的草根手語,
那必是個造作偽善至極的民族。西方人豎起中指,我原初從其形象誤
解為「勃起」之意,看報章說典故才曉得原來是醫生探肛之謂。從探
肛引申為探洞,探洞變成「操」,兜兜轉轉,損了不文行為該不必仗
賴後天知識就可原始了當,即頭棒打,直惹人憎的鄙暴攻擊效果。但
此亦可見西方人以「知識概念」為本的文化一端 --- 從「探肛」到
「操」,當中仍需理性的邏輯過渡。西方人重慨念思維,中國人重形
象思維,從中國文字原是象形文字就可見一斑。因是之故西式「操野」
造形的象徵可謂過於簡約,未能傳神。香港(中國)本土的手語,是在
握拳中選至粗至大的姆指夾在食指與中指間標出,縮皮凸頭,摹擬形
象,一看自明,夠賤夠真,對受者的侮辱發揮淋漓。從表意生鬼為比
較,中式跑贏西式幾條街。可惜的是,香港人形式上全盤西化,連講
粗口也要學習西人,我已經多年沒見人發中式禮砲了。

美國總統、政客講粗口,性淫亂,編謊話等擺明道德上有偏失,但國
民譴責幾句然後一笑置之,皆因道德不應干涉政治與經濟,否則就是
「泛道德」。香港有識之士從來都向美國取西經,香港多少報章和知
識分子教我們要擺脫中國傳統的封建禮教的泛道德主義,不必期求道
德賢人來治國,謂人性幽暗自無完人,我們要的是法治。但這個月來
香港人尤其是追求所謂民主的政客文人學者卻出奇地對政府官員和議
員有極高的人格道德要求。道德呀道德,你真是個擺脫不了的幽魂嗎?

(原文寫於 2003-07-19,個別文字修飾於 2004-10-03。)

15 comments:

Stannum said...

貴兄﹕
在下少少意見﹕西方政客性淫亂,編謊話等等﹐國民可以譴責幾句然後一笑置之的﹐大都只涉及私生活。總統與人偷歡﹐干卿底事?但如果涉及謀私或貪污之類﹐鞠躬下台的機會更大。而且﹐西方政客要經過選舉﹐如果出言(或手)侮辱選民﹐大家一票在手﹐下次想再當選﹐難也。香港官員和部份議員非由民眾普選﹐對一些不稱職的﹐例如一些坐在公家房車上「操」市民的人﹐無力透過選舉制度把他剷除﹐只能透過「極高的人格道德要求」對其謾罵﹐以求發泄。我覺得這與「封建禮教的泛道德主義」沒有甚麼關係呢。

矮肥鈍 said...

〔香港(中國)本土的手語,是在
握拳中選至粗至大的姆指夾在食指與中指間標出,縮皮凸頭,摹擬形
象,一看自明,夠賤夠真,對受者的侮辱發揮淋漓。〕

實不相瞞,小弟以前對人做過呢個動作,但被X者無反應lor。可能真係無乜人識呢個啜核手勢。

又,收收你呢度高人真多。貴哥文章固然正,下面個位名叫〔唐璜〕既網友個篇分析律師行困境文章又係一絕,正正正。

Stannum said...

萬力﹕乜而家D人真係唔識呢個土砲手勢咩﹖會唔會係扮cool咋﹖

矮肥鈍 said...

stan,依家無論漫畫同電影都好少見到呢個手勢,少人知唔出奇丫!
又,論不雅程度我覺得呢個〔突姆指〕重犀利過〔拿〕!

tungpo said...

土炮手勢我讀中學時很流行啊!不過已是四分一世紀前的事了。記得某年的年三十晚,我與一個挑釁我朋友的人遙距離以此手勢互相問候呢!

tungpo said...
This comment has been removed by a blog administrator.
Anonymous said...

>記得某年的年三十晚,我與一個挑釁我朋友的人遙距離以此手勢互相問
>候呢!

哇,估唔到師兄你都0甘火爆!


--- 收收

tungpo said...

我那時十八歲,血氣方剛嘛!

Anonymous said...

小弟真係智障, 今日先發現原來每篇文內文中有文 - comments, 可以出 post !

話時話
香港以前嘅 "本土的手語 " 係咪香港土產 ?
小弟多年前去日本見過 d 成人雜誌包裝紙上有呢個手語
我只以為呢個係國際手語

跑腿的

Anonymous said...

小弟真係智障, 今日先發現原來每篇文內文中有文 - comments, 可以出 post !

話時話
香港以前嘅 "本土的手語 " 係咪香港土產 ?
小弟多年前去日本見過 d 成人雜誌包裝紙上有呢個手語
我只以為呢個係國際手語

跑腿的

矮肥鈍 said...

[記得某年的年三十晚,我與一個挑釁我朋友的人遙距離以此手勢互相問候呢!]

我覺得個場面好滑稽!!!

tungpo said...

萬力,有幾滑稽?當然,在遙距離互X前我們是有近距離言語交鋒。對方叫我們齊人夠膽就入去酒廊找他,我們則叫他夠膽不要走。其實,大家都不過是逞口舌之快吧!

矮肥鈍 said...

唔滑稽咩? 兩幫人炒晒蝦拆晒蟹互小,但又唔敢郁手!喜劇感好強lor個畫面:

"咩呀!有種唔好走! 我X你老X!"
"你老X, 夠膽你過黎, 睇下我打唔打柒你丫!"
"我X你老X, 你唔X過黎?"
"你過我咪過lor"

拖拖拉拉 x N次

Anonymous said...

manics 兄:你出土炮但對方無反應,原因好多,最大可能係呢兩個:(1)你隻手指公似手指尾,所以佢睇唔清楚;(2)佢覺得你好 OUT,嚇呆左…

anonymous兄:以前日本受中國影響好大,亞洲人識用土炮唔奇。老實講,其實土炮係香港特產抑或廣東人北方人等發明、甚至係日本人,我都唔肯定,但我敢講,以前香港就只有土炮。我由細到大從未見過有西人會用。而家,我就無見過港人用土炮。

Stannum 兄:其實對民選或非民選議員(或任何有政治影響力的公眾人物、官員)有道德要求係恰當o既,我都唔認為係泛道德主義作祟。西方國家也並非如香港的一批「自由主義」者或知識份子(例如林行止、張五常)所說的完全政經與道德分離。記憶中年前英國就有兩位大臣因婚外情而辭職。美國克林頓同肥溫一事,重點在克仔矢口否認「通姦」,技術上(法律上?)口交不是通姦(性交),所以克仔勉強甩身,但佢既誠信就好有問題,克仔終受彈劾係在其誠信,而不是通姦,投票結果佢好彩。
--- 貴

Clara said...

我真係未見過土砲喎,今日嘗試o係公司跟住做,等我試下對住我D乞人憎同事做,睇o下佢地有乜反應先!